တိုင်းနှင့်ပြည်နယ်အသီးသီးအတွက် ၃ ရက်အတွင်း မိုးလေဝသအခြေအနေများ 

( ယနေ့ စက်တင်ဘာ ၂၁ ရက်မှ - စက်တင်ဘာ ၂၃ ရက်ထိ ခန့်မှန်းချက်)

လက်ရှိအနေအထားတွေအရ ‘ စက်တင်ဘာလ လကုန်ပိုင်းအထိ မြန်မာတစ်နိုင်ငံလုံး မိုး ဆက်လက်ရွာနေ နိုင်ဦးမှာ ဖြစ်ပြီး၊ အချို့ ပြည်နယ်တိုင်းဒေသတွေမှာ နေရာကွက်ပြီး မိုးများနိုင်ပါဦးမယ်။ စက်တင်ဘာလ ၂၂ ရက်နေ့မှ စတင်ပြီး တစ်နိုင်ငံလုံးမှာ နေ့အပူချိန်များအနည်းငယ်လျော့ကျလာပြီး ညဘက်/မနက်အစောပိုင်း အချိန်တွေမှာ အအေးပိုလာနိုင်မှာကိုလဲ တွေ့ရပါတယ်။ ကချင်ပြည်နယ် ရှမ်းပြည်နယ် ချင်းပြည်နယ်တွေမှာတော့ မနက်အစောပိုင်းအချိန်တွေမှာ သိသိသာသာအအေးပိုလာနိုင်ပါမယ်” လို့ နိုင်ငံတကာ မိုးလေဝသခန့်မှန်းထုတ်ပြန် ချက်တွေအရ မိုးလေဝသစောင့်ကြည့်ခန့်မှန်းသူ ဦးဝင်းနိုင်က သူ့ရဲ့ ဖေ့စ်ဘွတ်အကောင့်ကနေ ခန့်မှန်းချက် ထုတ်ပြန်ထားပါတယ်။

လာမယ့် ၃ ရက်အတွင်း မိုးလေဝသအခြေအနေများအရတော့ တစ်နိုင်ငံလုံးမှာ မိုးရွာသွန်းမှုတွေ ဆက်ရှိနေမှာ ဖြစ်တယ်လို့ သိရပါတယ်။ အဲ့ဒီလိုရှိနေတဲ့ထဲကမှ ထူးထူးခြားခြား မိုးများနိုင်၊ မိုးနည်းနိုင်တဲ့ အခြေအနေတွေနဲ့ ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

တစ်နိုင်ငံလုံးအတိုင်းအတာအရ မိုးလေဝသအနေအထား

" အခုအနေအထားအရ (စက်တင်ဘာ ၂၁ ရက် မွန်းလွဲပိုင်း) ဆိုရင်တော့ တိမ်တွေကတော့ အကုန်လုံး ဖြစ်နေတာ ပေါ့နော်။ အခု ကျွန်တော်ကြည့်နေတဲ့ အနေအထားဆိုရင် နောက်လာမယ့် ၃ ရက်မှာ တစ်နိုင်ငံလုံးမှာတော့ မိုးရွာနိုင်မယ်" 

မိုးများနိုင်၊ မိုးနည်းနိုင်သည့် ဒေသများ

" မိုးများနိုင်တာက ရခိုင်ပြည်နယ်၊ ချင်းပြည်နယ်တောင်ပိုင်းနဲ့ ချင်းပြည်နယ်မြောက်ပိုင်း၊ နောက်တစ်ခုက စစ်ကိုင်းတိုင်း။ စစ်ကိုင်းတိုင်းမှာက အလယ်ပိုင်းကော၊ အထက်ပိုင်းကော၊ အောက်ပိုင်းကောပဲ။ နောက်တစ်ခုက ကချင်ပြည်နယ်လည်း မိုးများနိုင်တယ်။ နောက်ထပ် ပဲခူးတိုင်းဆိုရင်တော့ ပဲခူးအရှေ့ပိုင်းက မိုးများနိုင်တယ်။ အနောက်ခြမ်းကတော့ မိုးနည်းနိုင်တယ်။ ပြီးတော့ ဧရာဝတီတိုင်း၊ ရန်ကုန်တိုင်း မိုးများနိုင်တယ်။ ကရင်ပြည်နယ်၊ မွန်ပြည်နယ် မိုးများနိုင်တယ်။ ကယားပြည်နယ်၊ တနင်္သာရီတိုင်းတွေမှာလည်း မိုးများနိုင်တယ်"

" မိုးနည်းနိုင်တဲ့ဒေသတွေကို ပြောမယ်ဆိုရင်တော့ ရှမ်းပြည်နယ် မြောက်ကော၊ တောင်ကော မိုးနည်းမယ်။ နောက်တစ်ခုက မကွေးတိုင်း နည်းမယ်။ အဲ့နှစ်ခုပဲ " 

ထူးထူးခြားခြား မိုးများနိုင်၊ မိုးနည်းနိုင်မည့်ဒေသများ

" ကချင်ပြည်နယ်မြောက်ပိုင်းတစ်ခုတည်းကွက်ပြီး မိုးအရမ်းများတာရှိမယ်။ ၆ လက်မခွဲလောက်ထိ ရွာမယ်။ ကျန်တဲ့တိုင်းနဲ့ပြည်နယ်တွေထဲကဆိုရင် ခုန များမယ်လို့ပြောထားတဲ့ ဧရာဝတီ၊ ရန်ကုန်၊ ပဲခူးအရှေ့ခြမ်း၊ ကရင်ပြည်နယ်၊ မွန်ပြည်နယ် စတဲ့နေရာတွေကတော့ ၁ လက်မခွဲကနေ ၂ လက်မလောက်ထိပဲ ရွာနိုင်တယ်"  

" ထူးထူးခြားခြား မိုးနည်းနိုင်တာဆိုရင်တော့ မိတ္ထီလာပတ်ဝန်းကျင်ပဲ။ အဲ့ဒီမှာတော့ မိုးရေချိန် လက်မဝက်လောက်ပဲ ရွာနိုင်တယ်။ ရွာတော့ရွာနိုင်တယ်။ နည်းမှာပေါ့ "  

( ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

 (မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်