ပြည်ပမှဝင်ရောက်သည့် အာလူးများကြောင့် ပြည်တွင်းအာလူးဈေးနှုန်းများ ကျဆင်း

    ပြည်ပမှဝင်ရောက်နေသည့် အာလူးများကြောင့် ပြည်တွင်းအာလူးဈေးနှုန်းများ ကျဆင်းနေကြောင်း ရှမ်းပြည်နယ်တောင်ပိုင်း၊ နောင်တရားအာလူးအသင်းမှ သိရသည်။

အစောပိုင်း လမ်းပိတ်ပြီးမှ ရုတ်တရတ်ပြန်ဖွင့်တော့ တစ်ရက်၊ နှစ်ရက်လောက် ဈေးက ထောင်တက်သွားသေးတယ်။ ဈေးကောင်းရလိုက်တဲ့လူတွေလည်း ရလိုက်ကြတယ်။ ဒီအချိန်မှာပဲ တရုတ်ဘက်က အာလူးတွေက အကြီးအကျယ်ဝင်ချလာတယ်။ တွဲကား အစီး ၄၀, ၅၀ လောက်ကို တင်သွင်းလာကြတယ်။ အဲ့ဒီလိုဆိုတော့ ပြည်တွင်းအာလူးတွေက ချက်ချင်းဈေးထိုးကျသွားတယ်။

ဟု ရှမ်းပြည်နယ်တောင်ပိုင်း၊ နောင်တရားအာလူးအသင်း၏ ဥက္ကဌ ဦးခွန်ဆန်းဦးက ပြောသည်။

    ထိုကဲ့သို့ အာလူးဈေးနှုန်းများ ကျဆင်းသွားသည့်အတွက် အာလူးတစ်ပိဿာလျှင် (၇၀၀) ကျပ် ဝန်းကျင်သာ ရရှိပြီး၊ ကားခနှုတ်ပါက တောင်သူများအတွက် တစ်ပိဿာလျှင် (၅၅၀) ကျပ်ခန့်သာရရှိကြောင်း သိရသည်။

အာလူးဈေးကျပေမယ့်လည်း ရန်ကုန်ကို မတင်ပို့လို့လည်း မရပြန်ဘူးလေ။ ကိုယ်တင်ပို့နေကြ ဖောက်သည်တွေအပေါ် ကတိတွေပေးထားပြီးဖြစ်နေတော့လေ။ ကားခက မန္တလေးတစ်ဖြတ်ကိုပဲ တစ်ပိဿာ ၉၀ ကျပ်လောက်ပေးလိုပေးရ။ နောက်ပြီးတော့ ရန်ကုန်အထိကို ၉၀၊ ၁၀၀ လောက် ပေးလိုပေးရ။ မတင်ပို့လို့ကလည်းမဖြစ်နဲ့ အဲ့ဒီလိုတွေ ပြည်တွင်းအာလူးဈေးကွက်မှာ ဖြစ်ကုန်တယ်။ ဟိုးအရင်ကထက်တောင် ဈေးက ပိုကျသွားတယ်။

ဟု ဦးခွန်ဆန်းဦးက ဆက်လက်ပြောသည်။

    ရှမ်းပြည်နယ်တောင်ပိုင်းမှ ရန်ကုန်သို့တင်ပို့သည့် ကားခအနေဖြင့် အာလူးတစ်ပိဿာလျှင် ကားခ (၆၀) ကျပ်မှ (၁၀၀) ကျပ်အတွင်း ကုန်ကျကြောင်းသိရသည်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်