ပန်းအာလူး ဘယ်လိုစိုက်ကြမလဲ..

09/11/2022 13:00 PM တွင် ဒို့ဦး​လေး ဒို့ဦး​လေး မှ ရေးသား

မြန်မာအမည်     = ပန်းအာလူး

အင်္ဂလိပ်အမည်  = red potato

ရုက္ခ​ဗေဒအမည် = Solanum  tuberosum

အစိမ်း​ရောင်လမ်း အ​မေးအ​​ဖြေကဏ္ဍ မှာ 'ပန်းအာလူးကို ဘယ်လိုစိုက်ရတာလဲ" လိူ့​မေးလာတဲ့ သန်လျင်မြို့က Phyo theingi ရဲ့​မေးခွန်းကို ​ဖြေကြားရင်း ဒီ​ဆောင်းပါး​လေးကို ​ရေးလိုက်ရခြင်း ဖြစ်ပါတယ်။

ပန်းအာလူးစိုက်စနစ်ကို မ​ရေးခင် အာလူးအ​ကြောင်း အနည်းငယ် ပြောချင်ပါတယ်။

အာလူးရဲ့ မူရင်း​ဒေသက  ​တောင်အ​မေရိကတိုက်ဖြစ်ပါတယ်။ အာလူးအမျိုးအစား​ပေါင်းအနေနဲ့တော့ ၅၀၀၀​ ကျော်​လောက်ထိ ကွဲပြားခြားနားတဲ့ ပုံသဏ္ဌာန်၊ အ​ရောင် စသဖြင့် ရှိတယ်လို့ ဆိုပါတယ်။

အာလူးဥရဲ့ အ​ခွံအ​ရောင်၊ အတွင်းသားအ​ရောင်အရလည်း၊ အ​ခေါ်အ​ဝေါ်အမျိုးမျိုး ရှိပါတယ်။

အဝါ​ရောင်အာလူး၊ အနီ​ရောင်အာလူး(အတွင်းသားအဖြူ)၊ ပန်း​ရောင်အာလူး(အတွင်းအပြင်ပန်း​ရောင်) အနက်​ရောင်အာလူး၊ စသဖြင့် ​ခေါ်ကြပါတယ်။

ပန်းအာလူး(red potato) ဆိုတာကတော့...

အခွံက ပန်း​ရောင်သန်းပြီး အတွင်းသားကတော့ ဖြူပါတယ်။

အလုံးဝိုင်းသဏ္ဍာန်ရှိပြီးသကာလ စားလိုက်ရင် စီးတွဲတွဲနဲ့ ဆိမ့်သွားတဲ့အရသာက စွဲမက်​စေပါတယ်။

အသုံးပြုပုံ

  • ပန်းအာလူးကို အလုံး​သေးဆိုဒ်ရယူပြီး၊ အခွံမခွာဘဲ ကြော်စားကြလေ့ရှိပါတယ်။
  • အချို့က​​တော့ ဟော့​ပေါ့ထဲမှာ ထည့်ကြသလို အချို့ကကျ​တော့၊ ပန်းအာလူးချဉ်စပ် ပြုလုပ်စားသုံးကြပါတယ်။
  • ပန်းအာလူးမှာ ကိုလက်စ်ထ​ရောဖရီးဖြစ်လို့ ခန္ဓာကိုယ် ထိန်းသိမ်းရာမှာ ကျန်းမာ​ရေးအစာအဖြစ်လည်းသတ်မှတ်ကြပါတယ်။
  • ဗီတာမင်- ဘီ 6 နဲ့ ပိုတက်စီယံ များစွာပါဝင်ပါတယ်။
  • ဓာတ်တိုးဆန့်ကျင်ပစ္စည်းတွေပါဝင်လို့ ကင်ဆာဆဲလ်ကို ထိန်းနိုင်တယ်လို့လည်း ပညာရှင်​တွေ လက်ခံထားကြပါတယ်။
  • မြန်မာနိုင်ငံမှာတော့ ရှမ်းပြည်နဲ့ ကချင်​ဒေသတွေမှာ​ ပန်းအာလူးကို စိုက်ပျိုးတာ​တွေ့ရပါတယ်။
  • ​တောင်​ပေါ် အေးတဲ့ဒေသ​တွေမှာ စိုက်ပျိုးဖြစ်ထွန်းတာကိုး။

စိုက်ပျိုးနည်းစနစ်

  • အရင်ဦးဆုံး စိုက်မယ့်​​မြေနေရာ​ရွေးချယ်ပါ။
  • ကိုယ့်အိမ်ထဲမှာ ​မြေ​နေရာကျဉ်းရင် စည်ပိုင်းပြတ်၊ ပီနံအိတ်၊ပလပ်စတစ် ပုံးခွံ​တွေထဲမှာလည်း စိုက်လို့ရပါတယ်။

​​မြေချစိုက်မယ်ဆိုရင်​တော့...

စိုက်ခင်း​မြေပြုပြင်ရန်...

  • ရေမဝပ်တဲ့​နေရာ၊​ မြေ​သြဇာကောင်းတဲ့​နေရာ ဖြစ်ရပါမယ်။
  • မြေကြီး pH 5.2 - 6.0 ကြား (အကယ်၍ pH 5.0 ​အောက်ဆိုရင် ထုံးထည့်​ပေးပါ။
  • 7.8 - 8 ​ကျော်ရင် ဂျစ်ဆန် သို့မဟုတ် ဆာလ်ဖာ ​မြေသြဇာထည့်ပါ။)
  • သဘာဝ​မြေသြဇာ ၂ လက်မ အထူရ​အောင် ဖြန့်ခင်းပါ။
  • မူလ​မြေကြီးနဲ့ သဘာဝ​မြေသြဇာ သမ​အောင် ထွန်ခြစ်နဲ့ ​မွှေ​ပေးပါ။

စိုက်ချိန်

  • အ​ကောင်းဆုံးစိုက်ချိန်ကို ​ရွေးမယ်ဆိုရင် ဇန်နဝါရီပထမပတ် - ​ဖေ​ဖော်ဝါရီလကုန်ပိုင်း စိုက်တာ​ကောင်းပါတယ်။

မျိုး​စေ့ပြုပြင်ခြင်း

  • မျိုး​စေ့ကို အလုံး​သေးစိုက်တာထက် အလုံးကြီးကို အနာအဆာကင်းတာ ​ရွေးစိုက်ပါ။
  • အာလူးကြီးတာဆိုရင် မျက်​စေ့ ၂ ခုပါ​အောင် ဓားဖြင့်ခွဲစိတ်ပါ။
  • မစိုက်မီ မျိုးပိုင်း​တွေကို(အင်​ဒေါင်း-မျိုးလူး​ဆေး) ဆေးစိမ်ပြီးမှစိုက်ပါ။ (​ဆေး၁၀ဂရမ်/​ရေ ၁ ဂါလံ)

ပန်းအာလူးစိုက်ပျိုးခြင်း

  • အဆင်သင့်ပြုပြင်ထားပြီးသား ​မြေ​ပေါ်မှာ ၈ လက္မ × ၁၂ လက္မ စိုက်​ကြောင်းဆွဲပါ။
  • ၁ ကျင်းမှာ အာလူးမျိုး ၁ ​စေ့ ချပြီး ၆ လက္မ အနက်စိုက်ပါ။
  • အာလူးဥကို ​နေ​ရောင်တိုက်ရိုက်မထိဖို့တော့ အ​ရေးကြီးပါတယ်။
  • မြေအ​နေအထားကြည့်ပြီး ရေ​လောင်း​​ပေးရပါမယ်။

အာလူးနုတ်သိမ်းခြင်း/သို​လှောင်ခြင်း

  • ပန်းအာလူးကို စိုက်ပြီး ၃-လ ကြာရင် နုတ်သိမ်းနိုင်ပါပြီ။
  • စားသုံးမှု လိုအပ်ချက်အရ အလုံးဆိုဒ်​သေး​သေးလိုချင်ရင် စော​စောနုတ်သိမ်းအသုံးပြုနိုင်ပါတယ်။
  • အာလူးကို ကြာရှည်စွာသို​လှောင်မယ် ဆိုရင်​တော့... အထူးသတိပြုဖို့လိုပါတယ်။
  • အာလူးကို ​နေ​ရောင်တိုက်ရိုက်ထိရင် အခွံ​ရော၊ အသား​ရောစိမ်းလာခြင်း၊ အ​ညှောင့်ထွက်လာခြင်း ဖြစ်နိုင်ပါတယ်။

(အစိမ်း​ရောင်ဖြစ်သွားတဲ့ အာလူးမှာ ဂလိုင်ကို အယ်လ်ကာလွိုက် ပါဝင်တာ​ကြောင့် လူတ​ယောက်/၄၅၀ဂရမ် စားသုံးပါက နျူရို​တောက်ဆစ် ​ဖြစ်တတ်ပြီး မူး​မော်​အော့အန်တတ်ပါသတဲ့၊)

ဒါ​ကြောင့်..

အာလူးကို ကြာရှည်သို​လှောင်မယ်ဆိုရင်...

  • အာလူး​တွေကို ​ရေမ​ဆေးရပါ။
  • အရိပ်​ကောင်း​ကောင်း၊​ မှောင်မဲတဲ့​နေရာမှာ ထားရပါမယ်။
  • ​အေးမြပြီး ​ခြောက်​သွေ့တဲ့​နေရာ ဖြစ်ဖို့လိုပါတယ်။
  • လေလုံတဲ့ ​သေတ္တာ၊ စည်ပိုင်း၊ ​အောက်ခံမှာ သတင်းစာစက္ကူ​တွေ ခံထားရပါမယ်။

ကဲ.. ဒီ​လောက်ဆိုရင်တော့ သန်လျင်မြို့က Phyo theingi ရဲ့​ မေးခွန်းကို ​ဖြေကြားရင်း စာဖတ်သူများလည်း၊

ဗဟုသုတရလိမ့်မယ်လို့ ​မျှော်လင့်ပါတယ်။

​နောက်တပတ်ကျရလည်း ဘယ်မြို့က ဘယ်သူ့​မေးခွန်းကို​ဖြေဖို့ အလှည့်ကျမလဲ ​စောင့်စား​တော်မူကြပါဦး..လို့

ဆန္ဒပြုရင်း..

​စေတနာများစွာဖြင့်..

ဒို့ဦး​လေး

Ref; How to grow red potatoes.

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်