မြန်မာ့လယ်ယာဖွံ့ဖြိုးရေးဘဏ်ထံမှ လယ်ယာမရှိဘဲ လိမ်လည်ချေးငွေ ထုတ်ယူထားသူများနှင့် လယ်ယာမြေဧကအား ပိုမိုတင်ပြကာ လိမ်လည်ချေးငွေ ထုတ်ယူထားသူများအား တရားစွဲဆိုမည်

ဧရာဝတီတိုင်းဒေသကြီး မြန်မာ့လယ်ယာ ဖွံ့ဖြိုးရေးဘဏ်ထံမှ လယ်ယာမရှိဘဲ လိမ်လည်ကာ ချေးငွေထုတ်ယူ ထားသူများနှင့် လယ်ယာမြေဧကအား ပိုမိုတင်ပြကာ လိမ်လည်ချေးငွေ ထုတ်ယူထားသူများကို ဥပဒေအရ တရားစွဲဆိုသွားရန် စတင်လုပ်ဆောင်နေပြီဖြစ်ကြောင်း သတင်းရရှိသည်။

လယ်ယာလုပ်ပိုင်ခွင့် ပုံစံ(၇)များ မထွက်ရှိသေးသည့်အချိန်တွင် ကျေးရွာလယ်ယာမြေ စီမံခန့်ခွဲမှု ကော်မတီအချို့နှင့် ပူးပေါင်းကာ လယ်ယာမြေ အမှန်တကယ် ပိုင်ဆိုင်လုပ်ကိုင်ခြင်း မရှိဘဲ ချေးငွေများ လိမ်လည်ထုတ်ယူကာ ပြန်လည်ပေးဆပ်ခဲ့ခြင်း မရှိသူများအား နိုင်ငံတော်ငွေကြေး လိမ်လည်ထုတ်ယူသည့် အတွက် ရာဇသတ်ကြီးပုဒ်မ ၄၀၉ ဖြင့် လည်းကောင်း၊ လယ်ယာမြေ လုပ်ပိုင်ခွင့်လက်မှတ် ပုံစံ(၇)များတွင် အမှန်တကယ် ဖော်ပြထားသည့် မြေဧကများအား ပြင်ဆင်ဖြည့်စွက်ကာ မူလမြေဧကထက် ပိုမိုပြသ၍ စိုက်ပျိုးစရိတ် ချေးငွေများကို လိမ်လည်ထုတ်ယူပြီး ပြန်လည်ပေးဆပ်ခြင်းမရှိသူများအား နိုင်ငံ တော် ငွေကြေးလိမ်လည် ထုတ်ယူခြင်းအတွက် ရာဇသတ်ကြီးပုဒ်မ ၄၀၉ အပြင် ဌာနဆိုင်ရာများမှ ထုတ်ပြန်ထားသည့် ပုံစံများကို လိမ်လည်ပြင်ဆင် ရေးသားသည့်အတွက် ရာဇသတ်ကြီးပုဒ်မ ၄၆၈ ဖြင့်ပါ တရားစွဲဆိုသွားမည် ဖြစ်ကြောင်း သိရသည်။

အသေးစိတ်ဖတ်ရန် နှိပ်ပါ