အစိမ်းရောင်လမ်းအိန္ဒိယအရှေ့ဘက်ကမ်းခြေနားမှာဖြစ်နေတဲ့ လက်ဝဲရစ်လေစီးကြောင်းအရှိန်က မုတ်သုံလေကို အားကောင်းလာမှုအရှိန်က ဧရာဝတီကမ်းရိုးတန်းတွေထိ ရောက်နေပြီဖြစ်ပြီး မနက်ဖြန် မှာတော့ မြန်မာနိုင်ငံ အောက်ပိုင်းတစ်ခြမ်းလုံးမိုးကောင်းနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။
မုတ်သုံလေအားကောင်းတဲ့လေစီးကြောင်းက တနင်္သာရီတိုင်းလောက်ပဲ ရှိသေးရာကနေ ဒီနေ့မှာတော့ ဧရာဝတီကမ်းရိုးတန်းတွေအထိ ရောက်လာပြီဖြစ်ကာ မနက်ဖြန်နေ့လယ်လောက်ဆိုရင် ဧရာဝတီမြစ််တစ်လျှောက်၊ ပဲခူးရိုးမတစ်လျှောက်ထိ ရောက်လာနိုင်တယ်လို့ ဦးဝင်းနိုင်က Green Way ကို ပြောပါတယ်။
“ မနက်ဖြန်မိုးကောင်းနိုင်တာကတော့ ရခိုင်ကမ်းရိုးတန်းတစ်လျှောက်၊ ဧရာဝတီ၊ ပဲခူးတိုင်းတစ်ခုလုံး၊ ရန်ကုန်တိုင်းတစ်ခုလုံး၊ နောက်ပြီး အောက်ဘက် မွန်၊ ကရင်၊ တနင်္သာရီပေါ့။ ကယားပြည်နည်နည်းနည်းပါမယ်။ ရှမ်းပြည်နယ် တောင်ပိုင်းတွေပါလာမယ်”
ဒီလေစီးကြောင်းဟာ ဆက်လက်ရွေ့လျားမှာဖြစ်ပြီး သန်ဘက်ခါ ဩဂုတ် ၆ ရက်ဆိုရင် အလယ်ပိုင်းဒေသတွေအထိ သက်ရောက်မှုရှိနိုင်တယ်လို့ သိရပါတယ်။
“ ၆ ရက်မှာတော့ အားကောင်းလာပြီဟေ့ဆိုရင် စစ်ကိုင်းတိုင်း အထက်ပိုင်းတွေထိ ရောက်လာမယ်။ ချင်းပြည်နယ်၊ မန္တလေးတိုင်းတွေ ပါလာမယ်” လို့ ဦးဝင်းနိုင်က ခန့်မှန်းပါတယ်။
လက်ရှိဖြစ်ပေါ်နေပြီဖြစ်တဲ့ လေစီးကြောင်းတွေရယ်၊ ဩဂုတ် ၈ ရက်၊ ၉ ရက်လောက်မှာ တောင်တရုတ်ပင်လယ်မှာ ဖြစ်လာနိုင်မယ့် မုန်တိုင်းအရှိန်တွေရယ်ကြောင့် မိုးအားကောင်းမှုဟာ ဩဂုတ် ၁၁ ရက်၊ ၁၂ ရက်ထိ ရှိနေနိုင်တယ်လို့ ဦးဝင်းနိုင်က ခန့်မှန်းပြောကြားပါတယ်။
Photo Crd _ U Win Naing
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}