ဆန်ဈေး၊ စပါးဈေး၊ ငရုတ်ဈေး၊ ပဲစင်းငုံနီဈေးတွေ တက်တဲ့ ဒီတစ်ပတ်

ဒီတစ်ပတ်မှာတော့ ဆန်ဈေး၊ စပါးဈေး၊ ဆီဈေး၊ ငရုတ်ဈေး၊ ပဲစင်းငုံနီဈေးတွေ တက်လာတယ်လို့ စိုက်ပျိုးရေးဈေးကွက်သတင်းအေဂျင်စီ (AMIA) ရဲ့ ပေးပို့လာတဲ့သတင်းတွေအရ သိရပါတယ်။

ဆန်၊ စပါးဈေးတွေတက်နေတာဟာ သယ်ယူပို့ဆောင်စရိတ်မြင့်တက်မှု၊ ဆန်လက်ကျန်လျော့နည်းလာမှုနဲ့ ဝယ်ယူမှုများလာတဲ့အတွက်ကြောင့်ဖြစ်တယ်လို့ AMIA က ဆိုပါတယ်။

ဆန်ဈေးတွေကတော့ အမျိုးအစားအလိုက် ၁ တင်းခွဲတစ်အိတ်ကို ကျပ်ထောင်ဂဏန်းကနေ သောင်းဂဏန်းအထိ ဈေးတွေတက်လာတာဖြစ်ပြီး ပြင်ပဈေးကွက်မှာတော့ ရွှေဘိုပေါ်ဆန်း အကောင်းဆုံးအမျိုးအစားတစ်အိတ်ဟာ ကျပ် ၁ သိန်းနားထိ ရောက်သွားတာ ဖြစ်ပါတယ်။

ဒီတစ်ပတ်အတွင်း ငရုတ်သီးဈေးတွေလည်း တက်လာပါတယ်။ ဈေးကွက်ထဲအဝင်နည်းမှု၊ တင်ပို့မှုလည်းရှိနေမှု၊ သယ်ယူပို့ဆောင်စရိတ်မြင့်တက်မှုတွေကြောင့် ဆက်တိုက်ဈေးမြင့်တက်နေတာဖြစ်တယ်လို့ AMIA ရဲ့ သတင်းပေးပို့ချက်အရ သိရပါတယ်။

ရန်ကုန်ဈေးကွက်မှာတော့ ငရုတ်သီးစိမ်းဟာ အမျိုးအစားအလိုက် တစ်ပိဿာကို ကျပ် ၁၀၀၀ ကနေ ကျပ် ၃၀၀၀ လောက်ထိ ဈေးတွေတက်သွားတာဖြစ်ပါတယ်။

ရန်ကုန်ဈေးကွက်မှာ ငရုတ်(ဆင်ဖြူကျွန်း)က တစ်ပိဿာကို ၁၂၀၀၀ ပေါက်ဈေးရှိပြီး တစ်ပိဿာကို ၂၀၀၀ ကျပ်၊ ငရုတ်(မြစ်ဝ)က တစ်ပိဿာကို ၁၅၀၀၀ ပေါက်ဈေးရှိပြီး တစ်ပိဿာကို ၂၀၀၀ ကျပ်၊ ကျောက်ဆည်(ဒီမွန်)က တစ်ပိဿာကို ၁၅၀၀၀ ပေါက်ဈေးရှိပြီး တစ်ပိဿာကို ၃၀၀၀ ကျပ် ၊ မြှားနီ(ဟင်္သာတ)က တစ်ပိဿာကို ၁၃၀၀၀ ပေါက်ဈေးရှိပြီး တစ်ပိဿာကို ၁၀၀၀ကျပ်၊ ပန်းရဲ(သစ်)က တစ်ပိဿာကို ၁၃၀၀၀ ပေါက်ဈေးရှိပြီး တစ်ပိဿာကို ၁၀၀၀ ကျပ် အသီးသီးဈေးတက်လာတာ ဖြစ်ပါတယ်။

ပဲဈေးနှုန်းတွေအနေနဲ့တော့ မတ်ပဲက ပြီးခဲ့တဲ့အပတ်နဲ့ယှဉ်ရင် ဈေးအတက်အကျ အများကြီးမရှိပါဘူး။ ဒေါ်လာဈေးတွေမြင့်တက်မှုတွေရှိနေပေမယ့် အတက်ဈေးကို စောင့်ပြီးရောင်းချတာတွေ၊အဝယ်ရှိပြီး အရောင်းမရှိတာတွေ ၊ ဈေးကို ပြန်ထိန်းရောင်းချမှု နဲ့ တင်ပို့ရောင်းချမှုနဲ့ပတ်သတ်တဲ့ မူဝါဒတွေကြောင့် ဈေးက တန့်နေတာဖြစ်တယ်လို့ သိရပါတယ်။

ပဲစင်းငုံနီကတော့ ပြီးခဲ့တဲ့ အပတ်ကအထိ အပြောင်းအလဲ အနည်းငယ်နဲ့ ဈေးငြိမ်ပေမယ့် ဒီတစ်ပတ်မှာတော့ ဈေးက ပြန်တက်လာပါတယ်။ လက်ကျန်လျော့နည်းတဲ့အတွက်ကြောင့် ဈေးတက်လာတာဖြစ်ပြီး မတ်ပဲနည်းတူ သယ်ယူပို့ဆောင်ရေးဆိုင်ရာ မူဝါဒအပြင် အခြားငွေကြေးလဲလှယ်မှုနှုန်းဈေးမြင့်တက်မှုတွေကြောင့် တက်လာတာဖြစ်တယ်လို့ AMIA ရဲ့ သတင်းပေးပို့မှုမှာ ဖော်ပြ ထားပါတယ်။

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more