အနောက်တောင်မုတ်သုံလေ မြန်မာနိုင်ငံမြောက်ပိုင်းမှ မကြာမီစတင် ဆုတ်ခွာပါတော့မယ်

12/09/2019 18:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

၁၁-၉-၂၀၁၉ နံနက်(၀၀:၀၆)နာရီ။

   မြေပြင်အထက်ပေ(၅၀၀၀)အမြင့် နဲ့ ပေ(၃၈၀၀၀)အမြင့်တေွမှာ (၁၀-၉-၂၀၁၉)ရက်မှ (၁၆-၉-၂၀၁၉) ရက်တစ်ပတ်အတ ွင်း တိုက်ခတ်နိုင်တဲ့လေတိုက်ခတ်မှုခန့်မှန်းချက်အရ အ နောက်တောင်မုတ်သုံလေဦးဟာ မြန်မာနိုင်ငံမြောက်ပိုင်းနဲ့ အရှေ့ မြောက်ပိုင်းဒေသများတွင် အားပျော့ (Feeble) နေပါတယ်။ ဒါကြောင့် စက်တင်ဘာလ(၁၅)ရက်ခန့်တွင် အနောက်တောင်မုတ်သုံလေဟာ မြန်မာနိုင်ငံမြောက်ပိုင်းမှ စတင်ဆုတ် ခွာသွားလိမ့်မယ်လို့ခန့်မှန်းရပါတယ်။

   ကျန်ရှိနေ သေးသောဒေသများဖြစ်တဲ့ မြန်မာနိုင်ငံအလယ်ပိုင်းမှ စက်တင်ဘာလ(၂၀)ရက်ခန့်တွင်လည်းကောင်း၊ မြစ်ဝကျွန်းပေါ်ဒေသများမှ စက်တင်ဘာလ(၂၅)ရက်ခန့်တွင်လည်းကောင်း၊ မြန်မာနိုင်ငံတောင်ပိုင်းဒေသများမှာ အောက်တိုဘာလဆန်းခန့်တွင်လည်းကောင်း ဆက်လက်ဆုတ်ခွာသွားလိမ့်မယ်လို့ ခန့်မှန်းရပါတယ်။

ဒေါက်တာထွန်းလွင်