မြေချဉ်ငံကိန်းတိုင်းထားကြမယ်

ဒီလိုရာသီသိမ်းချိန်တွေမှာဆိုရင် အဓိကလုပ်ရာမှာက ကိုယ့်မြေအခြေအနေကို ကြည့်ရမှာပါနော်။ မြေပြုပြင်ဖို့ လိုလား မလိုလား? မြေအောင်းပိုးတွေရှိလို့ မြေလှန်ထားသင့်လား? မြေချဉ်ငံဓာတ်ကရော ဘယ်လိုတွေဖြစ်နေပြီလဲ? ဆိုတာတွေကို စဉ်းစားကြရတော့မယ်။ ဒီဆောင်းပါးထဲမှာတော့ မြေချဉ်ငံဓာတ်တိုင်းတဲ့နေရာမှာ ဘယ်လိုနည်းလမ်းတွေရှိတယ်ဆိုတာ လေ့လာနိုင်မှာပါ။

pH (မြေချဉ်ငံဓာတ်) ဆိုသည်မှာ potential of Hydrogen ရဲ့အတိုကောက်ဖြစ်ပြီး မြေကြီးအတွင်းရှိ ဟိုက်ဒရိုဂျင်အိုင်းယွန်း ကိုတိုင်းတာခြင်းဖြစ်ပါတယ်။ ယနေ့ခေတ်မှာဆိုရင်တော့ဖြင့် pH တိုင်းတာစက်တွေကို အလွယ်တကူပဲ ဝယ်ယူနိုင်နေပါပြီ။ ဒါပေမဲ့ ဝယ်ဖို့ရာ ဝေးပြီး အခက်အခဲဖြစ်နေသူတွေ၊ စက်ကိရိယာမဟုတ်ပဲ လက်လုပ်လေးတွေ သုံးချင်တဲ့သူတွေအတွက် အဆင်ပြေစေရန် မျှဝေလိုက်ရပါတယ်။

မြေချဉ်ငံကိုင်းတိုင်းတာရာတွင်

ဂေါ်ဖီထုပ်ဖြင့်တိုင်းတာခြင်း

ပထမဦးစွာ ဂေါ်ဖီထုပ်အနီရောင်ရှာပါ။ အနီရောင်ဟုဆိုသော်လည်း ခရမ်းရောင်လေးတော့သန်းနေမှာပေါ့။ ဂေါ်ဖီထုပ်ကို နုပ်နုပ်စင်းပြီး ရေနဲ့ဆေးကြောပါ။ ဆေးကြောထားတဲ့ အရည်များကို ခွက်သန့်သန့်လေးတွင်ထည့်ထားပါ။ စိုက်ကွက်တစ်ကွက်စီကိုစစ်ဆေးမည်ဆိုပါက မြေကို ဟင်းစားဇွန်း (၂) ဇွန်းနှုန်းထည့်ပါ။ ထည့်မည့်မြေပမာဏပေါ်မှာ ချိန်ဆပြီး ခရမ်းရောင် အရည်များကိုထည့်ရမည်။ နာရီဝက်ခန့်ကြာသောအခါ ထိုအရည်၏အရောင်ကို စစ်ဆေးကြည့်ပြီး ခရမ်းရောင်အတိုင်းပဲရှိနေပါက ထိုမြေကြီးသည် pH 7.0 နားရှိပြီး ပန်းရောင်ပြောင်းသွားပါက မြေချဉ်အမျိုးအစား (pH<7.0) ဖြစ်ပါသည်။ ပန်းရောင်ဖက်သန်းလေလေ မြေပိုချဉ်လေလေဖြစ်သည်။ အပြာရောင် သို့မဟုတ် အစိမ်းရောင်ဖက်ပြောင်းပါက မြေငန်အမျိုးအစား (pH>7.0) ဖြစ်ပါသည်။

ရှာလကာရည်နှင့်မုန့်ဖုတ်ဆိုဒါတို့ဖြင့်တိုင်းတာခြင်း

စစ်ဆေးလိုသောနေရာမှ မြေကြီးကိုယူ၍ ရှာလကာရည်ကိုလောင်းထည့်ပါ။ အမြှုပ်ထပြီး တစီစီအသံကြားပါက မြေငန်အမျိုးအစားဖြစ်သည်။ အမြှုပ်မထခဲ့ပါက အကုန်လုံးရွှဲသွားအောင်လောင်း၍ မုန့်ဖုတ်ဆိုဒါထည့်ပါ။ အမြှုပ်ထလာပါက မြေချဉ်အမျိုးအစားဖြစ်သည်။ ရှာလကာနှင့် မုန့်ဖုတ်ဆိုဒါ နှစ်ခုစလုံးထည့်ပြီး အမြှုပ်မထပါက ထိုမြေကြီးသည် မချဉ် မငန်သော pH 7.0 မြေအမျိုးအစား အကောင်းဆုံးအနေအထားဖြစ်ပါသည်။

မြေချဉ်ငံဓာတ်တိုင်းဖို့ မြေနမူနာယူရာတွင်လည်း

၁။ နမူနာယူမည့် မြေကွက်၏ ကန်သင်းမှ အနည်းဆုံး (၆) ပေအကွာအတွင်းမှ မယူရ။

၂။ သီးနှံရိုးပြတ်များ စုပုံထားသော နေရာအနီးမှ မယူရ။

၃။ နွားချေးနှင့် သဘာဝမြေဆွေးပုံများအနီးမှ မယူရ။

၄။ ထုံး၊ ဂျပ်ပဆန် ကဲ့သို့သော ပစ္စည်းပုံများအနီးမှ မယူရ။

၅။ အဆောက်အဦးအနီးမှ မယူရ။

၆။ သစ်ပင်ရိပ်အနီးမှ မယူရ။

ကဲ…..pH မီတာသွားဝယ်ရမှာဝေးတယ်တို့၊ ဘယ်မှာဝယ်ရမလဲမသိဘူး ဆိုတဲ့သူတွေအတွက် လွယ်ကူ ရိုးရှင်းတဲ့ နည်းပညာလေးပါ။ ဒါဆိုရင် ဘယ်သူမဆို မြေချဉ်ငံကိန်း တိုင်းလို့ရပြီနော်။

ကိုးကား- ဒေါက်တာကိုကို (စိုက်ပျိုးရေး)၏ အရည်အသွေးကောင်း ဖရဲသီး စနစ်တကျစိုက်ပျိုးထုတ်လုပ်နည်းစာအုပ်မှ ကောက်နုတ်ဖော်ပြသည်။

အစိမ်းရောင်လမ်း

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...