ရွှံ့ထဲဗွက်ထဲမှာ ကခုန်ပျော်ပါးရင်းဆင်နွှဲကြတဲ့ နီပေါလူမျိုးတွေရဲ့ စပါးစိုက်ပွဲတော်

နီပေါနိုင်ငံမှာက နှစ်စဉ်မုတ်သုံရာသီအစတိုင်းမှာ စပါးစိုက်ပွဲဆိုပြီး ရွှံထဲဗွက်ထဲမှာ ပျော်ရွှင်စွာ ဆော့ကစားကြရင်း စပါးစိုက်ပွဲ ဆင်နွှဲကြတာပါ။ အခုနှစ်အတွက် စပါးစိုက်ပွဲတော်ကိုတော့ ဇွန်လ ၃၀ ရက်မှာ ကျင်းပပြုလုပ်ခဲ့ပါတယ်။

နီပေါနိုင်ငံတစ်ဝန်းက ထောင်ပေါင်းများစွာသော အမျိုးသား၊ အမျိုးသမီးတွေဟာ ဒီပွဲတော်မှာ တစ်ဦးနဲ့တစ်ဦး လယ်ကွင်းထဲကရွှံ့တွေဗွက်တွေထဲတွန်းလှဲ၊ ရွှံ့တွေနဲ့ ပစ်ပေါက်ကစားကြရင်း စပါးစိုက် ပျိုးမှုကို စတင်လုပ်ကိုင်ကြပါတယ်။ လယ်သမားတွေနဲ့ သူတို့ရဲ့မိသားစုဝင်တွေဟာ ရိုးရာသီချင်းတွေ သီဆိုကြရင်း၊  ကခုန်ကစားကြရင်းနဲ့ စပါးပျိုးပင်တွေကို စိုက်ကြတာဖြစ်ပါတယ်။

ဒီပွဲတော်နေ့ကို နီပေါလူမျိုးတွေက ‘ဒဟီချီအူရာ’ လို့လည်း ခေါ်ကြပါတယ်။ ဒဟီ ဆိုတာက ဒိန်ချဉ် ဖြစ်ပြီး ချီအူရာ ဆိုတာက မုန့်ဆမ်းပါ။ ဘာလို့လဲဆိုတော့ ဒီပွဲတော်အတွင်းမှာ အဓိကစားသုံး ဆင်နွှဲကြတာက မုန့်ဆမ်းနဲ့ ဒိန်ချဉ်ဖြစ်လို့ပါတဲ့။

လယ်ကွင်းထဲကိုမဆင်းဘဲ အိမ်မှာပဲနေသူတွေကလည်း ဒီလိုနေ့မျိုးမှာ ဆန်ပေါက်ပေါက်နဲ့ ဒိန်ချဉ်တွေ၊ သရက်သီးတွေ၊ ငှက်ပျောသီးတွေ တွဲဖက်စားသုံးရင်း ပွဲတော်ကို ပါဝင်ဆင်နွှဲကြပါတယ်။

နီပေါနိုင်ငံမှာ ဆန်စပါးဟာ အဓိကနှံစားသီးနှံဖြစ်ပြီး နှစ်စဉ် ဇွန်လကုန် ဇူလိုင်လဆန်းပိုင်းမှာ စတင်စိုက် ပျိုးကြလေ့ရှိကာ နောက်ထပ် ၄ လခန့်အကြာမှာတော့ ရိတ်သိမ်းကြတာဖြစ်ပါတယ်။ နိုင်ငံရဲ့ စိုက်နိုင်ပျိုးနိုင်တဲ့ မြေဧရိယာစုစုပေါင်းရဲ့ ၄၇ ရာခိုင်နှုန်းက စပါးစိုက်ပျိုးတာပါ။ ဒါပေမဲ့ သန်းပေါင်း များစွာသော ပြည်သူတွေအတွက် ပြည်တွင်းစားသုံးမှု လုံလောက်ခြင်းတော့မရှိလို့ အိမ်နီးချင်းနိုင်ငံ တွေကနေ ဝယ်ယူစားသုံးရပါတယ်။ အထူးသဖြင့် အိန္ဒိယနိုင်ငံကနေ ဝယ်ယူစားသုံးရတာဖြစ်ပါတယ်။ 

နီပေါနိုင်ငံအစိုးရကတော့ ရောဂါဒဏ်ခံနိုင်တဲ့ စပါးမျိုးသစ်တွေထုတ်လုပ်ခြင်း၊ ရေသွင်းစိုက်ပျိုးနိုင်ရေး ပိုမိုထောက်ပံ့နိုင်ခြင်းတို့နဲ့ ပြည်တွင်းစားသုံးမှုလုံလောက်အောင် စိုက်ပျိုးနိုင်ဖို့ ကြိုးစားနေပါတယ်။ 

ဒါ့အပြင် စပါးစိုက်ပျိုးခြင်းကို အားပေးတဲ့အနေနဲ့ စပါးစိုက်ပွဲတော်နေ့ကို အများပြည်သူရုံးပိတ်ရက် အဖြစ်လည်း သတ်မှတ်ပေးထားပါသေးတယ်။

Ref: https://www.aljazeera.com/gallery/2023/7/3/feasts-and-festivities-as-nepal-celebrates-rice-planting-festival

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်