သယ်ယူပို့ဆောင်ရေးအခက်အခဲများရှိသော်လည်း ဘဲသားပေါက်ဈေး အတက်အကျရှိ

19/10/2020 10:30 AM တွင် ဒေါ်နန်းထက်ထက်ချစ် ဒေါ်နန်းထက်ထက်ချစ် မှ ရေးသား

    သယ်ယူပို့ဆောင်ရေးအခက်အခဲများရှိနေသော်လည်း ဘဲသားပေါက်ဈေးနှုန်းများ အတက်အကျရှိကြောင်း စီးပွားဖြစ် ဘဲမွေးမြူထုတ်လုပ်သူများထံမှ သိရသည်။

COVID-19 ကာလ သွားလာမရလို့ ဘဲပေါက်မရောင်းရတာဘဲရှိတယ်။ ဘဲမျိုးဈေးက အမြဲအတက်အကျ ရှိနေပါတယ်။ မျိုးမြင့်တာက ဈေးပိုကြီးတယ်။ ငွေကြေးအကုန်အကျခံ မျိုးသွင်းထားတဲ့သူတွေနဲ့ ကိုယ်တိုင်ဖောက်တဲ့သူတွေနဲ့ ယှဉ်ရောင်းကြတာပါ။ တောင်သူတွေက မျိုးလိုချင်ရင် မခက်ပါဘူး။ အပတ်တိုင်းဖောက်နေပါတယ်။

ဟု မကွေးတိုင်း၊ စလင်းမြို့နယ်မှ ဘဲမွေးမြူထုတ်လုပ်ရေးလုပ်ကိုင်သူ ကိုအောင်ကိုဦး က ပြောသည်။

    ပြည်ပမှတင်သွင်းလာသည့် မျိုးမြင့်ဘဲသားပေါက်များနှင့် ပြည်တွင်း၌ ပြန်လည် သားဖောက်ရောင်းချသည့် ဘဲသားပေါက်များရှိနေပြီး မျိုးပေါ်မူတည်၍ ဈေးနှုန်းကွာခြားမှု ရှိနေသည်။ 

သားဖောက်တာက ဈေးကြီးတယ်ဆိုတာက နိုင်ငံခြားက မျိုးသွင်းရတာမို့လို့ပါ။ နိုင်ငံခြားကမျိုးက F1 ပါ။ သူ့ကိုသားဖောက်တာ ဈေးကြီးပါတယ်။ F1 မျိုးကိုပဲ ဝယ်သားဖောက်ရင် F2 ရတယ်။ ပုံမှန်မျိုးဈေးရဲ့ တစ်ဝက်ဈေးနဲ့ရောင်းကြတယ်။ မျိုးသွင်းတဲ့သူက ရှားပါတယ်။ လက်ချိုးရေလို့ရတယ်။ ဈေးကွက်ထဲမှာက ထိုင်းဘဲဆိုပြီးရော၊ အများဆုံးရောင်းနေကြတာများတယ်။

ဟု ကိုအောင်ကိုဦး က ဆက်လက်ပြောသည်။

    ဘဲသားပေါက်ဈေးနှုန်းများအနေဖြင့် ဘဲသားလေးတစ်ကောင်လျှင် ကျပ် (၁,၆၀၀) မှ ကျပ် (၂,၀၀၀) ကျော်အထိ ဈေးနှုန်းများရှိနေကြောင်း သိရသည်။

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

မုတ်သုန်လေနဲ့အတူ ဝင်ရောက်လာတဲ့ မိုးဦးချိန်ခါ သမယမှာ တောင်သူဦးကြီးတို့ အနေနဲ့ ထွန်ယက်စိုက်ပျိုးဖို့ ပြင်ဆင်နေကြပါပြီ..ထွန်ယက်စိုက်ပျိုးဖို့ ပြင်ဆင်ကြသလို.. တဖက်ကလဲ ဘာစိုက်ရမလဲ..ဘယ်မျိုးရွေးရမလဲဆိုတာ လေ့လာ..စဉ်းစား..ရွေးချယ်ကြရမှာဖြစ်ပါတယ်...တောင်သူ့အကျိုးစီးပွားကို အစဉ်ဂရုပြုအလေးထားတဲ့ East-West Seed (မြားနီမျိုးစေ့)မှ ထုတ်လုပ်ဖြန့်ချိပေးနေတဲ့ အရည်အသွေးမြင့်မျိုးကောင်းလေးများနဲ့ မိတ်ဆက်ပေးလိုက်ပါတယ်ခင်ဗျာ...တောင်သူဦးကြီးများအပါအဝင် မြန်မာပြည်သူပြည်သားအပေါင်း ဘေးဘယာ ကင်းကွာ၍ စိုက်ပျိုးသောသီးနှံများဖြစ်ထွန်းအောင်မြင်ပြီး စျေးကောင်းရကြပါစေ
Read more East West Seed Myanmar Facebook page သို့သွားရန်

ဆွေးနွေးချက်များ

ဆွေးနွေးရန်