မြန်မာ့အိမ်နီးချင်းနိုင်ငံတွေက လယ်သမားတွေ ဝင်ငွေဘယ်လိုရှိနေလဲ?

၂၀၂၂ ခုနှစ်အတွင်း salaryexplorer.com က ထုတ်ပြန်ထားတဲ့ မြန်မာ့အိမ်နီးချင်းနိုင်ငံ ၅ နိုင်ငံက လယ်သမားတွေရဲ့ တစ်နှစ်ပျမ်းမျှဝင်ငွေတွေကို ဖော်ပြပေးလိုက်ပါတယ်။

ဒီဝက်ဘ်ဆိုဒ်ရဲ့ ထုတ်ပြန်ချက်အရတော့ မြန်မာ့အိမ်နီးချင်းနိုင်ငံတွေထဲက လယ်သမားလူတန်းစားတွေထဲမှာ တရုတ်လယ်သမားတွေရဲ့ ဝင်ငွေက အမြင့်ဆုံးဖြစ်ပြီး တစ်ဦးချင်းစီရဲ့ တစ်နှစ်ပျမ်းမျှဝင်ငွေဟာ တရုတ်ယွမ်ငွေ ၁၁၂၄၄၀ (၁၆၆၅၁ ဒေါ်လာခန့်) ဖြစ်ပါတယ်။ 

ဘင်္ဂလားဒေ့ရှ်လယ်သမားတစ်ဦးရဲ့ တစ်နှစ်ပျမ်းမျှဝင်ငွေကတော့ ဘင်္ဂလားဒေ့ရှ်တာကာ ၁၀၅၄၈၀ (၁၁၁၁ ဒေါ်လာခန့်) ဖြစ်ပြီး အိမ်နီးချင်းနိုင်ငံတွေရဲ့ လယ်သမားတွေထဲတော့ ဝင်ငွေ အနည်းဆုံးပါပဲ။

လယ်သမား၊ ငါးမွေးမြူရေး၊ တိရစ္ဆာန်မွေးမြူ ရေးလုပ်ငန်းလုပ်ကိုင်သူတွေကို စစ်တမ်းကောက်ယူပြီးနောက် အနိမ့်ဆုံးဝင်ငွေရှိသူ၊ အမြင့်ဆုံးဝင်ငွေရှိသူတွေတွေကို ပျမ်းမျှယူတွက်ချက်ထားတာဖြစ်တယ်လို့ သိရပါတယ်။

မြန်မာ့အိမ်နီးချင်းနိုင်ငံတွေက လယ်သမားတွေရဲ့ တစ်နှစ်ပျမ်းမျှဝင်ငွေတွေကတော့ အောက်ပါအတိုင်းဖြစ်ပါတယ်။

တရုတ် ၁၁၂၄၄၀ ယွမ် ( ၁၆၆၅၁ ဒေါ်လာ) 

အိန္ဒိယ ၁၇၂၆၉၄ ရူပီး (၂၁၇၀ ဒေါ်လာ)

လာအို ၁၈၁၀၀၀၀၀ LAK ( 1188 ဒေါ်လာ)

ထိုင်း ၃၀၈၀၀ ဘတ် ( ၁၀၂၄၁ ဒေါ်လာ)

ဘင်္ဂလားဒေ့ရှ် ၁၀၅၄၈၀ တာကာ ( ၁၁၁၁ ဒေါ်လာ)

အမေရိကန်ဒေါ်လာနဲ့ပြန်လည်တွက်ချက်ထားတာဖြစ်ပြီး မြန်မာငွေနဲ့ ဘယ်လောက်ဝင်ငွေ ရှိလဲဆိုတာသိချင်ရင်တော့ လက်ရှိ ဒေါ်လာပေါက်ဈေးနှုန်းနဲ့မြှောက်ကြည့်နိုင်ပါတယ်။ (ဒေါ်လာပေါက်ဈေးက အမျိုးမျိုးကွဲနေသည့်အတွက် တွက်ချက်မပြထားခြင်းဖြစ်ပါသည်။)

( salaryexplorer.com က ထုတ်ပြန်ထားမှုအတိုင်းသာ ပြန်လည်ဖော်ပြခြင်းဖြစ်ပါသည်။)

မြန်မာတောင်သူတစ်ဦးရဲ့ တစ်နှစ်ပျမ်းမျှဝင်ငွေကကော ဘယ်လောက်ရှိမယ်ထင်ပါသလဲ..။ ကွန်မန့်ထဲမှာ ဝင်ရေးပေးသွားကြပါဦးနော်..။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်