မြန်မာတစ်နိုင်ငံလုံးအတိုင်းအတာဖြင့် ကွမ်းဈေးပြန်လည်မြင့်တက်လာ

မြန်မာတစ်နိုင်ငံလုံးအတိုင်းအတာဖြင့် ကွမ်းဈေးနှုန်းများ ပြန်လည်မြင့်တက်လာကြောင်း ကိုယ်တိုင်စိုက်ပျိုး ထုတ်လုပ်နေသူများက ပြောသည်။

ကွမ်းနုဝါဈေးက အခုတော့ နည်းနည်းပြန်တက်လာပါတယ်။ ဟိုးရက်က တစ်ပိဿာ ၅၀၀ ကျပ်အထိ ဈေးကျဆင်းခဲ့တယ်။ ဈေးပြန်တက်လာတာကတော့ ဇူလိုင်လ ၂၁, ၂၂ ရက်လောက်ကပါ။

ဟု စစ်ကိုင်းတိုင်း၊ မုံရွာမြို့မှ ကွမ်းနုဝါ စီးပွားဖြစ်စိုက်ပျိုးသူ ဦးဝင်းနိုင်က ပြောသည်။

လက်ရှိကွမ်းဈေးကွက်အတွင်း ကွမ်းအရည်အသွေးပေါ်မူတည်၍ ကွမ်းနုဝါတစ်ပိဿာလျှင် ၁၀၀၀, ၁၅၀၀, ၂၀၀၀ ကျပ်၊ ကွမ်းစိမ်း တစ်ပိဿာလျှင် ၅၀၀၀ ကျပ်မှ ၇၀၀၀ ကျပ် ဈေးနှုန်းများဖြင့် ရောင်းဝယ်နေသည်။

မြန်မာပြည်အထက်ပိုင်းကွမ်းနဲ့ ဈေးမတူတာက ကုန်ချိန်ချင်း တအားကွာလို့ပါ။ ကျွန်တော်တို့ဒေသကကွမ်းက အပင်တစ်ထောင်စိုက်ရင် ကုန်ချိန်တစ်ဆယ်၊ ကုန်ချိန်တစ်ဆယ့်ငါးပိဿာ၊ အလွန်ဆုံးမှ ကုန်ချိန်ပိဿာနှစ်ဆယ်လောက်ပဲ ထွက်တယ်။ ကွမ်းဈေး အခုရက် ပြန်တက်လာတာက ဧရာဝတီမြစ်ရေတက်တော့ မြေနုကျွန်းတွေ ရေမြှုပ်ကုန်လို့ ကွမ်းနည်းနည်းရှားသွားလို့ပါ။

ဟု ဧရာဝတီတိုင်း၊ ညောင်တုန်းမြို့နယ်၊ စက်ကော့ကျေးရွာမှ ကွမ်းစိမ်းစိုက်ပျိုးသူ ကိုမင်းလွင်က ပြောသည်။

မြန်မာနိုင်ငံတွင် ကွမ်းစိမ်းကို ဧရာဝတီတိုင်း ပန်းတနော်၊ ဖျာပုံ၊ ကျိုက်လတ်၊ ညောင်တုန်းနှင့် ငသိုင်းချောင်းဒေသများ၌ အဓိကစိုက်ပျိုးပြီး၊ ကွမ်းနုဝါကို စစ်ကိုင်းတိုင်း အရာတော်နယ်၊ မြင်းမူနယ်၊ ချောင်းဦးနယ်၊ မုံရွာနယ်၊ ရွှေဘိုနယ်၊ မန္တလေးတိုင်း ကျောက်ပန်းတောင်း၊ မြင်းခြံ စသည့်ဒေသများ၌ စိုက်ပျိုးထုတ်လုပ်နေသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...