လေဖိအားနည်းရပ်ဝန်းများကြောင့် ယခုလကုန်ပိုင်းမှစပြီး မုတ်သုံနှင့်မိုး အားပြန်ကောင်းမည်

အိန္ဒိယသမုဒ္ဒရာမှာ ဖြစ်လာမယ့် လေဖိအားနည်းရပ်ဝန်းတွေကြောင့် အခုလကုန်ပိုင်းကစပြီး မုတ်သုံအားကောင်းလာမှုနဲ့အတူ မြန်မာပြည် တောင်ခြမ်းနဲ့ မြောက်ခြမ်းမှာ မိုးတွေပြန်များလာမယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။

' ECMWF model ကြိုတင်ခန့်မှန်းချက်တွေအရ အိန္ဒိယသမုဒ္ဒရာရဲ့ တောင်ဘက်ခြမ်းနဲ့ မြောက်ဘက်ခြမ်း(ဘင်္ဂလားပင်လယ်အော်တောင်ပိုင်း)မှာ ဒီနေ့ည ပိုင်းက စ ပြီး လေဖိအားနည်းရပ်ဝန်းတွေဖြစ်လာနိုင်ကြောင်းတွေ့ရပြီး မြောက်ဘက်ခြမ်းက လေဖိအားနည်းရပ်ဝန်းက ဇူလိုင် ၃၁ ရက်အထိ ဆက်လက်တည်ရှိနိုင်ကာ မုတ်သုံလေဦး စ ဝင်ချိန်တွေကလို မြန်မာနိုင်ငံတောင်ဘက်ခြမ်းတွေက စ ပြီးတော့ မုတ်သုံလေအား ပြန်ကောင်းလာနိုင်မယ့် အခြေအနေကိုတွေ့ရ’ တယ်လို့ ဦးဝင်းနိုင်က သူ့ရဲ့ဖေ့စ်ဘုတ်အကောင့်ကနေ ကြိုတင်ခန့်မှန်း ပြောကြားထားပါတယ်။

“ ၃၁ ရက်နဲ့  ဩဂုတ် ၁ ရက်လောက်မှာ တောင်ပိုင်း တနင်္သာရီဘက်ကိုစမယ်။ ပြီးတော့မှ ၂ ရက်၊ ၃ ရက်၊ ၄ ရက် ဝန်းကျင်လောက်မှာ ဧရာဝတီမြစ်ဝကျွန်းပေါ် ဒေသဘက် ဆက်ပြီးတော့ဝင်သွားလိမ့်မယ်။ မိုးပါတွဲလာမယ်” လို့ ဦးဝင်းနိုင်က Green Way ကို ပြောပါတယ်။

မြန်မာနိုင်ငံအလယ်ပိုင်းမိုးနည်းဒေသတွေမှာတော့ အရှေ့ဘက်က ဝင်ရောက်လာတဲ့ လေပွေလှိုင်းများနဲ့အတူ ပါလာမဲ့ မိုးတိမ်တိုက်တွေကြောင့် ဩဂုတ် ၂ ရက်၊ ၃ ရက် နောက်ပိုင်းမှာ နေ့အပူချိန်တွေ လျော့ကျသွားနိုင်ပေမဲ့ မိုးကတော့ အပူလျော့တဲ့ အချိန်တွေလောက်မှာသာ ကွက်ကျားရွာနိုင်တာမျိုးရှိနိုင်တယ်လို့ ဦးဝင်းနိုင်က ပြောပါတယ်။

“ အလယ်ပိုင်းဒေသတွေမှာကျတော့ နေ့အပူချိန်တွေက တချို့နေရာတွေမှာ ၃၈ လောက်ထိကို ဖြစ်နေတယ်။ အဲ့တော့ နေ့အပူချိန်ပြင်းနေ တဲ့အတွက် လေပြင်းကတော့ ဝင်ပေမဲ့ မွန်းလွဲ ညနေပိုင်း ညပိုင်း နေ့အပူချိန်ကျချိန် Dew point နဲ့ကိုက်မယ့်အချိန်လောက်မှ အလယ်ပိုင်းတွေမှာ ကွက်ကျားမိုးတွေ ရွာမယ်။ ပဲခူးတိုင်းကနေ အောက်တောင်ဘက်ထိ၊ မတ္တရာရဲ့မြောက်ဘက် ထီးချိုင့်တို့ဘာတို့ မြောက်ဘက်ကနေ ဟိုးမြစ်ကြီးနားမြောက်ဖျားအထိ အဲ့ဒီနေရာတွေကတော့ မိုး ပြန်ကောင်းမယ်”

ရှမ်းပြည်နယ်ဘက်ကတော့ မိုးကောင်းမယ့်ထဲ မပါဘဲ ပုံမှန်မိုးတွင်းရွာသလောက်ကွက်ကျားမိုးရွာတာလောက်ပဲရှိမယ်လို့ ဦးဝင်းနိုင်က ခန့်မှန်းပါတယ်။

Photo Crd_ Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more