အစိမ်းရောင်လမ်းအခုဇူလိုင်လအစ ၁ ပတ်အတွင်းမှာ မြန်မာနိုင်ငံပြည်တွင်းနဲ့ အနီးတဝိုက်နေရာတွေမှာ ငလျင်ငယ်လေးတွေဆက်တိုက်လှုပ်နေတာ ၁၃ ကြိမ်ရှိသွားပါပြီ။ ဒီလိုလှုပ်နေတဲ့အပေါ် တချို့က ငလျင်ကြီးတခုရဲ့ရှေ့ပြေးလားဆိုပြီး စိုးရိမ်ပူပန်မှုတွေရှိနေပါတယ်။
တကယ့်အခြေအနေမှာတော့ ငလျင်လှုပ်ခြင်း ကို မည်သူမျှ ကြိုတင်မခန့်မှန်းနိုင်သေးပါဘူးတဲ့။ ဒီအခြေအနေတွေနဲ့ပတ်သက်လို့ အပြည်ပြည်ဆိုင်ရာမိုးလေဝသအခြေအနေတွေကို စောင့်ကြည့်သုံးသပ်ပေးနေသူ ဆရာဦးဝင်းနိုင်က ဘယ်လိုသုံးသပ်ထားသလဲဆိုတာကို ဖော်ပြပေးလိုက်ပါတယ်။
“ ပြတ်ရွေ့ကြီးတွေနဲ့ သက်ဆိုင်တဲ့ ငလျင်ငယ်တွေဆိုရင်တော့ ရှေ့ပြေးငလျင်တွေလို့ သတ်မှတ်ယူဆပြီး နောက်က အကြီးကြီးက ထပ်လှုပ်တတ်တယ်။ ပြတ်ရွေ့ကြီးတွေနဲ့ မသက်ဆိုင်ရင်တော့ ငလျင်ငယ်လေးတွေလှုပ်တာဟာ လှုပ်နေကျဖြစ်လို့ မစိုးရိမ်ရဘူးပေါ့။ ပြတ်ရွေ့ကြီးတွေနဲ့သက်ဆိုင်သလား/မသက်ဆိုင်ဘူးဆိုတာကျတော့ မြေအောက်အနက်အချက်အလက်နဲ့ Sensor တွေက ရတဲ့ အရွေ့ပမာဏကို ကြည့်ပြီး ကောက်ချက်ချရမှာ”
“ အန်ဒါမန်ကျွန်းစုတွေနဲ့ နီကိုဘာကျွန်းပင်လယ်ပြင်မှာ တစ်ပတ်အတွင်းလှုပ်တာတွေက များတယ်၊ အဲ့ဒီနေရာမှာ(အင်ဒိုနီးရှားစုမာတြားကျွန်းပတ်ဝန်းကျင်)တော့ တစ်ခုခုဖြစ်နိုင်မယ်လို့ ထင်တယ်၊ အထင်ဘဲပေါ့ဗျာ။ ကျန်တာတော့ ဘာမှ ပြောလို့မှ မရတာ”
“ ဘာကိုမှ တိတိကျကျမပြောနိုင်တဲ့ သဘာဝဘေးအန္တရာယ်မျိုးဖြစ်လို့ သတိရှိကြပါဆိုတာပဲ ပြောနိုင်ပါတယ်ဗျာ”
ငလျင်အပါအဝင် သဘာဝဘေးအန္တရာယ်တွေနဲ့ပတ်သက်လို့ စိုးရိမ်စိတ်မလွန်ကဲကြဖို့အကြောင်း ဦးဝင်းနိုင်ရဲ့ သုံးသပ်ချက်ကိုတော့ အောက်ကလင့်မှာ ဝင်ရောက်ဖတ်ရှုနိုင်ပါတယ်။
https://bit.ly/3alUjKU
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}