ကျိုက္ခမီကျောက်ပွင့်

မွန်ပြည်နယ်၊ သံဖြူဇရပ်မြို့နယ်ရှိ ကျိုက္ခမီပင်လယ်ကမ်းခြေဒေသထွက် ကျောက်ပွင့်(ခေါ်)ပင်လယ်ရေမှော်ဟာ လူကြိုက်များသလို ဆေးဖက်လည်းဝင်လို့ အခုလို ပွင့်လင်းရာသီမျိုးဆိုရင် အထူးရောင်းအားကောင်းတဲ့ ဒေသထွက်ကုန်တစ်မျိုးဖြစ်ပါတယ်။ မွန်တိုင်းရင်းသားများ အထူးကြိုက်နှစ်သက်ကြပါတယ်။

ပင်လယ်ရေမှော်(Seaweed) တစ်မျိုးဖြစ်တဲ့ ပင်လယ်ကျောက်ပွင့်ကို မွန်ပြည်နယ်၊ ကျိုက္ခမီကမ်းခြေရှိ ကျောက်တုံး၊ ကျောက်ဆောင်ကြားမှာ တွေ့ရများပါတယ်။

ဒီရေမှော်ဟာ Catenella မျိုးစိတ်ဖြစ်ပြီး Rhodophyta အုပ်စုဝင် Red Algae တစ်မျိုးဖြစ်တယ်လို့ သိရပါတယ်။ အမျှင်ကလေးတွေသွယ်တန်းနေတဲ့ပုံစံမျိုးရှိကာ နီညိုရောင်သန်းပြီး အခြောက်လှန်းလိုက်ရင်တော့ အညိုရောင်ပုံစံမျိုး ရှိကြပါတယ်။

ကျိုက္ခမီပင်လယ်ကမ်းခြေရှိ ကျောက်တုံး၊ ကျောက်ဆောင်ကြားတွေကနေ ကျောက်ပွင့်အမျှင်လေးတွေကို ခြစ်ယူပြီး နေလှန်းရပါတယ်။ ခြောက်သွေ့သွားရင်တော့ ပလတ် စတစ်အိတ်အကြည်နဲ့ အထုပ်လေးတွေထုပ်ပြီး ဒေသထွက်ကုန်အဖြစ် ရောင်းချကြတာဖြစ်ပါတယ်။

လက်ရှိအချိန်မှာ ကျိုက္ခမီပင်လယ်ကမ်းခြေဒေသထွက် ကျောက်ပွင့်အခြောက် ၁ ပိဿာကို (၃၅၀၀၀-၃၇၀၀၀) ကျပ်ထိ စျေးနှုန်းရှိပြီး အထုပ်ငယ်လေးတွေအနေဖြင့်တော့ တစ်ဆယ်ကျပ်သားကို(၄၀၀၀-၅၀၀၀)ကျပ်၊ ၅ ကျပ်သားကို (၂၀၀၀-၂၅ဝဝ)ကျပ် စျေးနှုန်းတွေနဲ့ ရောင်းချနေကြတယ်လို့ သိရပါတယ်။

" အခုက ပွင့်လင်းရာသီဆိုတော့ ဘုရားဖူးဧည့်သည်တွေ လာကြလို့ ကျောက်ပွင့်ရောင်းအား ကောင်းနေပါတယ်။ အရင်နှစ်တွေကတော့ကျောက်ပွင့်ခြောက်တစ်ပိဿာ (၂၀၀၀၀-၂၅၀၀၀) ဝန်းကျင်ပဲ ရှိပါတယ်။ ဒီနှစ်မှာတော့ ကုန်စျေးနှုန်းတွေမြင့်လာတာရော၊ ကျောက်ပွင့်နုတ်သူတွေကို နေ့တွက်ခပိုပေးရတာကြောင့်ရောဆိုတော့ တစ်ပိဿာကို ကျပ် ၃၀၀၀၀ ကျော်ထိစျေးတက်သွားတာပါ”လို့ ကျိုက္ခမီရေလယ်ဘုရားရှိ စျေးဆိုင်ခန်းတွေမှာ ကျောကျောက်ပွင့်ခြောက်ရောင်းချနေသူ ဒေသခံတစ်ဦးက ပြောပါတယ်။

၅ ကျပ်သား အထုပ်ကို သူ့ချည်းသက်သက်သုပ်စားမယ်ဆိုရင်တောင် လူ ၄၊ ၅ ယောက်စာ ၂ ခါ၊ ၃ ခါလောက် စားလို့ရပါတယ်။ ကျောက်ပွင့်ခြောက်ကို နည်းနည်းလေးရေစိမ်လိုက်ရုံနဲ့ ၄၊ ၅ ဆလောက် အများကြီးပွားတတ်တာကြောင့်ပါ။

ပင်လယ်ကျောက်ပွင့်ကို စားသုံးရာမှာ အသုပ်တွေထဲ အမည်တစ်မျိုးအနေနဲ့ထည့်စားလေ့ရှိကြတာဖြစ်ပါတယ်။ နာမည်ကြီးတဲ့ ကျိုက္ခမီကျောက်ပွင့်သုပ်က တော့ ပဲကြာဆံတို့၊ အာလူးတို့ မထည့်ဘဲ ကျောက်ပွင့်အရသာပေါ်အောင် သူ့ချည်းသက်သက်သုပ်စားကြတာ ဖြစ်ပါတယ်။

ပင်လယ်ကျောက်ပွင့်ခြောက်ကို ပွလာအောင် ရေစိမ်ထားပြီးမှ ဆီချက်၊ ကြက်သွန်ဖြူ/နီ ၊ ပုစွန်ခြောက်၊ ပဲမှုန့်၊ မရမ်းပြား(သို့)သံပုရာသီး ၊ငရုတ်သီးစိမ်း၊ ငံပြာရည်တို့ဖြင့် ချဉ်ငန်စပ် သုပ်စားကြတာ ဖြစ်ပါတယ်။

ဒီ Catenella မျိုးစိတ်ပင်လယ်ကျောက်ပွင့်တွေက အိုင်အိုဒင်းဓာတ်ကြွယ်ဝတာကြောင့် လည်ပင်းကြီးရောဂါရှိသူများအတွက် အထူးသင့်တော်တယ်လို့ ဆိုပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ