သီးနှံစိုက်ပျိုးမှု မှတ်တမ်းထားရှိခြင်း၏ ကောင်းကျိုးများ

ဘယ်သီးနှံမဆို စိုက်ချိန်တိတိကျကျရှိမှသာ ပိုမိုကောင်းမွန်သော သီးနှံအထွက် ၊ဈေးကွက် ရရှိမှာဖြစ်ပါတယ်။ တောင်သူအများစုဟာ သူတို့မှာ သီးနှံစိုက်ပျိုးမှုအတွက် တိကျတဲ့ မှတ်တမ်းထားမှု အားနည်းကြပါတယ်။ စိတ်မှတ်သာမှတ်ကြပါတယ်။ 

ဒါဟာဘာဖြစ်စေလဲဆိုတော့ တိကျတဲ့ ဆုံးဖြတ်မှုမျိုးမရှိတော့ပဲ ထင်တာပဲ ဆိုတာနဲ့ပဲ ပြီးသွားစေနိုင်တာပါပဲ။

အဲ့တာကြောင့် သီးနှံစိုက်ပျိုးမှတ်တမ်းထားရှိခြင်းဟာ အလွန်အရေးကြီးပါတယ်။ 

သီးနှံစိုက်ပျိုးမှတ်တမ်းထားရှိခြင်းဖြင့် ဘယ်လို အကျိုးကျေးဇူးတွေရနိုင်မလဲဆိုတော့..

(၁) သီးနှံကုန်ကျစရိတ်ကို တိတိကျကျ သိရှိနိုင်ခြင်း

သီးနှံကုန်ကျစရိတ်ကို တိတိကျကျ သိရှိမယ်ဆိုရင် ကိုယ့်ရဲ့ သုံး‌နိုင်တဲ့ ပမာဏပေါ်မူတည်ပြီး နောက်တစ်နှစ်မှာ  လျှော့စိုက်သင့်လား တိုးစိုက်သင့်လား ဆိုတာ ‌ဆုံးဖြတ်နိုင်ပါတယ်။ ( ဒါမှ အကြွေးယူနေရတဲ့ စနစ်ကို လျှော့ချနိုင်ပြီး အသားတင်အမြတ်တွေ ရရှိမှာပါ) 

(၂) သီးနှံစိုက်ရက်၊ ပွင့်ရက် ၊သီးရက် ၊ရိတ်သိမ်းရက်ကို သေချာစွာသိရှိနိုင်ခြင်း 

ဒီလိုမျိုးသိရှိခြင်းကြောင့် နောက်နှစ်မှာ စောစောသီးနှံရရှိအောင် ၊ နောက်ကျမှ သီးနှံရရှိအောင် စိုက်ရက်ကို ချိန်ဆနိုင် (ဈေးကွက်ပေါ်မူတည်ပြီး) မှာဖြစ်ပါတယ်။

(၃) သီးနှံတွင်ကျရောက်ခဲ့သော ‌ပိုး၊ ရောဂါစာရင်းကို သိရှိရခြင်း 

ဘယ်ချိန်မှာ ဘာပိုး၊ ဘာရောဂါကျရောက်တယ်ဆိုတာကို ကြိုတင်သိရှိထားတော့ ကြိုကြိုတင်တင် ကာကွယ်လို့ရပြီး သီးနှံဆုံးရှုံးမှုကို လျှော့ချနိုင်မှာ ဖြစ်ပါတယ်။

(၄) သီးနှံဈေးနှုန်းများ တက်ချိန် ကျချိန် ခန့်မှန်းနိုင်ခြင်း

သီးနှံဈေးနှုန်းတွေက ဘယ်နှစ်ကတော့ ဘယ်ချိန်အရမ်းကောင်းတယ်။ ဘယ်ချိန်တော့ ဈေးကျတယ် စသဖြင့်သိရှိရတော့ နောက်နှစ်ကိုတော့ ဘယ်ချိန်စိုက်မယ်။ ဘယ်လို management လုပ်မယ်ဆိုတာတွေကို အနီးစပ်ဆုံး ဝေဖန်ပိုင်းခြားနိုင်မှာဖြစ်ပါတယ်။ 

(၅) အလုပ်သမားစရိတ်၊ သွင်းအားစုစရိတ်များ သုံးစွဲမှုကို စီမံခန့်ခွဲနိုင်ခြင်း

အလုပ်သမားစရိတ်၊ သွင်းအားစုဈေးနှုန်းများကို သေချာစွာသိရှိရလို့ နောက်နှစ်စိုက်တဲ့အခါကျရင် မိမိအတွက် အသားတင်အမြတ်ရရှိအောင် အလုပ်သမားစရိတ် လျှော့ချမလား ၊ သွင်းအားစုတိုးထည့်ပြီး သီးနှံကောင်းအောင် လုပ်မလား စသဖြင့် စီမံခန့်ခွဲမှု လုပ်နိုင်ပါတယ်။ 

ဆိုတော့ ဒီလိုကောင်းကျိုးမျိုးတွေအများကြီးရှိတာမို့  တောင်သူတွေအနေနဲ့ သီးနှံမှတ်တမ်းတွေစနစ်တကျထားရှိပြီး အကျိုးအမြတ်တွေ ပိုမိုရှာနိုင်ကြပါစေ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more