ပြည်ပနိုင်ငံများမှ ဝဥဝယ်ယူမှုမြင့်တက်လာ

Photo - ကွမ်းသီးခင်းအတွင်း ဝဥများရောနှောစိုက်ပျိုးထားရှိပုံ

ယခုနှစ်အတွင်းဝဥကို ပြည်ပနိုင်ငံများမှဝယ်လိုအားယခင်နှစ်ထက်မြင့်တက်လာကြောင်း ချင်းပြည်နယ် ဝဥစိုက်ပျိုး ထုတ်လုပ်သူများအသင်းမှသိရပါတယ်။ 

ဝဥအစိုနဲ့အခြောက်ကို ကိုရီးယားနိုင်ငံအပြင် ထိုင်းနိုင်ငံကပါ အခုနှစ်အတွင်းဝယ်လိုအားလိုက်လာတဲ့ အတွက် ပြည်ပဝယ်လိုအားတက်လာတယ်လို့ ချင်းပြည်နယ် ဝဥစိုက်ပျိုးထုတ်လုပ်သူများအသင်းမှ အကြံပေး ဦးဖွေးမနားကပြောပါတယ်။

“အရင်နှစ်ထက်စာလို့ရှိရင် ဝဥက ပြည်ပဝယ်လိုအားတက်လာတယ်။ ကိုရီးယားကလည်း အစိုရော အခြောက်ရော အားထားဝယ်နေသလို ထိုင်းနဲ့တရုတ်ကလည်း ဒီနှစ်ထဲမှာ ဝယ်လိုအားလိုက်လာပါ တယ်။ အရင်နှစ်ထက်စာရင် ဝယ်လိုအားတွေ တက်လာပါတယ်”

ဝဥကို ပြည်ပနိုင်ငံများကို ကုန်ကြမ်းအဖြစ်သာ အဓိကတင်ပို့နေပြီး ကုန်ချောအဖြစ်မြှင့်တင်ပို့နိုင်ရန်စီစဉ်လုပ်ဆောင်နေကြောင်းလည်း အဆိုပါအသင်းမှသိရပါတယ်။

ပြည်ပဝယ်လိုအား တက်လာတာကြောင့် ဝဥဈေးနှုန်းမှာလည်း ယခင်နှစ်ထက် ဈေးနှုန်းပိုမိုရရှိနေတာ ဖြစ်ကြောင်းလည်း ချင်းပြည်နယ်ဝဥစိုက်ပျိုးထုတ်လုပ်သူများအသင်းမှသိရပါတယ်။

တိုးတိုးခိုင်(ABM)



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ငှက်ပျောတစ်နှိုက် အုန်းတစ်မိုက်"