ဘွဲ့ရပေမဲ့ လခစားမလုပ်ဘဲ တောင်သူမယ်ဘဝကို ရွေးချယ်အောင်မြင်နေတဲ့ အိန္ဒိယအမျိုးသမီး

ကမ္ဘာကြီးရဲ့စားနပ်ရိက္ခာဖူလုံရေးအတွက်ဆိုရင် အိန္ဒိယစိုက်ပျိုးမွေးမြူရေးနယ်ပယ်ဟာ အဓိကအကျ ဆုံးနေရာကနေ ပါဝင်နေတာပါ။

အိန္ဒိယလူမျိုးတွေဟာလည်း စားဝတ်နေရေးအတွက် ဒီနယ်ပယ်ကို ကြီးကြီးမားမား မှီခိုကြရပြီး အမျိုး သမီးတွေဆိုရင် ၈၄ ရာခိုင်နှုန်းလောက်ထိ စားဝတ်နေရေးအတွက် စိုက်ပျိုးမွေးမြူရေးနယ်ပယ်ကို မှီခိုနေရပါတယ်တဲ့။ ၃၃ ရာခိုင်နှုန်းဟာ စိုက်ပျိုးထုတ်လုပ်သူတွေဖြစ်ပြီး ၄၇ ရာခိုင်နှုန်းကတော့ အလုပ်သမားတွေအဖြစ် မှီခိုလုပ်ကိုင်နေကြတာပါ။

ဒီလို တောင်သူမယ်တွေထဲမှာ ပညာတတ်တွေလည်းပါဝင်နေပါတယ်။ ဒီထဲကမှ အမိုးခုံးစိုက်ပျိုးရေး စနစ်နဲ့ ဘက်စုံစိုက်ပျိုးမွေးမြူရေးစနစ်ရဲ့ စံပြပုဂ္ဂိုလ်တစ်ဦးအဖြစ် အောင်မြင်နေသူကတော့ ဘာဗနာနီခမ်းပဲဖြစ်ပါတယ်။

ဘွဲ့ရပညာတတ်တစ်ဦးဖြစ်ပေမဲ့ ဘာဗနာဟာ လခစားဝန်ထမ်းအလုပ်ကို ဘယ်တုန်းကမှ မလုပ်ခဲ့ပါဘူး။ သူမရဲ့ အသက်မွေးမှုအတွက် စိုက်ပျိုးမွေးမြူရေးတောင်သူမယ်ဘဝကိုသာ ရွေးချယ်ခဲ့ပါတယ်။

ဘာဗနာဟာ ၂၀၁၆ ခုနှစ်တုန်းက ဒဗာဒီလို့ခေါ်တဲ့ သူမနေထိုင်ရာ ကျေးရွာလေးမှာ ၂၀၀၀ စတုရန်းမီတာ (ဧကဝက်ခန့်) ပလတ်စတစ်အမိုးခုံးစိုက်ခင်းတစ်ခုနဲ့ စိုက်ပျိုးရေးသမားဘဝကို အစပြုခဲ့တာပါ။

ဒီထဲမှာ ငရုတ်ချိုတွေ၊ စပျစ်တွေ၊ ဟင်းသီးဟင်းရွက်တွေ အစုံထည့်စိုက်ပါတယ်။ ပညာတတ်တစ်ဦးပီပီ သူမဟာ ဒေသတွင်း သမားရိုးကျ လမ်းဟောင်းစိုက်နည်းစနစ်တွေနောက် မလိုက်ဘဲ ပိုမိုကောင်းမွန်တဲ့ ပလတ်စတစ်အမိုးခုံးစိုက်ပျိုးနည်းစနစ်ကို ရွေးချယ်လုပ်ကိုင်ခဲ့တာပါ။

အိန္ဒိယစိုက်ပျိုးရေးသုတေသနဌာန၊ အစိုးရစိုက်ပျိုးမွေးမြူရေးဌာနတွေကပေးတဲ့ ဘက်စုံစိုက်ပျိုးမွေး မြူရေးစနစ်သင်တန်းတွေကိုလည်း ဘာဗနာ တက်ရောက်ခဲ့ပါတယ်။ သူမကိုယ်တိုင် ကြိုးကြိုးစားစားနဲ့ တစိုက်မတ်မတ်လုပ်ကိုင်ခဲ့သလို မိသားစုဘက်က ကူညီပံ့ပိုးမှုတွေလည်း ပေးပါတယ်။ ဒီလိုနဲ့ပဲ ဒေသ တွင်းရဲ့ စံပြုစရာ ဘက်စုံစိုက်ပျိုးမွေးမြူရေးစနစ်ပုံစံတစ်ခုကို သူမ အကောင်အထည်ဖော်နိုင်ခဲ့တာဖြစ်ပါတယ်။

ဆန်းသစ်တီထွင်လိုစိတ်ရှိသူ ဘာဗနာဟာ ပလတ်စတစ်အမိုးခုံးစိုက်ခင်း၊ ဇာပိုက်အုပ်စိုက်ခင်း၊ ပလတ် စတစ်ဘောင်အုပ်စိုက်နည်းစနစ်၊ မြေညှိစိုက်နည်းစနစ်၊ ထုပ်ပိုးနည်းစနစ်တွေမှာ ဒေသတွင်း တခြားသူ တွေနဲ့မတူ တမူထူးခြားလုပ်ကိုင်နိုင်ခဲ့တာကလည်း သူမကို အောင်မြင်မှုဆီ တွန်းပို့ပေးခဲ့တာပါ။

ရှားပါးဟင်းသီးဟင်းရွက်မျိုးတွေကိုလည်း စိုက်ခင်းထဲမှာထည့်စိုက်ပါတယ်။ ဒါကြောင့် ဘာဗနာရဲ့ စိုက်ခင်းဟာ ဇီဝမျိုးစုံမျိုးကွဲတွေ လေ့လာစရာနေရာတစ်ခုလည်း ဖြစ်နေပြန်ပါတယ်။ လာရောက်လည် ပတ်သူ၊ လေ့လာသူပညာတော်သင်တွေထဲမှာ စိုက်ချင်သူတွေရှိရင်လည်း အဲ့ဒီရှားပါးအပင်တွေရဲ့ မျိုးစေ့တွေ၊ အပင်တွေကို မျှဝေပေးပါတယ်။

ဘာဗနာရဲ့ စိုက်ခင်းမှာ နောက်ထပ်လေ့လာစရာတွေကတော့ မိုးရေရယူနည်းစနစ်တွေနဲ့ ရေသိုလှောင်တဲ့ ကန်တွေပါပဲ။ ဒီကန်တွေဟာ ခြောက်သွေ့ရာသီ စိုက်ပျိုးရေးမှာ ရေသွင်းစိုက်နိုင်ဖို့ ရေသိုလှောင် ထားရုံတင်မဟုတ်ဘဲ ငါးတွေလည်းမွေးထားလို့ အပိုဝင်ငွေလည်း ရနေစေတာဖြစ်ပါတယ်။

ဘာဗနာရဲ့ အောင်မြင်နေတဲ့ ဘက်စုံစိုက်ပျိုးမွေးမြူရေးလုပ်ငန်းတွေကတော့ အောက်ပါအတိုင်း ဖြစ်ပါတယ်။

ပလတ်စတစ်ဘောင်အုပ် အစက်ချစနစ်ဖြင့် ဟင်းသီးဟင်းရွက်များ စိုက်ပျိုးထုတ်လုပ်ခြင်း
စပျစ်စိုက်ပျိုးရေး
ငါးမွေးမြူရေး
ငရုတ်ချို၊ ခရမ်းချဉ်နှင့် ပဲမျိုးစုံကို ပလတ်စတစ်အမိုးခုံးစနစ်နဲ့ စိုက်ပျိုးထုတ်လုပ်ခြင်း
ကြက်နှင့်ငါးတွဲဖက်မွေးမြူခြင်း

ဒီလိုလုပ်ငန်းတွေလုပ်ရာမှာ ဘာဗနာအနေနဲ့ အမျိုးမျိုးသော ဆန်းသစ်တီထွင်မှုတွေ၊ နည်းပညာသစ် တွေ အသုံးချလုပ်ကိုင်နေတာကြောင့် သူမရဲ့အောင်မြင်မှုခြေရာကို နင်းလိုတဲ့ တခြားတောင်သူတွေနဲ့ လူငယ်တွေ အများအပြားဟာ စိုက်ခင်းဆီကို ပုံမှန်လာရောက်လေ့လာမှုတွေ ရှိနေတာပါ။ ဒဗာဒီ ဒေသမှာတော့ သူမဟာ သူတို့အတွက် စံပြပုဂ္ဂိုလ်တစ်ဦးပါပဲ။

ဘာဗနာရဲ့အောင်မြင်မှုတွေဟာ ဒီလောက်တင်ပဲလားဆိုတော့လည်း မဟုတ်ပါဘူး။ ၂၀၂၁ ခုနှစ်မှာ အိန္ဒိယစိုက်ပျိုးမွေးမြူရေးဝန်ကြီးကပေးတဲ့ ဆန်းသစ်တီထွင်တောင်သူမယ်ဆုကိုလည်း ရရှိခဲ့ပါတယ်။ ဒါ့အပြင် ၂၀၁၉ ခုနှစ်ရဲ့ အကောင်းဆုံးအမျိုးသမီးတောင်သူဆုအပါအဝင် တခြားအဖွဲ့အစည်းတွေက ပေးအပ်တဲ့ ဆုပေါင်းများစွာကိုလည်း ဆွတ်ခူးရရှိနိုင်ထားတာဖြစ်ပါတယ်။

ဆိုတော့ ဘာဗနာရဲ့အောင်မြင်မှုဟာ ဘာကိုပြနေသလဲဆိုတော့ တောင်သူအလုပ်ဆိုတာ ပညာမတတ်သူတွေ လုပ်ကိုင်ရတဲ့အလုပ်ဆိုတာမျိုးချည်း သဘောထားမနေသင့်ဘူးဆိုတာပါ။ ပညာတတ်သူ တွေသာ စိုက်ပျိုးမွေးမြူရေးကို စီးပွားရေးတစ်ရပ်အနေနဲ့ သဘောထားလုပ်ကိုင်မယ်ဆိုရင် ပိုမိုတီထွင် ဆန်းသစ်နိုင်မှုတွေနဲ့အတူ အောင်မြင်မှုဆီလှမ်းတက်နိုင်ပါတယ်ဆိုတာ ဘာဗနာက ကိုယ်တိုင်ကြိုးစားမှုတွေနဲ့အတူ ပြသနေပါကြောင်း...။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...