ချိုချဉ်အရသာလေးနဲ့ ချဉ်စော်ကားသီး အသားခြောက်လုပ်စားရအောင်..

ချဉ်စော်ကားသီးက မြန်မာပြည်မှာ ကချင်ပြည်နယ်ကထွက်တဲ့ အချဉ်သီးတစ်မျိုးဖြစ်ပါတယ်။ ချဉ်တဲ့အရသာရှိပြီး အသီးပုံကလုံးဝိုင်းကာ တချို့အသီးတွေကတော့ သစ်တော်သီးပုံစံရှိကြပါတယ်။ မူရင်းဒေသက အီရန်၊ တူရကီနဲ့ ဂရိလို့ ဆိုကြပါတယ်။

ကချင်ပြည်နယ်ဘက်မှာ ပေါပေါများများထွက်တဲ့ချဉ်စော်ကားသီးကို ဝိုင်လုပ်တာတော့ လူတိုင်းလိုလို သိကြမယ်ထင်ပါတယ်။ အသီးလှိုင်လှိုင်ထွက်တဲ့ အောက်တိုဘာနဲ့နို၀င်ဘာမှာ ပေါများနေတဲ့အသီးတွေကို ဝိုင်နဲ့ယိုအပြင် ချဉ်စော်ကားသီးအသားခြောက်ပြုလုပ်ပုံလေးကို ဝေမျှပေးသွားပါ့မယ်။

အသားခြောက်လုပ်ပုံအဆင့်ဆင့်

• ပထမဦးစွာ အပင်ကခူးလာတဲ့ အသီးတွေကို အခွံခွာပါ။ အသီးအနေအထားသည် မပျော့လွန်း မမာလွန်းဘဲ အခွံက ရွှေရောင်သန်းချိန်ကို အသုံးပြုရပါမယ်။
• ခွာထားသောအသီးများကို အလယ်အူတိုင်နှင့်အစေ့များဖယ်ပစ်ကာ တစ်လက်မအရွယ်ခန့် အစိတ်များလှီးရပါမည်။
• ထို့နောက် သံပယိုရည်အနည်းငယ် ဆားအနည်းငယ်နှင့် သကြားအနည်းငယ်ထည့်ကာ ဖျော်ထားသောရေဇလုံတွင် အနည်းဆုံးရှစ်နာရီစိမ်ပေးရပါမည်။
• သံပယိုရည်ထည့်ခြင်းသည် အသီးများ‌ခြောက်သောအခါ အရောင်မညိုသွားစေရန်ဖြစ်ပြီးဆားနှင့်သကြားကိုမူ အရသာအတွက် ထည့်ရပါသည်။
• အချိုကြိုက်ပါက သကြားပိုထည့်နိုင်ပြီး အသီးသဘာ၀အရသာ မပျောက်လိုပါက သကြားလျှော့ထည့်နိုင်ပါသည်။
• သံပယိုရည်ကို အသီးပမာဏပေါ်မူတည်ပြီး ချိန်ဆထည့်ရပါမည်။ ဖျော်ရည်တစ်လီတာတွင် သံပယိုရည်စတီးဇွန်းနှစ်ဇွန်းခန့်နှုန်းဖြင့် ထည့်နိုင်ပါသည်။
• သံပယိုရည်အစား Sodawater (ဆိုဒါရည်)ကိုလည်း ထည့်နိုင်ပါသည်။ မြန်မာနိုင်ငံတွင်မူ Sodawater ကို ready-made drink (အသင့်သုံးသောက်စရာ) အနေဖြင့် Pop Soda ဟူသောအမည်အဖြစ် ၀ယ်ယူနိုင်ပါသည်။
• ရှစ်နာရီစိမ်ပြီးနောက် အသီးဖတ်များကို ဇကာတွင်ရေစစ်ကာ နေပူလှန်းနိုင်ပါသည်။
• နေလှန်းရာတွင် စီးပွားဖြစ်ရောင်းချမည်ဆိုပါက နေရောင်ခြည်သုံးအခြောက်ခံရုံ(solar dome) ထဲတွင် ဆန်ကာများနှင့်စီထည့်ကာ အစိုဓာတ်ငါးဆယ်ရာခိုင်နှုန်းခန့်ချန်ကာ မစိုမခြောက် ခပ်တင်းတင်းအနေထားတွင် ပြန်ထုတ်ယူရပါမည်။ သို့မဟုတ် အခြောက်ခံစက် dehydrator တွင်ထည့်ကာ အခြောက်ခံနိုင်ပါသည်။
• စားကြည့်သောအခါအသီး၏အသားမှာမာကြွပ်နေခြင်းမျိုးမဟုတ်ဘဲတင်းတင်းအိအိနှင့်ချိုချိုချဥ်ချဉ်အရသာပေးစွမ်းပါသည်။အသီးခြောက်များကိုရောင်းချမည်ဆိုလျှင်လည်းလေလုံအိတ်များကိုလေစုပ်ထုတ်ကာ လှပစွာထုပ်ပိုး၍ရောင်းချနိုင်ပါသည်။

ချဉ်စော်ကားသီး၏ ကျန်းမာရေးအကျိုးကျေးဇူးများ

ချဉ်စော်ကားသီးစားသုံးခြင်းဖြင့်...

• အမျှင်များစွာပါသောကြောင့် ဝိတ်ကျစေခြင်း၊
• antioxidant များ ပါခြင်းကြောင့် အရွယ်တင်စေခြင်း၊
• အူလမ်‌းကြောင်းရောင်ရမ်းမှုကို သက်သာစေခြင်း၊
• အစာအိမ်ပြည်တည်နာကို သက်သာစေခြင်းများအပြင် ကိုယ်၀န်‌ဆောင်များတွင်ဖြစ်တတ်သောအော့အန်ခြင်းကိုသက်သာစေခြင်း

စတဲ့ကျန်းမာရေးအကျိုးကျေးဇူးများ ရရှိနိုင်ပါတယ်။

အဲ့ဒီလိုမျိုး ကျန်းမာရေးအကျိုးများလှတဲ့ ချဉ်စော်ကားသီးတွေကို အခုလိုချိုချဉ်အရသာ အသားခြောက်ပြုလုပ်ပြီး တန်ဖိုးမြင့်စားသောက်ကုန်အဖြစ် ထုတ်လုပ်အသုံးချနိုင်ဖို့ရည်ရွယ်ပြီး ဒီဆောင်းပါးလေးကို ရေးသားလိုက်တာဖြစ်ပါတယ်နော်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

မှာယူရန် နှိပ်ပါ