ဝက်သားပေါက်လေးများအား အစွယ်ဖြတ်ပေးခြင်း၏ ကောင်းကျိုးများ

14/07/2022 11:31 AM တွင် ဦးဇော်(dof) ဦးဇော်(dof) မှ ရေးသား

ဝက်သားပေါက်ကလေးများသည် မိခင်နို့စို့သောအခါ အစွယ်သွားချွန်ထွက်နေသဖြင့် မိခင်တွင် နို့သီးဒဏ်ရာ ရရှိနိုင်ပါသည်။ မိခင်ဝက်မကြီးသည် နို့သီးဒဏ်ရာနာကျင်သဖြင့် နို့စို့မခံဘဲ လဲလျောင်းရာမှထခြင်း၊ နို့မတိုက်ခြင်းများ ဖြစ်ပေါ်လာပါသည်။

ဝက်ကလေးများ၏ ချွန်ထွက်နေသောအစွယ်သွားဖြင့် နို့စို့ ​ခြင်းကြောင့် မိခင်ဝက်မကြီး၏ နို့သီး၊ နို့အုံဒဏ်ရာ ရောင်ရမ်းလာပြီး နို့အုံသို့ရောဂါဝင်ရောက်နိုင်ပါသည်။ ထို့ကြောင့် သားပေါက်ပြီးဝက်ကလေးများကို သွားစွယ်အမြန်ဆုံး ဖြတ်ပေးရပါမည်။

သားပေါက်ပြီး ၂နာရီခွဲခန့်(မိနစ် ၁၅ဝ ခန့်)အကြာတွင် မိခင်ဝက်မကြီးနှင့် သားပေါက်ဝက်ကလေးများကို ခဏခွဲထားပြီး သွားဖြတ်ရပါမည်။ အစွယ်သွားဖြတ်သည့်ကတ်ကြေး(သို့)လက်သည်းညှပ်အကြီးဖြင့် ဖြတ်နိုင်ပါသည်။

သွားဖြတ်နေစဥ် သတိပြုရမည့်အချက်များ

  • ၁။ သားပေါက်ဝက်မကြီးကို သားပေါက်ဝက်ကလေးများနှင့် ခွဲခြားထားရှိရပါမည်။
  • ၂။ ဝက်မကြီးမှ ရန်ပြုမှုအန္တရာယ်ကိုလည်း ဂရုပြုရပါမည်။
  • ၃။ သားပေါက်ကလေးများကို သေတ္တာပုံးခွံတွင် နွေးထွေးစွာထားပြီး ဖြတ်ရန်လိုပါသည်။

သွားစွယ်ဖြတ်ပုံဖြတ်နည်းနှင့် သတိပြုသင့်သည့်အချက်များ

  • ၁။ ဝက်ကလေးကို ဦးခေါင်းမှကိုင်ပြီး ပါးစပ်ပေါက်ကို လက်ဖြင့်ဆွဲ၍ ဟခြင်းဖြင့် မေးရိုးပွင့်လာပါမည်။
  • ၂။ ပြီးလျှင် သွားဖြတ်ကိရိယာဖြင့် ပထမတစ်စုံဖြတ်စဥ် လျှာသည် အခြားတစ်ဘက်တွင် ရှိရပါမည်။
  • ၃။ ဝက်ကလေး၏ခေါင်းကိုစောင်း၍ ချလိုက်ခြင်းဖြင့် ဖြတ်ပြီးသွားအစွယ်သည် အောက်သို့ ကျသွားပါမည်။ 
  • ၄။ ဝက်ကလေး၏ သွားဖုံးနှင့် အနီးကပ်ဆုံးကပ်၍ ဖြတ်ရပါမည်။
  • ၅။ တစ်ကောင်ဖြတ်ပြီးတိုင်း သွားဖြတ်ကိရိယာကို သန့်ရှင်းပေးရပါမည်။
  • ၆။ နောက်ဆုံးသားပေါက်ဝက်ကလေး အစွယ်ဖြတ်ပြီးလျှင်ပြီးချင်း မိခင်ဝက်မကြီးဆီသို့ ပို့ပေးရပါမည်။
  • ၇။ ဝက်ကလေးများ နွေးထွေးစွာရှိနေစေရန် ဂရုတစိုက် ပြုစုရပါမည်။

 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

စိုက်ပျိုးထုတ်လုပ်သူ တောင်သူဦးကြီးများခင်ဗျာ...မိမိတို့စိုက်ပျိုးထုတ်လုပ်လိုက်တဲ့ သီးနှံက အရည်အသွေးပြည့်ဝပြီး စျေးကွက်မှာမျက်နှာလှဖို့ ဆိုရင် အဓိက အရေးကြီးတဲ့ မျိုး မှန်ကန်ဖို့လိုအပ်ပါတယ်...ဦးကြီးတို့ စိုက်ပျိုးမယ်ဆို ကျနော်တို့က မျိုး မှန်ကန်မှုကို တာဝန်ယူပါတယ်...East-West Seed (မြားနီ မျိုးစေ့)ဆိုတာ အရည်အသွေးပြည့်ဝတဲ့ မျိုးစေ့များကို သုတေသနပြု စမ်းသပ်ပြီးမှ ထုတ်လုပ်ရောင်းချနေသော ကုမ္ပဏီတစ်ခုဖြစ်ပါတယ်...ဒီတစ်ခါတော့ မြားနီ မျိုးစေ့ အနေနဲ့ အောက်ပါ အရည်အသွေးမြင့်မျိုးစေ့များနဲ့ မိတ်ဆက်ပေးလိုက်ပါတယ် ခင်ဗျာ....
Read more Facebook page သို့သွားရန်

ဆွေးနွေးချက်များ

ဆွေးနွေးရန်