လူမျိုးကြီးဝါဒနဲ့ လူမျိုးရေးခွဲခြားဖိနှိပ်မှုကို အရေးတကြီးတိုက်ဖျက်စို့

၁၉၆၀ ခုနှစ် ဒီနေ့လို မတ် ၂၁ ရက်နေ့မှာ တောင်အာဖရိကနိုင်ငံမှာ ကြေကွဲစရာအဖြစ်အပျက်တစ်ခု ဖြစ်ပေါ်ခဲ့ပါတယ်။

လူနည်းစုတွေနဲ့ လူမျိုးခြားတွေ၊ လူမည်းတွေကို ခွဲခြားဖိနှိပ်ထားတဲ့ Apartheid ဆိုတဲ့ ဥပဒေတစ်ခုကို ဆန့်ကျင်တဲ့ တောင်အာဖရိကနိုင်ငံ ရှပ်ဗီးလ်မြို့က ငြိမ်းချမ်းစွာဆန္ဒပြပွဲတစ်ခုကို ရဲတွေက ပစ်ခတ်နှိမ်နင်းခဲ့လို့ပါ။ ဒီနှိမ်နင်းမှုကြောင့် လူပေါင်း ၆၉ ဦးသေဆုံးခဲ့ပြီး ၁၈၀ ဦး ဒဏ်ရာရခဲ့ကြပါတယ်။

အဲ့ဒီနောက် ၁၉၆၆ ခုနှစ်မှာတော့ ကုလသမဂ္ဂအထွေထွေညီလာခံကနေ နိုင်ငံတကာအဖွဲ့အစည်းတွေအနေနဲ့ လူမျိုးရေးခွဲခြားမှုတိုက်ဖျက်ရေးတွေကို တိုးမြှင့်လုပ်ဆောင်ကြဖို့ တိုက်တွန်းခဲ့ကာ ရှပ်ဗီးလ်အစုလိုက် အပြုံလိုက် သတ်ဖြတ်ခံရတဲ့ မတ်လ ၂၁ ရက်နေ့ကိုလည်း အပြည်ပြည်ဆိုင်ရာလူမျိုးရေးခွဲခြားမှုတိုက်ဖျက်ရေးနေ့အဖြစ်သတ်မှတ်ခဲ့ပါတယ်။

တောင်အာဖရိကမှာတော့ နှစ်စဉ် မတ်လ ၂၁ ရက်နေ့ကို ဒီမိုကရေစီနဲ့လူ့အခွင့်အရေးတရားမျှတမှုအတွက် တိုက်ပွဲဝင်ကျဆုံးခဲ့သူတွေရဲ့အမှတ်တရနေ့အဖြစ်သတ်မှတ်ပြီး အများပြည်သူရုံးပိတ်ရက်အဖြစ် သတ်မှတ်ထားပါတယ်။

ယခုနှစ် ‘အပြည်ပြည်ဆိုင်ရာလူမျိုးရေးခွဲခြားမှုတိုက်ဖျက်ရေးနေ့’ အာဘော်အဖြစ်တော့ ‘လူမျိုးကြီးဝါဒနဲ့ လူမျိုးရေးခွဲခြားဖိနှိပ်မှုကို အရေးတကြီးတိုက်ဖျက်စို့’ လို့ သတ်မှတ်ထားပါတယ်။

အစိမ်းရောင်လမ်းရဲ့ မိတ်ဆွေတွေဖြစ်တဲ့ စိုက်ပျိုးမွေးမြူရေးနယ်ပယ်က တောင်သူဦးကြီးဒေါ်ကြီးများနဲ့ သက်ဆိုင်သူများအပါအဝင် ပြည်သူပြည်သားအပေါင်းလည်း လူမျိုးရေးခွဲခြားမှု၊ အသားအရောင်ခွဲခြားမှုတွေကို ဆန့်ကျင်ပြီး တရားမျှတမှုကို ချစ်မြတ်နိုးသူများဖြစ်ကြပါစေလို့ ဆုတောင်းလိုက်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။