တစ်ပတ်တာအတွင်း ဈေးကွက်သုံးသပ်ချက်
(၂.၈.၂၀၂၁ မှ ၆.၈.၂၀၂၁) ထိ အပြောင်းအလဲဖြစ်ပေါ်ခဲ့သည့် လယ်ယာထွက်ကုန်သီးနှံများ
မတ်ပဲ
မတ်ပဲကတော့ ဈေးစဖွင့်တဲ့အချိန်မှာ အတက်ဈေးနဲ့ဈေးဖွင့်ခဲ့ပါတယ်။၂ ပတ်ကျော်ကြာ ဈေးကွက်တွေ ပိတ်ထားခဲ့ပြီး အရောင်းအဝယ်ကလည်း မရှိတော့တဲ့အခြေအနေပါ။ ဈေးကွက်အတွင်း အတက်ဈေးနဲ့ ရှိခဲ့ပေမယ့် ရက်ပိုင်းအတွင်းမှာ အများအပြားထုတ်ရောင်းမှုတွေကြောင့် ဈေးတွေ ပြန်ကျဆင်းသွားခဲ့ပါတယ်။
မတ်ပဲကတော့ လက်ရှိမှာ အတက်ဈေးနဲ့ပဲ ရှိနေဦးမယ့်အခြေအနေပါပဲ။ လက်ကျန်တွေက လျော့နည်း နေပြီး ငွေထုတ်ဖို့အခက်အခဲတွေနဲ့ အပြည့်အဝပြန်လည်မဖွင့်သေးတဲ့ ကုန်စည်ဒိုင်တွေကြောင့် အရောင်းအဝယ်က ထင်သလောက် ရှိနေဦးမှာ မဟုတ်ပါဘူး။
အိန္ဒိယကလည်း ပဲတင်ပို့မှုကို ပွဲတော်မတိုင်မှီတင်သွင်းဖို့ ဆွေးနွေးမှုတွေပြုလုပ်နေတာဖြစ်ပြီး မိုးစိုက်ပဲဧက လျော့နည်းတဲ့အတွက် မြန်မာ့ပဲဈေးကတော့ အရမ်းမကျဆင်းနိုင်ဘူးလို့ ကုန်သည်အချို့က သုံးသပ်ပါတယ်။
ရန်ကုန်ဈေးကွက်မှာ မတ်ပဲက တစ်တန်ကို ၁၂၆၀၀၀၀ အထိ ပေါက်ဈေးရှိခဲ့ပြီး ၂ ပတ်အတွင်း တစ်တန်ကို ၁ သိန်း ၅ သောင်းလောက် ဈေးမြင့်တက်လာခဲ့ပါတယ်။ တစ်ပတ်အတွင်း ငွေကျပ် ၂သောင်းလောက် ပြန်ကျဆင်းသွားခဲ့ပြီး သောကြာနေ့ စာရင်းအရ တစ်တန်ကို ၁၂၄၅၀၀၀ သာပေါက်ဈေးရှိပါတယ်။
မော်လမြိုင်ဈေးကွက်မှာတော့ တစ်တင်းကို ၃၉၅၀၀ ပေါက်ဈေးရှိပြီး ၅၀၀ ကျပ်ဈေးတက်လာပါတယ်။
ဆင်ဖြူကျွန်းမှာတော့တစ်တင်းကို ၃၆၀၀၀ ပေါက်ဈေးရှိပါတယ်။
ပဲစင်းငုံနီ
ပဲစင်းငုံနီကလည်း ဈေးကွက်ပြန်လည်ဖွင့်ချိန်မှာ အတက်ဈေးနဲ့ ဈေးဖွင့်ပါတယ်။ ဒါပေမယ့် ပဲလက်ကျန်မရှိတော့တဲ့အခြေအနေကြောင့် ဈေးက အတက်ဈေးနဲ့ ငြိမ်နေပါတယ်။ နယ်တော်တော်များများမှာလည်း အရောင်းအဝယ်က မရှိပါဘူး။
ပဲစင်းငုံနီက မတ်ပဲလောက်ဈေးမတက်ပါဘူး။ ပြည်တွင်းမှာလည်း စိုက်ဧကလျော့နည်းပြီး ကုန်သည်များလက်ထဲမှာသာ ပဲတွေက ရှိတော့တာဖြစ်အတွက် ပဲဈေးကွက်က ငြိမ်နေခဲ့တာဖြစ်ပါတယ်။
အိန္ဒိယမှာတော့ ပဲစင်းငုံနီ စိုက်ပျိုးထုတ်လုပ်မှုလျော့ကျတဲ့အပြင် မိုးသည်းထန်စွာရွာသွန်းတဲ့အတွက်ကြောင့် စိုက်ဧကတွေလျော့နည်းနိုင်တဲ့အတွက် ဈေးတွေက တက်နေခဲ့တာဖြစ်ပါတယ်။
ဈေးကွက်ဖွင့်တဲ့အချိန်မှာ ပဲစင်းငုံနီက တစ်တန်ကို ၁၁၈၀၀၀၀ နဲ့ စဖွင့်ခဲ့ပြီး လက်ရှိမှာတော့တစ်တန်ကို ၁၁၇၅၀၀၀ နဲ့ ၃ ရက်ကြာဈေးအပြောင်းအလဲမရှိပဲ ငြိမ်နေပါတယ်။ ဈေးမပိတ်ခင်ရက်နဲ့ နှိုင်းယှဉ်လိုက်ရင် တစ်တန်ကို ၅ သောင်းလောက်သာ ဈေးတက်လာခဲ့ပါတယ်။
ပဲတီစိမ်း
ပဲတီစိမ်းကတော့ ရန်ကုန်ဈေးကွက်စဖွင့်တဲ့အချိန်မှာ ပါးပါးလေးဈေးတက်လာပါတယ်။ အချို့နယ်ဈေးတွေမှာတော့ ဈေးကတောက်လျှောက်ငြိမ်နေပါတယ်။ တရုတ်က အဓိကဝယ်ယူတာဖြစ်ပြီး လတ်တလောအရောင်းအဝယ်က ပြည်တွင်းသာရှိတဲ့အတွက် ဈေးက ငြိမ်နေခဲ့တာဖြစ်ပါတယ်။
ရန်ကုန်ဈေးကွက်မှာတော့ ပဲတီစိမ်း(ခရမ်းရွှေဝါ)က တစ်ပိဿာကို ၂၀၈၀ ကနေ ၂၁၇၀ ပေါက်ဈေးရှိပြီး ၅၀ ကျပ်၊ ပဲတီစိမ်း(ဝါးခယ်မ)က တစ်ပိဿာကို ၂၀၁၅ ကနေ ၂၀၇၀ ပေါက်ဈေးရှိပြီး ၅၀ ကျပ် ဈေးတက်လာပါတယ်။ ပဲတီစိမ်း(ပဲခူးရွှေဝါ)ကတော့ တစ်ပိဿာကို ၁၉၁၅ ကနေ ၁၉၅၀ ပေါက်ဈေးရှိပြီး ဈေးအပြောင်းအလဲမရှိပါဘူး။
မော်လမြိုင်ဈေးကွက်မှာတော့ ပဲတီစိမ်းက တစ်တင်းကို ၃၂၅၀၀ ကနေ ၃၇၀၀၀ ကြားပေါက်ဈေးရှိပါတယ်။
ဆင်ဖြူကျွန်းမှာတော့ တစ်တင်းကို ၃၀၀၀၀ ပေါက်ဈေးရှိပြီး ၁၀၀၀ လောက်ဈေးတက်လာပါတယ်။
အောင်လံဈေးကွက်မှာတော့ တစ်တင်းကို ၂၉၀၀၀ ကနေ ၂၉၅၀၀ ပေါက်ဈေးနဲ့ ဈေးကွက်ဖွင့်ပါတယ်။
ကုလားပဲ
ကုလားပဲကတော့ ကုန်စည်ဒိုင်တွေမပိတ်ခင်ကတည်းက ဈေးတွေက တက်နေခဲ့တာဖြစ်ပါတယ်။ ပြည်တွင်းဝယ်လိုအားကောင်းနေတဲ့အပြင် လက်ကျန်တွေကလည်းမရှိတဲ့အတွက် အတက်ဈေးနဲ့ပဲရှိနေခဲ့တာဖြစ်ပါတယ်။ ကုန်သည်တွေကလည်း အသစ်မထွက်ခင်ထိ ကုလားပဲဈေးတွေက မာနေဦးမယ်လို့ သုံးသပ်မှုတွေရှိခဲ့ပါတယ်။
ရန်ကုန် ဘုရင့်နောင်ဈေးကွက် စဖွင့်တဲ့အချိန်မှာတော့ ကုလားပဲလုံးဖြူက တစ်ပိဿာကို ၁၇၅၀ ကနေ ၁၈၃၀ ပေါက်ဈေးရှိပြီး တစ်ပိဿာကို ၁၆၀ လောက်တက်လာပါတယ်။ ကုလားပဲလုံးဖြူကြီးကတော့ တစ်ပိဿာကို ၁၉၁၅ ကနေ ၂၀၀၀ ပေါက်ဈေးရှိပြီး တစ်ပိဿာကို ၁၆၅ ကျပ်ဈေးတက်လာပါတယ်။
ကုလားပဲခြမ်းကတော့ တစ်ပိဿာကို ၂၂၀၀ ကနေ ၂၂၅၀ပေါက်ဈေးရှိပြီး ၁၀၀ ကျပ်ဈေးတက်လာပါတယ်။
ဆင်ဖြူကျွန်းမှာတော့ ကုလားပဲ(HL) နဲ့ (ထိုင်ဝမ်) တစ်တင်းကို ၃၀၀၀၀ ကျပ်ပေါက်ဈေးရှိနေပါတယ်။
ကြက်သွန်နီ
ကြက်သွန်နီကတော့ ဈေးပြန်ဖွင့်တဲ့အချိန်မှာ ဈေးအနည်းငယ်တက်လာခဲ့ပါတယ်။ ကုန်စည်ဒိုင်တွေ ပိတ်တဲ့အတွက် ရန်ကုန်ဈေးကွက်ထဲကို အဝင်မရှိပဲဈေးတက်နေတာဖြစ်ပါတယ်။ တောင်သူတွေလက်ထဲမှာတော့ ကြက်သွန်နီက ထင်သလောက်မတက်ပဲ ရှိနေပါတယ်။
လတ်တလောပြည်ပဝယ်ယူမှုမရှိတဲ့အတွက် ဈေးကတော့ တက်လာနိုင်ချေမရှိသေးဘူးလို့ ကုန်သည် တွေက သုံးသပ်ထားပါတယ်။
ရန်ကုန်ဈေးစဖွင့်တဲ့အချိန်မှာ ကြက်သွန်နီက တစ်ပိဿာကို ၂၅၀ ကနေ ၅၀၀ ပေါက်ဈေးရှိပြီး ပြီးခဲ့တဲ့ ဈေးကွက်မပိတ်ခင်ရက်နဲ့ နှိုင်းယှဉ်ပါက ၁၀၀ လောက်ဈေးတက်လာပါတယ်။
Zaw Tun
လွန်ခဲ့သော ၅ နှစ် ကငရုပ်ဈေးနှုန်းသိချင်ပါတယ်
ထွန်းထိုက်
လွန်ခဲ့သော ၅ နှစ် ကပခုက္ကူပဲတီစိမ်းဈေးကွက်အခြေနေလေးသိချင်ပါတယ်
ဦးမြင့်ထွေး
လွန်ခဲ့သော ၅ နှစ် ကမတ်ပဲဈေးကွက် အခြေအနေလေး ဆက်လက်သုံးသပ်တင်ပြ ပေးစေချင်ပါတယ်ခင်ဗျာ။
ht
လွန်ခဲ့သော ၅ နှစ် ကမြေပဲ
ဆက်စပ်မေးခွန်းများ
ပဲပုပ်ကို အသီးအားကောင်းဖို့အတွက် သြဘာထဲကဘာဆေးဖျန်းရမလဲ နှင့် ပဲပုပ်အရွက်ဝါအပြောက်လောင်မဲအတွက် ဘာမှိုဆေးသုံးရမလဲ သြဘာထဲက ဖြစ်ဖြစ် ပြောပြပေးပါ
ဦးမောင်ကျော် • ဖြေကြားချက် 1 ခု
မိဘတွေလက်ထပ်ကတည်းက စပါးစိုက်ခဲ့တာပါ ရလည်းရပါတယ် ဒါပေမယ့် အဖေမရှိတော့တဲ့နောက်ပိုင်း နားမလည်လို့ ဖြစ်သလို လုပ်ခဲ့ရပါတယ် ဒီနှစ်တော့ နည်းစနစ်မှန်မှန်လေး စိုက်ပျိုးပြီး အကျိုးဖြစ်ထွန်းချင်ပါတယ် ဒါကြောင့် စပါး ၃မျိုး ဆင်းသုခ မနောသုခ ဧရာမင်း ဘယ်နှရက်သားမှာ NPK ဘယ်လောက်ထည့်သင့်တယ်ဆိုတာလေး ဖြေပေးစေချင်ပါတယ်ရှင်
လဲ့လဲ့လွင် • ဖြေကြားချက် 2 ခု
ဥစားကြက်စတင်မွေးမြူချင်တာဘယ်ကစရမလဲမသိလို့အကြံလေးပေးပါဦး ခြံငှားမယ်ဆိုလည်းဘေးပတ်ဝန်ကျင်ရဲ့အဆင်ပြေတာဘယ်လိုရှာရမလဲအကြံလေးပေးပါခဗျာ
ဟံ • ဖြေကြားချက် 1 ခု
ဆရာ 909 ခရမ်းချဥ်ပါဆရာ ဂွသီးတွေအရမ်းသီးပီး အပေါ်သီးသိပ်မလိုက်လို့ပါဆရာ မိုးကလဲများထားပါတယ်ဆရာ မနေ့ညနေက ဝိဇာရက ဒိုင်ဇီ မှိုသတ်ဆေးနဲ့ ဘီတာစီ ဖျန်းထားပါတယ်ဆရာ မိုးကအဆက်မပြတ်ရွာထားတော့ အားဆေးမလိုက်ဖြစ်ပဲ မှိုးဆေးနဲ့ပိုးသတ်ဆေး ပြန်လိုက်နေရပါတယ်ဆရာ ၁။ ထွက်တိုး 17 ပတ်လည်နဲ့ ကယ်စီပလပ် အစီတာမီ+ လန်ဘဒါ ၂ ကြိမ် ၂။ ထွက်တိုး + ရှယ်ပီကေ နဲ့ မင်းသား ၊အဘာမက်တင် ၁ ကြိမ် ၃ ။ မန်ကိုဇက် ၁ ကြိမ် ၄။ ဂရမ်း + မင်းသား တစ်ကြိမ် ၅ ။ ဒိုင်ဇီ + ဘီတာစီ ၁ ကြိမ် အမိုင်နိုနဲ့ ကယ်စီပလပ် သို့ မင်းသား ဝင်လို့ရပီလားဆရာ ဆေးကြိမ်ရေများနေတော့ ဘယ်ကနေ ပြန် စ ဝင်လို့ ဝင်ရမှန်းမသိလို့ပါဆရာ 909 က ဆရာ နောက်အသုတ်တွေ ထပ်သီးအူးမလားဆရာ အဆုံးမရှိ ပန်းခိုင်မဟုတ်တော့ ဒါနဲ့တင်ရပ်တော့မလားဆရာ ခရမ်းချဥ်က ၂ လသားကျော်ပါပြီဆရာ 15 ပတ်လည် ၁ ကြိမ် မော်နီတာဂျစ်ဆမ် ၂ ကြိမ် ရှိပါပြီဆရာ အခုတော့ ဂွသီးလေးတွေ မှည့်စ ပြုနေပါပြီဆရာ
U Yan • ဖြေကြားချက် 3 ခု
မွေးမြူရေး/စိုက်ပျိုးရေး ပညာရှင် ဆရာများခင်ဗျာ... တမာစေ့ကနေ တမာဆီကို စီးပွားဖြစ် အရည်အသွေးမီ ညှစ်ထုတ်နည်း သို့မဟုတ် Bulk ဝယ်ယူနိုင်မည့် နေရာကို လမ်းညွှန်ပေးပါရှင်
wai wai oo • ဖြေကြားချက် 2 ခု
နောက်ဆုံး ဆောင်းပါးများ
ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ
24/09/2026
ဝူလုံသဘာဝရှုခင်းများကြားက သစ်တစ်ပင်နှင့် ဂေဟစနစ်ထိန်းသိမ်းရေးသင်ခန်းစာ
23/09/2026
ကျန်းမာရေးနှင့်ညီညွတ်သော အစာစားနည်းများ (အပိုင်း-၄)
22/09/2026
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
21/09/2026
မြန်မာနိုင်ငံတွင် အဖြစ်များဆုံးသော ရောဂါ - ခံတွင်းကင်ဆာ
18/09/2026
More from AMIA
အားလုံး
ကြက်သွန်ဈေး လက်လီ တစ်ပိဿာကို ၁၀,၀၀၀ ကျပ်အထိရှိလာ
24/09/2026
တစ်ပတ်စာ သီးနှံဈေးကွက် သုံးသပ်ချက် (၁၄ - ၁၈.၉.၂၀၂၆)
21/09/2026
ရှမ်းတောင် ခရမ်းချဉ်ဈေးကွက် အောက်တိုဘာနှင့် နိုဝင်ဘာတွင် ဈေးမြင့်တက်လာနိုင်ကြောင်း ကုန်သည်များသုံးသပ်
17/09/2026
အသံ
အစာဈေးမြင့်ပြီး တွက်ချေမကိုက်တော့သဖြင့် ငါးမွေးမြူသူတွေ လျော့ကျလာ
16/09/2026
အိန္ဒိယဝယ်လိုအားကြောင့် ပို့ကုန်ပဲအချို့ဈေးလှုပ် (တစ်ပတ်စာဈေးကွက်သုံးသပ်ချက်)
14/09/2026
.jpg)
Farm Link Co.,Ltd
ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....