အစိမ်းရောင်လမ်းဖိလစ်ပိုင်နိုင်ငံမြောက်ပိုင်းကို ကျော်ဖြတ်ပြီး တောင်တရုတ်ပင်လယ်ရေပြင်ကို ရောက်ရှိနေတဲ့ မုန်တိုင်း MA-ON ကနေ ရောက်ရှိလာမယ့်တိမ်တိုက်တွေကြောင့် မြန်မာနိုင်ငံဒေသအချို့မှာ မနက်ဖြန် ဩဂုတ် ၂၅ ကနေ ၂၇ အထိ မိုးကြီးတာတွေ ဖြစ်လာဦးမယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ကြိုတင်ခန့်မှန်းပြောကြားပါတယ်။
လက်ရှိမှာ မုန်တိုင်းရဲ့ရှေ့က တိမ်တိုက်တွေဟာ ထိုင်းနိုင်ငံမြောက်ပိုင်းထိရောက်နေပြီဖြစ်ပြီး အဲ့ဒီက မုန်တိုင်းအကြွင်းအကျန်တိမ်တိုက်တွေက လားရှိုး၊ မြစ်ကြီးနား၊ ဗန်းမော် စတာတွေဘက်ကို ဖြတ်သွားမှာဖြစ်ကာ အဲ့ဒီ ဒေသတွေမှာ မိုးကြီးမယ်လို့ ဦးဝင်းနိုင်က Green Way ကို ပြောပါတယ်။
“ မုန်တိုင်းရဲ့အကြွင်းအကျန် Main cell ပေါ့။ အဓိကကျတဲ့တိမ်တိုက်ကြီးကတော့ ရှမ်းပြည်နယ်မြောက်ပိုင်း၊ မန္တလေးတိုင်းအထက်ပိုင်း ကချင်ပြည်နယ်တောင်ပိုင်းပေါ့။ အဲ့ဒီနေရာတွေ ဝင်သွားလိမ့်မယ်။ မြစ်ကြီးနား ပတ်ဝန်းကျင်ကတော့ မိုးရေချိန် တော်တော်များတယ်။ တစ်ရက်တည်း ၃ နာရီအတွင်းမှာ ၄.၅ လက်မ လောက်ထိ ရွာဖို့ရှိတယ်။ ၂၆ ရက်နေ့ကျရင် ”
ဒါ့အပြင် အဲ့ဒီအရှိန်နဲ့ အလယ်ပိုင်းဒေသတွေအပါအဝင် ဒေသအချို့လည်း မိုးများဦးမယ်လို့ ဦးဝင်းနိုင်က ခန့်မှန်းပါတယ်။
“ သေချာတာကတော့ ၂၅၊ ၂၆၊ ၂၇ သုံးရက်ကတော့ မိုးများမယ်။ ဘယ်နေရာတွေများမလဲဆိုတော့ ကရင်၊ မွန်၊ ကယားပြည်နယ်တွေ မိုးများမယ်။ ဖာပွန် (ကရင်ပြည်နယ်) မှာဆို ၂၅ ညနေ၊ ၂၆ တစ်ရက်လုံး၊ ၂၆ မှာက ညပိုင်းဆို လေပါပြင်းမယ်။ တစ်နာရီ ၆ မိုင်ကနေ ၂၄ မိုင်လောက်။ ဆိုတော့ အဆိုးကြီးတော့ မဟုတ်ဘူးပေါ့နော်။ အလယ်ပိုင်းတွေမှာလည်း မိုးများလိမ့်မယ်။ တောင်ပိုင်းကတော့ ပုံမှန်ရွာ သလောက်တော့ရှိတယ်။ အလယ်ပိုင်းဆိုရင် အခု နွားထိုးကြီးကို ဗဟိုပြုပြီးကြည့်လို့ရှိရင် ၂၆ ရက်နေ့ တစ်နေ့လုံးနီးပါးလောက်ကို မိုးရွာမယ်။ ၂၇ ရက်နေ့ကျရင် လေပြင်းတိုက်နိုင်တယ်။ မိုးရွာတာတော့ မရှိတော့ဘူး ”
MA-OH မုန်တိုင်းဟာ ကုန်းတွင်းသို့ ဖြတ်ကျော်ဝင်ရောက်ပြီးနောက် - အနောက်-အနောက်မြောက်ယွန်းယွန်းသို့ ဆက်လက်ရွေ့လျားပြီး ဂွမ်ဒုံးပြည်နယ်၊ ဂွမ်ဇီပြည်နယ်၊ ဗီယက်နန်နိုင်ငံမြောက်ပိုင်းမှ ယူနန်ပြည်နယ်အထိ ရောက်ရှိပြီး လေဖိအားနည်းရပ်ဝန်းအဆင့်အထိ လျော့ကျကာ အားပျော့ပျက်ပြယ်သွားမှာဖြစ်တယ်လို့ သိရပါတယ်။
အဲ့ဒီမုန်တိုင်းရဲ့ အကြွင်းအကျန်တိမ်တိုက်တွေဟာ ယူနန်ပြည်နယ်ကို ဖြတ်သန်းပြီး ဩဂုတ်လ ၂၅ နှင့် ၂၆ ရက်နေ့တွေမှာ မြန်မာနိုင်ငံအရှေ့ပိုင်းကတဆင့် တစ်နိုင်ငံလုံးသို့ ရောက်ရှိလာနိုင်မှာဖြစ်ပြီး နိုင်ငံအနှံ့အပြားမိုးရွာသွန်းနိုင်တာ၊ နေရာကွက်မိုးကြီးတာတွေဖြစ်နိုင်တာ ဖြစ်ပါတယ်။
Photos Crd_ U Win Naing
✅ (မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}