ရောင်းအားနည်း၊ ဝယ်အားများနေမှုကြောင့် အာရှဆန်ဈေးများ နှစ်နှစ်အတွင်း အမြင့်ဆုံးရောက်

အာရှတိုက် ဆန်တင်ပို့မှုထိပ်သီးနိုင်ငံတွေမှာ ဆန်ရောင်းလိုအားစိုးရိမ်ချက်တွေ ရှိနေတဲ့အပြင် ဝယ်လိုအား ဆက်တိုက်ကောင်းနေတာကြောင့် ယခုအပတ် ဆန်တင်ပို့ဈေးနှုန်းတွေ နှစ်နှစ်ကျော်အတွင်း အမြင့်ဆုံးအထိ ရောက်ရှိလာပါတယ်။

ဗီယက်နမ်ငါးမှတ်ဆန်ဈေးဟာ အရင်အပတ်က တစ်တန်ကို ၄၉၈ ဒေါ်လာ ရှိခဲ့ရာကနေ ယခုအပတ်မှာ ၂၀၂၁ ဧပြီနောက်ပိုင်း အမြင့်ဆုံးနှုန်းအဖြစ် တစ်တန်ကို ၄၉၅ ကနေ ၅၀၅ ဒေါ်လာကြား ရောက်ရှိခဲ့ပါတယ်။

" ဗီယက်နမ်ဆန်တင်ပို့လုပ်ငန်းတွေဟာ ပို့ကုန်စာချုပ်တွေ ဖြည့်ဆည်းရောင်းချနိုင်ရေး ဆန်အလုအယက် ဝယ်ယူနေကြပါတယ်။ ဒါပေမဲ့  ပြည်တွင်းမှာ ဆန်ရောင်းအားနည်းနေပြီး ဆန်ဈေးတွေကို မြင့်တက်စေခဲ့ပါတယ်" လို့ ဟိုချီမင်းစီးတီးမြို့အခြေစိုက် ကုန်သည်တစ်ယောက်က ပြောပါတယ်။

ဗီယက်နမ်မှာ မိုးလေဝသမကောင်းတာကြောင့် နွေစပါးအထွက်ဟာ မျှော်လင့်ထားသလောက် မကောင်းခဲ့ဘူးလို့ ကုန်သည်တွက ဆိုပါတယ်။

ဗီယက်နမ်ဟာ ဇွန်လပထမလဝက်အတွင်း ဆန် ၂၈၄၇၉၈ တန် တင်ပို့ထားပြီး ယခုနှစ်စကနေ ဇွန် ၁၅ ရက်အထိ တင်ပို့မှုစုစုပေါင်း တန်ချိန် ၃ ဒသမ ၉ သန်း ရှိပြီဖြစ်ကြောင်း အကောက်ခွန်ဌာနထုတ်ပြန်ချက်အရ သိရပါတယ်။

ထိုင်းငါးမှတ်ဆန်ဈေးဟာလည်း ပြီးခဲ့တဲ့အပတ်က တစ်တန်ကို ၄၉၅ ဒေါ်လာ ရှိခဲ့ရာကနေ ယခုအပတ်မှာ နှစ်နှစ်ကျော်အတွင်း အမြင့်ဆုံးအနေနဲ့ တစ်တန် ၅၀၅ ဒေါ်လာထိ ရောက်ရှိခဲ့ပါတယ်။

"အင်ဒိုနီးရှားနိုင်ငံကို တင်ပို့ဖို့အတွက် ဆန်ကောက်ယူဖို့စောင့်နေတဲ့ သင်္ဘောတွေ ရှိပါတယ်။ ဒါပေမဲ့ ဆန်သစ်က ဈေးကွက်ထဲကို ဝင်ရောက်မလာသေးပါဘူး။ ပို့ကုန်လုပ်ငန်းတွေအနေနဲ့ လိုအပ်တဲ့ဆန် အချိန်မီရရှိရေး အခက်တွေ့နေကြပါတယ်" လို့ ဘန်ကောက်အခြေစိုက်ကုန်သည်တစ်ယောက်က ပြောပါတယ်။

ပြည်တွင်းဆန်ဈေး ကောင်းနေတဲ့အတွက် ဈေးတွေဟာ အခုနှုန်းအတိုင်း ဆက်ရှိနေနိုင်တယ်လို့ ထိုင်းကုန်သည်နောက်တစ်ယောက်က ပြောပါတယ်။

ယခုနှစ် ထိုင်းဆန်တင်ပို့မှုဟာ တန်ချိန် ရှစ်သန်းကျော်နိုင်ပြီး ယခင်လျာထားချက် တန်ချိန် ခုနစ်သန်းခွဲထက် ပိုများနိုင်ကြောင်း ထိုင်းကုန်သွယ်ရေးဝန်ကြီး ပြီးခဲ့တဲ့အပတ်မှာ ပြောထားပါတယ်။

ဆန်တင်ပို့မှုထိပ်သီး အိန္ဒိယရဲ့ ငါးမှတ်ပေါင်းဆန်ဈေးဟာ ယခင်အပတ်က တစ်တန်ကို ၃၉၀-၃၉၈ ဒေါ်လာကြား ရှိခဲ့ရာကနေ ယခုအပတ်မှာ ၂၀၂၁ ဖေဖော်ဝါရီနောက်ပိုင်း အမြင့်ဆုံးအဖြစ် ၃၉၇-၄၀၅ ဒေါ်လာကြား ရောက်ရှိလာပါတယ်။

"စပါးဈေးတက်နေတဲ့အတွက် ပို့ကုန်လုပ်ငန်းတွေဟာ ဆန်ဈေးကို မဖြစ်မနေ မြှင့်တင်ခဲ့ရပါတယ်။ နောက်ပြီး ဒီလထဲမှာ ရူပီးငွေဈေး ကောင်းခဲ့တာကလည်း ဈေးတက်ဖို့အကြောင်းတစ်ခု ဖြစ်စေခဲ့ပါတယ်" လို့ နယူးဒေလီအခြေစိုက် ကုန်သည်တစ်ယောက်က ပြောပါတယ်။

အိန္ဒိယဟာ တောင်သူလယ်သမားတွေဆီက ဝယ်ယူတဲ့ ကောက်သစ်စပါးဈေးကိုလည်း မကြာသေးခင်တုန်းက ခုနစ်ရာခိုင်နှုန်း မြှင့်တင်ပေးခဲ့ပါတယ်။

အိမ်နီးချင်းဘင်္ဂလားဒေ့ရှ်ရဲ့ ယခုနှစ် (၂၀၂၃-၂၄ ဈေးကွက်နှစ်) ဆန်ထုတ်လုပ်မှုဟာ နှစ်အလိုက် ၁ ဒသမ ၈ ရာခိုင်နှုန်း မြင့်တက်ပြီး တန်ချိန် ၃၈ ဒသမ ၉ သန်း ရှိနိုင်မယ်လို့ စားနပ်ရိက္ခာနဲ့ စိုက်ပျိုးရေးအဖွဲ့ (FAO) ရဲ့ ကမ္ဘာ့စားနပ်ရိက္ခာအလားအလာအစီရင်ခံစာမှာ ခန့်မှန်းထားပါတယ်။

ဝေယံဟိန်း (B.Ag)

Ref: Asia rice: Tight supply, robust demand propels export prices to 2-year peak - Reuters

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။  

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်