ယခုနှစ်တွင် အနောက်တောင်မုတ်သုံလေ ပုံမှန်အတိုင်း မေ ၂၀ နောက်ပိုင်းမှ ဝင်မည်

27/04/2022 10:08 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ယခုနှစ်မှာ မိုးတွေသယ်ဆောင်လာမယ့် အနောက်တောင်မုတ်သုံလေဟာ မြန်မာနိုင်ငံသို့ ပုံမှန်အချိန်အတိုင်းသာ ဝင်ရောက်မယ်လို့ အိန္ဒိယပုဂ္ဂလိကမိုးလေဝသခန့်မှန်းအေဂျင်စီတစ်ခုဖြစ်တဲ့ Skymet ရဲ့ထုတ်ပြန်ချက်ကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ပြောပါတယ်။

ပုံစာ - ပြီးခဲ့သည့်နှစ်က အနောက်တောင်မုတ်သုံလေ ဝင်ရောက်ခဲ့သည့်အခြေအနေ

“ ပုံမှန်က မေလ နောက်ဆုံးပတ်ပေါ့နော်။ ရက် ၂၀ ကျော်ပြီးမှပဲ ဝင်တတ်တယ်။ ဆိုတော့ အဲ့ဒီအချိန်ကိုတော့ တစ်ချက်စောင့်ကြည့်ရမယ်” လို့ ဦးဝင်းနိုင်က Green Way ကို ပြောပါတယ်။

အနောက်တောင်မုတ်သုံလေဝင်ရောက်ပြီးနောက်ပိုင်း မိုးဆက်မဆက်ဆိုတာကတော့ မုတ်သုံလေအားကောင်း၊ မကောင်းပေါ်မှာသာမူတည်တယ်လို့ သိရပါတယ်။

“ မုတ်သုံဝင်လာမယ်ဆိုရင်တော့ ဘင်္ဂလားပင်လယ်အော်မှာဖြစ်လာနိုင်မယ့် မုန်တိုင်းတို့၊ လေဖိအားနည်းရပ်ဝန်းတို့ ဒီဟာတွေအခြေအနေပေါ်မူတည်ပြီး မိုးဆက်သွားနိုင်တာလည်းရှိတယ်။ မုတ်သုံလေအားကောင်းရင် မိုးကောင်းကောင်းရွာနိုင်မယ်။ မုတ်သုံလေအားလျော့နေရင် ဒါ မိုးမရွာဘူးပေါ့။ ဒါကတော့ ပုံမှန်ပါပဲ” လို့ ဦးဝင်းနိုင်က ရှင်းပြပါတယ်။

မုတ်သုံဝင်တယ်ဆိုတာ တောင်ကမ္ဘာခြမ်းက လေဖိအားနည်းရပ်ဝန်းကြီးတွေက စီးလာတဲ့ လေစီးကြောင်းက သီရိလင်္ကာတို့၊ ဘင်္ဂလားပင်လယ်အော်တို့ကိုဖြတ်ပြီးတော့ အိန္ဒိယနိုင်ငံမြောက်ပိုင်းကို ဖြတ်ပြီးဝင်တာ ဖြစ်တယ်လို့ သိရပါတယ်။ အဲ့ဒီလေစီးကြောင်းဝင်တဲ့အချိန်မှာ တိမ်တွေပါလာကာ မြန်မာနိုင်ငံဘက်ကို ရောက်လာတာ ဖြစ်ပြီး မြန်မာနိုင်ငံက အမြဲတမ်းအားဖြင့် လေစီးကြောင်းရဲ့ညာဘက်ခြမ်းမှာပဲရှိနေတာဖြစ်လို့ မုတ်သုံဝင်ပြီဆိုရင် မိုးရတာဖြစ်တယ်လို့ သိရပါတယ်။

ပြီးခဲ့တဲ့ ၂၀၂၁ ခုနှစ်တုန်းကတော့ အနောက်တောင် မုတ်သုံလေဟာ မေလ ၂၁ ရက်မှာ မြန်မာနိုင်ငံတောင်ပိုင်းက စတင်ဝင်ရောက်ခဲ့ပြီး တစ်နိုင်ငံလုံးကို  ဇွန်လ ၆ ရက်နေ့မှာ ဝင်ရောက်ခဲ့တယ်လို့ သိရပါတယ်။ ဒါဟာ ပုံမှန်မုတ်သုံဝင်ရောက်ချိန်ကာလအတွင်းမှာဘဲ ဝင်ရောက်ခဲ့တာဖြစ်ကြောင်း သိရပါတယ်လို့ ဦးဝင်းနိုင်က သူ့ရဲ့ဖေ့စ်ဘုတ်မှာ ရေးသားဖော်ပြထားပါတယ်။

အနောက်တောင်မုတ်သုံလေ ပြန်လည်ထွက်ခွာချိန်ကတော့ ပုံမှန်အားဖြင့် အောက်တိုဘာလ ၁၅ ရက်နေ့မှာ ဆုတ်ခွာရမှာဖြစ်ပေမဲ့ ပြီးခဲ့တဲ့မိုးရာသီကတော့ အောက်တိုဘာလ ၂၃-၂၄ ရက်နေ့တွေမှ အပြီး ဆုတ်ခွာသွားခဲ့တယ်လို့ အိန္ဒိယမိုးလေဝသဌာနမှတ်တမ်းတွေရဲ့ အဆိုအရ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်