မုန်တိုင်းရန်ကို စိုးရိမ်ပူပန်မှုဖြင့် ဆန်ဝယ်စုတာမျိုးမလုပ်ကြရန် MRF ထုတ်ပြန်

ဆန်စပါး စုဆောင်းထားမှုနှင့် ဆန်စပါးဖူလုံမှု အပြည့်အဝရှိလို့ လာမယ့်ရက်ပိုင်းအတွင်း ဖြစ်လာနိုင်ဖွယ်ရှိနေတဲ့ အင်အားပြင်းဆိုင်ကလုန်းမုန်တိုင်းရန်ကို စိုးရိမ်ပူပန်စိတ်နဲ့ ဆန်ဝယ်ယူစုဆောင်းမှုတွေ မလုပ်ကြဘဲ လိုအပ်တဲ့ပမာဏကိုသာ ဝယ်ယူကြဖို့ မြန်မာနိုင်ငံဆန်စပါးအသင်းချုပ်(MRF) က သတင်း ထုတ်ပြန်တိုက်တွန်းလိုက်ပါတယ်။

သဘာဝဘေးအန္တရာယ်ကျရောက်မှု ဖြစ်ပေါ်ပါက Emergency Early Response ပြုလုပ်နိုင်ရန် အလို့ငှာ ဆန်လိုအပ်မှုရှိပါက အသင်းချုပ် ရုံးချုပ်၊ ညီနောင်အသင်းများ၊ ကုန်စည်ဒိုင်များ နှင့် ဆက်သွယ်ညှိနှိုင်း တင်ပြပေးပါရန်နဲ့ ပစ္စည်းမှန်၊ စျေးနှုန်းမှန် ဝယ်ယူရရှိရန် အခက်အခဲရှိပါကလည်း အသင်းချုပ်၊ ညီနောင် အသင်းများ၊ ကုန်စည်ဒိုင်များနှင့် ဆက်သွယ်ပါရန်ဆိုပြီးလည်း သတင်းထုတ်ပြန်ချက်မှာ ထည့်သွင်းဖော်ပြထားပါတယ်။

‘ ဆန်စပါးလုပ်ငန်းလုပ်ကိုင်သူများအနေနဲ့ မိမိတို့၏ ဆန်စပါးများကို အမိုးအကာများအောက် နှင့် သဘာဝဘေးအန္တရာယ်မှ ကင်းလွတ်နိုင်မည့် နေရာများတွင် သိုလှောင်မှုကို စနစ်တကျ ကြိုတင် စီစဉ် ဆောင်ရွက်ထားပါရန်၊ သိုလှောင်ရုံအတွင်း အောက်ခြေတွင် ရေကြီးမှု၊ ရေဝင်ရောက်မှုများ ဖြစ်ပေါ် လေ့ ရှိသဖြင့် အောက်ခြေမြှင့်ထားရန်၊ dunnage, pallet ခုံများဖြင့် လည်းကောင်း၊ အခြားသင့်တော်သော နည်းလမ်းများဖြင့် လည်းကောင်း ကြိုတင်စီစဉ်ထားပါရန်’ ဆိုပြီးလည်း MRF က နှိုးဆော်တိုက်တွန်းထားပါတယ်။

‘နွေစပါး ရိတ်သိမ်းပြီး/ရိတ်သိမ်းဆဲ နှင့် ရိတ်သိမ်းရန် ရှိနေသော နေရာများ၊ အထူးသဖြင့် ကမ်းရိုးတန်း အနီး တဝိုက်ဒေသများတွင် နွေစပါး ရိတ်သိမ်းသိုလှောင်မှုများကို ဆန်စက်လုပ်ငန်းရှင်များ၊ ဆန်စပါးကုမ္ပဏီများ အနေဖြင့် ဒေသအုပ်ချုပ်ရေးအဖွဲ့များ၊ စိုက်ပျိုးရေးဦးစီးဌာနတို့နှင့် ပူးပေါင်းညှိနှိုင်းပြီး တောင်သူများကို တတ်နိုင်သမျှ ကူညီပေးနိုင်ပါရန်’ ဆိုပြီးလည်း MRF က သတင်းထုတ်ပြန်ချက်မှာ ဆိုထားပါတယ်။

မြန်မာနိုင်ငံဆန်စပါးအသင်းချုပ်ထံ ဆက်သွယ်လို့ရမယ့် Hotline နံပါတ်တွေကတော့ 09-400067250, 09-400067260 တို့ပဲဖြစ်ပါတယ်။

ဘင်္ဂလားပင်လယ်အော်အတွင်း မေလ ၉ ရက်မှာစတင်ဖြစ်ပေါ်လာမယ့် လေဖိအားနည်းရပ်ဝန်းတစ်ခုဟာ မေ ၁၂ ကနေ ၁၄ အတွင်း အားကောင်းသော ဆိုင်ကလုန်းမုန်တိုင်းအဖြစ် မြန်မာနိုင်ငံကို ဖြတ်ကျော် ဝင်ရောက်ဖွယ် ရှိနေတယ်ဆိုပြီး သတိပေးထုတ်ပြန်မှုတွေ ရှိနေတာဖြစ်ပါတယ်။

Green Way - အစိမ်းရောင်လမ်းအနေနဲ့လည်း မုန်တိုင်းအခြေအနေနဲ့ပတ်သက်လို့ နိုင်ငံတကာမိုးလေ ဝသ ခန့်မှန်းမိုဒယ်တွေရဲ့ထုတ်ပြန်ချက်တွေကိုကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်ထံ ဆက်သွယ် မေးမြန်းပြီး နောက်ဆုံးအခြေအနေတွေကို ဆက်တိုက်ဖော်ပြပေးနေပါတယ်။

Photo Crd_ မိုး/ဇလ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ