ဖုန်းဆော့ဝဲလ်တွေကို ဘာနဲ့ဒေါင်းလုဒ်ဆွဲကြမလဲ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးကနေ ပြန်လည်ကြိုဆိုလိုက်ပါတယ် ခင်ဗျ။ ယခင်တစ်ပတ်ကတော့ အင်တာနက် (ဟော့စပေါ့) လွှင့်ပေးနည်းအကြောင်း မျှဝေပေးခဲ့တာ ဖြစ်ပါတယ်။ ယခုတစ်ပတ်မှာတော့ ဆော့ဝဲလ်တွေကို ဘယ်နေရာကနေ ဒေါင်းလုဒ်လုပ်နိုင်မလဲဆိုတာ မျှဝေပေးသွားမှာ ဖြစ်ပါတယ်။

တောင်သူ ဦးလေး ဒေါ်လေးတို့ ဖုန်းဆော့ဝဲလ် လေးတွေ လိုချင်ရင် ဘယ်လိုလုပ်ကြလဲ ခင်ဗျ။ ပုံမှန်ဆိုရင်တော့ တစ်ယောက်နဲ့ တစ်ယောက် လိုချင်တဲ့ ဆော့ဝဲလ်လေးတွေကို ဒေသအခေါ် ဇာပြာ၊ ဇက်နီ (Zapya) နဲ့ ကူးယူကြမယ် ထင်ပါတယ် ခင်ဗျ။ မိမိကိုယ်တိုင်လည်း ဆော့ဝဲလ်တွေကို ဒေါင်းလုဒ် ရယူနိုင်တယ်ဆိုတာ သိပါသလား ခင်ဗျ။

အခုနောက်ပိုင်းမှာ နည်းပညာတွေ တိုးတက်လာတဲ့အတွက် ဆော့ဝဲလ်တွေကို ဖုန်းအရောင်းဆိုင်တွေမှာ လာရောက် ထည့်သွင်းခိုင်းစရာ မလိုတော့ဘဲ ပလေးစတိုး (Play Store) အက်ပလီကေးရှင်း ထည့်လိုက်တာနဲ့ မိမိ အသုံးပြုချင်တဲ့ အက်ပလီကေးရှင်း တွေကို ဒေါင်းလုဒ် လုပ်ပြီး အသုံးပြုနိုင်ပြီ ဖြစ်ပါတယ်။ မိမိ လိုချင်တဲ့ ဆော့ဝဲလ်ကို ပလေးစတိုး (Play Store) ထဲမှာ နာမည်ရိုက်ပြီးတော့ ရှာလိုက်တာနဲ့ လိုချင်တဲ့ ဂိမ်းတွေ၊ အက်ပလီကေးရှင်းတွေကို ရရှိမှာဖြစ်ပါတယ် ခင်ဗျ။

ပလေးစတိုး (Play Store) ကနေ ဆော့ဝဲလ်တွေ ဒေါင်းလုဒ် လုပ်နိုင်ဖို့အတွက် အောက်မှာ ရေးထားတဲ့ အချက်တွေ ပြည့်စုံဖို့တော့ လိုအပ်ပါတယ် ခင်ဗျ။

(၁) အရင်ဆုံး မိမိရဲ့ ဖုန်းမှာ ဂူးဂဲလ် ဝန်ဆောင်မှု (google service) ရှိဖို့ လိုအပ်ပါတယ်။ အချို့သော ဖုန်းတွေမှာ ဂူးဂဲလ် ဝန်ဆောင်မှု မပါဝင်တဲ့အတွက် ပလေးစတိုး (Play Store) ), ဂျီတော့ခ် (Talk), ဂျီမေးလ် (Gmail) စတာတွေ သုံးလို့မရပါဘူး။

(၂) ဖုန်းမှာ ဂူးဂဲလ် အကောင့် (google account) တစ်နည်းအားဖြင့် ဂျီမေးလ် (Gmail) ဖွင့်ပြီးသား ထည့်ထားပြီးသား ဖြစ်ရပါမယ်။ ဖုန်းရဲ့ ဆက်သွားပုံစံ

Setting ထဲကိုဝင် ပြီးရင် account & sync ဆိုတဲ့ နေရာလေးမှာ မှာ မိမိရဲ့ ဂျီမေးလ် (gmail) အကောင့်ကို ဝင်ထားပေးရမှာ ဖြစ်ပါတယ်။

(၃) ပြီးရင်တော့ မိမိရဲ့ ဂျီမေးလ် (gmail) အကောင့်ကို သုံးပြီး ပလေးစတိုး (Play Store) ဆော့ဝဲလ်ထဲကို ဝင်ရမှာ ဖြစ်ပါတယ်။ ဒီအဆင့်ရောက်ရင်တော့ စသုံးလို့ ရပြီ ဖြစ်ပါတယ်။

(၄) တစ်ချို့ဖုန်းတွေမှာတော့ာ Play Store ပုံ ပါနေပြီး ဒေါင်းလုဒ် လုပ်မရတာနဲ့ အဆင်မပြေတာမျိုး ဖြစ်နေရင်တော့ ပလေးစတိုး ဆော့ဝဲလ် ဗားရှင်း (version) ပြောင်းသုံးရမှာ ဖြစ်ပါတယ် ခင်ဗျ။ ဖုန်းအသုံးပြုရာမှာ အဆင်ပြေကြပါစေ ခင်ဗျ။

ယခင်တစ်ပတ်က အအင်တာနက် (ဟော့စပေါ့) လွှင့်ပေးနည်းကြောင်း ဖော်ပြခဲ့တဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

မိမိဖုန်းမှ အင်တာနက်(ဟော့စပေ့ါ)လွှင့်ပေးနည်း

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...