တရုတ်နိုင်ငံကို မြန်မာ့ဆန်စက်ကုမ္ပဏီပေါင်း (၄၀)ကျော် စာရင်းပေးပို့သွားမည်

တရုတ်နိုင်ငံကို စစ်ဆေးပြီးသား မြန်မာ့ဆန်စက် ကုမ္ပဏီပေါင်း (၄၀)ကျော်စာရင်း ပေးပို့သွားမှာ ဖြစ်ကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ဧရာဝတီတိုင်းဒေသကြီး ဓနုဖြူမြို့နယ် ဒေသခံတောင်သူလယ်သများ တွေ့ဆုံဆွေးနွေးပွဲမှာပြောကြားခဲ့ပါတယ်။

မြန်မာနိုင်ငံက ဆန်စက်ပေါင်း(၁၀၀)ကျော်ထဲမှ ပိုးမွှားအန္တရာယ်ကင်းရှင်းတဲ့ ဆန်စက်ပေါင်း (၄၀) ကျော်ရဲ့စာရင်းကို ရွေးထုတ်နိုင်ခဲ့ပြီး ပေးပို့သွားမှာဖြစ်တယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ပြောခဲ့ပါတယ်။

“ဆန်စက်ပေါင်း ၁၀၀ ကျော်ကို စစ်ဆေးမှုတွေပြုလုပ်ပြီးတဲ့အခါကျတော့ ကုမ္ပဏီပေါင်း ၄၀ ကျော်ကို ကျွန်တော်တို့ရွေးထုတ်နိုင်ခဲ့ပါတယ်။ ဒီကုမ္ပဏီရဲ့စာရင်းတွေကိုကျွန်တော်တို့အနေနဲ့  တရုတ်နိုင်ငံဘက်ကိုပေးပို့ဖို့ရှိပါတယ်။ အဲလိုစစ်ဆေးပြီးသားဆန်စက်များရဲ့စာရင်း အဲ့ဒါရောက်သွားတာနဲ့ အမျှ တရုတ်နိုင်ငံဘက်ကိုတင်ပို့မှုတွေ ပြန်လည်စတင်တော့မှာဖြစ်ပါတယ်”

မကြာသေးခင်အချိန်က တရုတ်ဘက်မှ ပိုးမွှားအန္တရာယ်ကာကွယ်မှုစနစ်ကို ပိုမို၍တင်းတင်းကျပ်ကျပ် ဆောင်ရွက်လိုက်တာကြောင့် နယ်စပ်လမ်းကြောင်းများမှာ ဆန်၊ ပြောင်းစတဲ့ကုန်ပစ္စည်းများ မထွက်နိုင်ခဲ့ကြောင်းလည်း ပြောကြားခဲ့ပါတယ်။

ယခင်က တရုတ်ဘက်ကို တင်ပို့ခွင့်ရတဲ့ မြန်မာ့ဆန်စက်ကုမ္ပဏီ (၁၁) ခုဝန်းကျင်သာရှိခဲ့ကြောင်း သိရပါတယ်။

နယ်စပ်ကုန်သွယ်မှုစနစ်၊ ကုန်ပစ္စည်းချင်းဖလှယ်စနစ်နဲ့ နှစ်နိုင်ငံကုန်သွယ်မှုစနစ်တို့ဖြင့် တင်ပို့နေတာဖြစ်ကြောင်းလည်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးအောင်ထူးက ပြောကြားခဲ့ပါတယ်။ 

တိုးတိုးခိုင်(ABM)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်