စပါးအပြီး သီးထပ်ပဲပုပ်

မိုးစပါးအပြီးဆောင်းသီးနှံ တစ်မျိုးမျိုးကို စိုက်တော့မယ်ဆိုရင် ပဲပုပ်သီးနှံကိုလည်း ထည့်သွင်း စဉ်းစားသင့်သည်။
စိုက်ပျိုးသည့်ပဲပုပ်မျိုးများမှာ ဒေသကိုလိုက်၍ အကြိုက်တူညီခြင်းမရှိချေ။ အမည်အမျိုးမျိုးဖြင့် ပဲပုပ်မျိုးများစွာကို စိုက်ပျိုးလျက် ရှိသည်။ ငွေပုလဲ၊ လားရှိုးလုံးကြီး၊ သိန္နီလုံးကြီး၊ ရှမ်းစိမ်း၊ တာချီလိတ်မျိုုး၊ ကချင်ပဲပုပ်၊ တရုတ်ပဲ၊ ရွှေမြိုင်ပုလဲ၊ အက်စ်ဘီ-၄၅၊ အက်စ်ဘီ-၆၀၊ ရေဆင်းပဲပုပ်-၁၊ ရေဆင်းပဲပုပ်-၂၊ ရေဆင်းပဲပုပ်-၃၊ ရေဆင်းပဲပုပ်-၄ စသည်တို့ဖြစ်သည်။ နောက်ပိုင်းတွင် ရေဆင်းပဲပုပ်-၅၊ ရေဆင်းပဲပုပ်-၆၊ ရေဆင်းပဲပုပ်-၁၁ စသည်တို့ကိုလည်း စိုက်ပျိုးလာကြောင်းသိရသည်။
သုတေသနပြုထုတ်ဝေထားသည့်မျိုုးများအနက် ထင်ရှားသောမျိုးများ၏ သိရှိမှတ်သားသင့်သည့် အရည်အချင်း လက္ခဏာများကို ဖေါ်ပြလိုပါသည်။
    ရေဆင်းပဲပုပ်-၃ : အသက်ရက် ၈၀ မှ ရက် ၈၅ ဖြင့်ရိတ်သိမ်းနိုင်သည်။ အပင် ၅၀ ရာခိုင်နှုန်း၏ပန်းပွင့်ရက်မှာ ၃၅ ရက်ခန့်ဖြစ်သည်။ တစ်ပင်ပါသီးတောင့် ၄၀ မှ ၅၀ ရှိပြီး တစ်တောင့်ပါအစေ့မှာ ၃ စေ့နှင့် အစေ့ ၁၀၀ အလေးချိန်မှာ ၁၃ မှ ၁၄ ဂရမ်ဖြစ်သည်။ ဆီပါဝင်မှုရာခိုင်နှုန်းမှာ ၁၉ ဒသမ ၄၁ ခန့် ဖြစ်ပြီး အသားဓာတ်ပါဝင်မှုမှာ ၃၄ ဒသမ ၄၅ ရာခိုင်နှုန်းခန့်ရှိသည်။ အစေ့အရောင်မှာ အဝါရောင်ရှိပြီး ချက်အရောင်မှာ အနက်ရောင်ဖြစ်သည်။ အသက်လျင်အထွက်ကောင်းမျိုးဖြစ်ပြီး ဒေသမရွေး စိုက်ပျိုးနိုင်ကာ စပါးအပြီးသီးထပ်စိုက်ပျိုးရန် သင့်တော်ကြောင်းသိရပါသည်။
    ရေဆင်းပဲပုပ်-၅ : သက်တမ်းရက် ၁၁၀ မှ ၁၂၀ ရှိသည်။ အပင် ၅၀ ရာခိုင်နှုန်း၏ပန်းပွင့်ရက်မှာ ၄၅ ရက်ခန့်ဖြစ်သည်။ တစ်ပင်ပါသီးတောင့် ၄၀ မှ ၅၀ သီးသည်။ တစ်တောင့်ပါ အစေ့ ၃ စေ့ရှိသည်။ အစေ့ ၁၀၀ အလေးချိန်မှာ ၁၆ မှ ၁၇ ဂရမ် ဖြစ်သည်။ ဆီပါဝင်မှုမှာ ၂၂ ရာခိုင်နှုန်းခန့် ဖြစ်သည်။ အစေ့အရောင်မှာ အဝါရောင်ရှိပြီး ချက်အရောင်မှာ အနက်ရောင် ဖြစ်သည်။ အထွက်ကောင်းမျိုးဖြစ်ပြီး အစေ့ကြီးကာ အသားဓာတ်ပါဝင်မှုများသောမျိုးဖြစ်ကြောင်းသိရပါသည်။
    ရေဆင်းပဲပုပ်-၆ : သက်တမ်းအားဖြင့် ရက် ၉၀ မှ ၁၀၀ ရှိသည်။ အပင် ၅၀ ရာခိုင်နှုန်း၏ပန်းပွင့်ရက်မှာ ၄၅ ရက်ခန့် ရှိသည်။ တစ်ပင်ပါသီးတောင့် ၄၅ မှ ၅၅ ဖြစ်သည်။ တစ်တောင့်ပါအစေ့ ၃ စေ့ရှိပြီး အစေ့ ၁၀၀ အလေးချိန်မှာ ၁၄ မှ ၁၅ ဂရမ်ဖြစ်သည်။ ဆီပါဝင်မှုရာခိုင်နှုန်းမှာ ၂၁ ဒသမ ၄ ဖြစ်ပြီး အသားဓာတ်ပါဝင်မှုမှာ ၄၃ ဒသမ ၃ ရာခိုင်နှုန်းခန့်ဖြစ်သည်။ အစေ့အရောင်မှာ အဝါရောင်ရှိပြီး ချက်အရောင်မှာ အနက်ရောင်ဖြစ်သည်။ ဒေသမရွေး စိုက်ပျိုးနိုင်သော သက်လတ် အထွက်ကောင်းမျိုးဟု သိရပါသည်။
    ရေဆင်းပဲပုပ်-၁၁ : အသက်ရက် ၁၁၀ မှ ရက် ၁၂၀ ဖြင့်ရိတ်သိမ်းနိုင်သည်။ အပင် ၅၀ ရာခိုင်နှုန်း၏ပန်းပွင့်ရက်မှာ ၄၅ ရက်ခန့်ရှိသည်။ တစ်ပင်ပါသီးတောင့် ၃၅ မှ ၅၀ သီးသည်။ တစ်တောင့်ပါအစေ့ ၃ စေ့နှင့် အစေ့ ၁၀၀ အလေးချိန်မှာ ၁၈ မှ ၁၉ ဂရမ်ရှိသည်။ ဆီပါဝင်မှုရာခိုင်နှုန်းမှာ ၂၂ ဒသမ ၃၀ ဖြစ်သည်။ အစေ့အရောင်မှာ အဝါရောင်ရှိပြီး ချက်အရောင်မှာ အနီရောင် ဖြစ်သည်။ ရှမ်းပြည်နယ်အတွက်သင့်တော်သော သက်လတ်အထွက်ကောင်းမျိုးဟု ထင်ရှားပါသည်။
    ရေဆင်းပဲပုပ်-၁၄ : သက်တမ်းအားဖြင့် ၈၀ ရက်မှ ၈၅ ရက်ရှိသည်။ အပင် ၅၀ ရာခိုင်နှုန်း၏ပန်းပွင့်ရက်မှာ ၃၅ ရက်ခန့် ရှိသည်။ တစ်ပင်ပါသီးတောင့် ၄၅ မှ ၅၀ သီးပြီး တစ်တောင့်ပါအစေ့မှာ ၃ စေ့ဖြစ်သည်။ အစေ့ ၁၀၀ အလေးချိန်မှာ ၁၆ မှ ၁၇ ဂရမ်ရှိသည်။ ဆီပါဝင်မှုရာခိုင်နှုန်း ၂၀ ဒသမ ၇ ရှိသည်။ အသားဓာတ်ပါဝင်မှုမှာ ၃၄ ရာခိုင်နှုန်းခန့်ဖြစ်သည်။ အစေ့အရောင်မှာ အဝါရောင်ရှိပြီး ချက်အရောင်မှာ အနက်ရောင်ဖြစ်သည်။ တောင်ပေါ်မြေပြန့် စိုက်ပျိုးနိုင်ပြီး စပါးအပြီး သီးထပ်အဖြစ်လည်း စိုက်ပျိုးနိုင်သော အထွက်ကောင်းမျိုးဖြစ်ကြောင်း သိရပါသည်။
    ဒေသရေမြေရာသီအလိုက်၊ စိုက်ပျိုးနည်းစနစ်မှန်၊ ပိုးမွှားရောဂါနှင့်ပေါင်းမြက်ကာကွယ် နှိမ်နင်းနည်းစနစ်မှန်စွာဖြင့် ပဲပုပ်စိုက်ပျိုးအောင်မြင်စေရန် သင့်တော်သည့်မျိုးကို ရွေးချယ်စိုက်ပျိုးနိုင်ရေး အသိပေးအပ်ပါသည်။
ဆင်းသီဟ

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more