လေဖိအားနည်းရပ်ဝန်းများ အရှိန်ကြောင့် နောက် ၅ ရက်အတွင်းထိ မိုးများနိုင်မည့်ဒေသများ

အနည်းဆုံး အားကောင်းတဲ့လေဖိအားနည်းရပ်ဝန်းအဆင့်အထိ ရောက်ရှိလာနိုင်မယ့် NVEST-90B တစ်ခု ဘင်္ဂလားပင်လယ်အော် အရှေ့အလယ်ပိုင်းမှာ ဒီနေ့ စတင်ဖြစ်ပေါ်လာမှု၊ တောင်တရုတ်ပင်လယ်က ဖြတ်လာတဲ့ လေဖိအားနည်းရပ် ဝန်းကြောင့်ဖြစ်လာတဲ့ လေစီးကြောင်းတွေ မြန်မာနိုင်ငံတွင်းကို ဖြတ်ဝင်လာမှုတို့ကြောင့် ဒီနေ့ကစလို့ နောက် ၅ ရက်အတွင်း မြန်မာတစ်နိုင်ငံလုံးနီးပါး မိုးများ မှုတွေ ရှိနေမှာဖြစ်တယ်လို့ နိုင်ငံတကာ မိုးလေဝသအခြေအနေများကို စောင့်ကြည့်ခန့်မှန်းသူ ဦးဝင်းနိုင်က ပြောပါတယ်။

ဒီလိုမိုးများနိုင်တဲ့အခြေအနေတွေနဲ့ပတ်သက်လို့ မနက်ဖြန်မနက်ထိ အခြေအနေ၊ ၃ ရက်အတွင်းအခြေအနေ၊ နောက် ၅ ရက်အတွင်း အခြေအနေတွေနဲ့ပတ်သက်လို့ ဦးဝင်းနိုင်ကို Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

လက်ရှိနှင့်မနက်ဖြန်မနက်ထိ မိုးများနိုင်သည့်ဒေသများ

" အလယ်ပိုင်းထဲက စစ်ကိုင်းတိုင်း၊ မန္တလေးတိုင်း၊ ကချင်ပြည်နယ်မြောက်ပိုင်း၊ ပဲခူးတိုင်းတစ်ခုလုံး၊ ဧရာဝတီတိုင်းတစ်ခုလုံး၊ ရန်ကုန်တိုင်း၊ မွန်ပြည်နယ်၊ တနင်္သာရီတိုင်း၊ နောက်ပြီးတော့ ရခိုင်ပြည်နယ် မြောက်ပိုင်း အဲ့ဒီနေရာတွေမှာ မိုးရွာမယ်။ ကျန်တာက ဘယ်နေရာတွေဖြစ်မလဲဆိုတော့ ရခိုင်ပြည်နယ်တောင်ပိုင်း တစ်ခုလုံးနဲ့ ရှမ်းပြည်နယ်တစ်ခုလုံးကျန်မယ်။ သူတို့ကတော့ မရွာဘူးတော့မဟုတ်ဘူး။ မိုးနည်းမှာ"

နောက် ၃ ရက်အတွင်း မိုးများနေမည့်ဒေသများ

" နောက် ၃ ရက်အတွင်းဆိုရင် ရှမ်းပြည်နယ်မြောက်ပိုင်းနဲ့ ကချင်ပြည်နယ် မြစ်ကြီးနားဝန်းကျင်၊ နောက်ပြီးတော့ ချင်းပြည်နယ် ကလေးမြို့အနောက်ဘက် ချင်းတောင်တန်းတွေဘက်။ ဒီလောက်ပဲ မိုးနည်းနေမှာ။ ကျန်တဲ့နေရာတွေ အကုန်လုံး မိုးများမှာပဲ။ တစ်နိုင်ငံလုံး မိုးများလာပြီလို့တောင် ပြောလို့ရတယ်"

နောက် ၅ ရက်အတွင်း မိုးများနေမည့်ဒေသများ

" နောက် ၅ ရက်အတွင်းဆိုရင်လည်း တစ်ပြည်လုံးလို့ ပြောရမှာပဲ။ အဲ့ဒီထဲမှာမှ မိုးများမယ့် အနေအထားက အလယ်ပိုင်း။ အဲ့မှာတော့ မိုးများမယ်၊ မိုးသည်းထန်မယ်။ ပြီးတော့ ဧရာဝတီကမ်းရိုးတန်းတစ်လျှောက်၊ ပဲခူးတိုင်း စစ်တောင်းမြစ်ဝှမ်းတစ်လျှောက်၊ နောက်ပြီးတော့ ကရင်ပြည်နယ်၊ မွန်ပြည်နယ် ဒါတွေမှာ မိုးများမယ်"

ဘယ်လိုအရှိန်သက်ရောက်မှုတွေကြောင့် မိုးရွာသွန်းမှုတွေဖြစ်မှာလဲ

" အခုလောလောဆယ်(ယနေ့ မွန်းလွဲ ၃ နာရီခန့်အခြေအနေ) မှာ ကမ္ဘောဒီးယားနဲ့ ထိုင်းနယ်စပ်မှာ ဗီယက်နမ်ဘက်က ဝင်လာတဲ့ လေဖိအားနည်းရပ်ဝန်းက မြေပြင်အနေအထားတွေကြောင့် ပျက်ချင်သလို ဖြစ်နေပြီ။ ဒါပေမဲ့ သူ့ရဲ့အရှိန်နဲ့ လေစီးကြောင်းက ထိုင်းနိုင်ငံကနေဖြတ်ပြီး မြန်မာပြည်တောင်ပိုင်းကနေဖြတ်ပြီး ဘင်္ဂလားပင်လယ်အော်မှာဖြစ်နေတဲ့ INVEST 90 B နဲ့ သွားပေါင်းနေတာ။ အဲ့ဒီမှာ INVEST 90 B ရဲ့ အောက်ဘက် က လေစီးကြောင်းက မြန်မာပြည်တောင်ဘက်ကနေ ဖြတ်ပြီး တောင်တရုတ်ပင်လယ်ဘက်ကို သွားပေါင်းတယ်။ ဆိုတော့ အရှေ့နဲ့ အနောက်နဲ့ လေစီးကြောင်းနှစ်ခုက ပေါင်းပြီးတော့ မြန်မာပြည်ကိုဖြတ်နေတာ"

" ထုံးစံအတိုင်းပဲ Cyclonic Air Circulation တစ်ခုဖြစ်ပြီဆိုရင် သူ့ရဲ့တောင်ဘက်မှာရှိတဲ့ဟာရယ်၊ နောက်ပြီးတော့ သူ့ရဲ့ ညာဘက်မှာရှိတဲ့နေရာတွေရယ်မှာက အားများတယ်။ အဲ့ဒီလို အားများတဲ့ဘက်ကို တိမ်တွေရော၊ လေစီးကြောင်းရောက အားများမှာ။ ဒါကို ဆက်ပြီးစောင့်ကြည့်ရမှာ။ သူက ပြောင်းသွားနိုင်တယ်။ သူက လုံးဝအားပျော့ပြီး ကုန်းတွင်းဝင်ပြီး ပျောက်သွားမလား။ ဒါမှမဟုတ် အားပိုကောင်းပြီး မုန်တိုင်းငယ်၊ မုန်တိုင်းအဆင့်ရောက်မလားဆိုတာ စောင့်ကြည့်ရမှာ။ မုန်တိုင်းအဆင့်ရောက်ပြီဆိုရင် ကျွန်တော်တို့က သူ့ရဲ့ ညာဘက်ခြမ်းမှာရှိတဲ့အတွက် သူ့ရဲ့အရှိန်သက်ရောက်မှုကို ပိုခံရမှာ"

( စက်တင်ဘာ ၁၀ ရက်ကနေ ၁၄ ရက်အထိက ဒီရေတက်ရက်တွေဖြစ်တဲ့အတွက် မိုးပိုများလာနိုင်ပြီး မြစ်ရေကြီးမှုတွေလည်း သတိထားသင့်ကြောင်းနဲ့ မုန်တိုင်းအဆင့်ထိ ရောက်သွားမယ်ဆိုရင် အဲ့ဒီနောက်ပိုင်းထိ တစ်နိုင်ငံလုံးမှာ မိုးတွေ ဆက်များနေနိုင်တယ်လို့ ဦးဝင်းနိုင်က ပြောပါတယ်)

( ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

✅ (မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...