ရောဂါများ မကူးစက်စေဖို့ ဝက်ခြံရဲ့ ဇီဝလုံခြုံရေးစနစ်ကို မြှင့်တင်စို့ (၂)

To Promote Biosecurity System - 2

ဇီဝလုံခြုံရေးစနစ်ဆိုသည်မှာ မိမိမွေးမြူထားသော တိရစ္ဆာန်များကို ပတ်ဝန်းကျင်(သို့မဟုတ်) ရောဂါဖြစ်ပွားနေသောတိရစ္ဆာန်များနှင့် တိုက်ရိုက်သော်လည်းကောင်း၊ သွယ်ဝိုက်၍သော်လည်း ကောင်း ထိတွေ့မှုမရှိအောင် ခွဲခြားထားခြင်း၊ ရောဂါဖြစ်ပတ်ဝန်းကျင်ရှိ ခြံ၊ လုပ်သား၊ လူ၊ စား ကျက်၊ အစားအစာ၊ ယာဉ်၊ အသုံးအဆောင်ပစ္စည်းများနှင့် ဆက်စပ်ထိတွေ့မှုမရှိအောင် တားဆီးထားခြင်းဖြင့် ကူးစက်ရောဂါဖြစ်ပွားစေမည့် အခွင့်အလမ်းများကို ဖြတ်တောက်သည့်လုပ်ဆောင်မှုပင် ဖြစ်ပါသည်။

ယင်းကဲ့သို့ ဇီဝလုံခြုံရေးစနစ်အတွက် လိုအပ်မည့်လုပ်ဆောင်ချက်အချို့ကို အပိုင်း(၁) တွင် ဖော်ပြခဲ့ ပြီးဖြစ်ပါသည်။ အောက်ပါလင့်တွင် ဝင်ရောက်ဖတ်ရှုနိုင်ပါသည်။

https://bit.ly/3klmjmG

ယခု အပိုင်း(၂) တွင် နောက်ထပ်လိုအပ်မည့်အချက်များကို ဆက်လက်ဖော်ပြပေးသွားပါမည်။

(၇) ထိရောက်သည့် ပညာပေးလုပ်ငန်းများ သည် ကူးစက်ရောဂါကျရောက်ဖြစ်ပွားမှုများကို ထိန်းချုပ်နိုင်ရန် အကောင်းဆုံးသောနည်းလမ်းများ ဖြစ်ပါသည်။ မွေးမြူရေးနှင့် ကုသရေးဦးစီးဌာနနှင့် မွေးမြူရေးလုပ်ငန်းအဖွဲ့ချုပ်တို့မှ ပညာပေးလုပ်ငန်းများ ဆောင်ရွက်ရာတွင် များသောအားဖြင့် မွေးမြူရေးနှင့် ကုသရေးဦးစီးဌာနတွင် မှတ်ပုံတင်ထားသော ဝက်မွေးမြူရေးခြံအချို့ကိုသာ ထိရောက်သောပညာပေးလုပ်ငန်းများ ဆောင်ရွက်နိုင်ပါသည်။

တောရောမြို့ပါနေရာအနှံ့မွေးမြူထားသော တစ်ပိုင်တစ်နိုင်ဝက်မွေးမြူသူအများစုမှာ အဆိုပါ ပညာပေးလုပ်ငန်းများကို ထိတွေ့သိရှိကြခြင်းမရှိပါ။ ထိုသို့ အများနှင့်သက်ဆိုင်သော ပညာပေးလုပ်ငန်းများ(Public Awareness)ကို သိရှိကြခြင်းမရှိသည့်အတွက် ကူးစက်ရောဂါထိန်းချုပ်ရာတွင် အားနည်းမှုများဖြစ်ပေါ်လာပြီး ဝက်များသေဆုံးမှု များပြားရခြင်းဖြစ်ပါသည်။

ထို့ကြောင့် ပညာပေးလုပ်ငန်းများဆောင်ရွက်ရာ၌ နေရာကွက်၍ဆောင်ရွက်ခြင်းထက် တောရောမြို့ပါ မွေးမြူသူများ ပူးပေါင်းပါဝင်သော လူထုနည်းဖြင့် ရောဂါထိန်းချုပ်ရန်နည်းလမ်းများကို ချမှတ်ဆောင်ရွက်သင့်ပါသည်။ သို့မှသာ နောင်ဖြစ်ပေါ်လာမည့် ကူးစက်ရောဂါကာကွယ်ထိန်းချုပ်မှုများ ပြုလုပ်ရာတွင် အသိရှိရှိ၊ သတိရှိရှိဖြင့် အောင်မြင်စွာထိန်းချုပ်နိုင်ခြင်းဖြင့် အသေအပျောက်နှုန်းများကို လျှော့ချနိုင်မည် ဖြစ်ပါသည်။

ဤကဲ့သို့ ရောဂါကာကွယ်ထိန်းချုပ်သည့်လုပ်ငန်းတွင် အဓိကကျသည့် ပညာပေးလုပ်ငန်းများကို ကျယ်ပြန့်စွာဆောင်ရွက်ပေးခြင်း၊ ဇီဝလုံခြုံရေးကျင့်စဉ်ကို စနစ်တကျလိုက်နာကျင့်သုံးခြင်း၊ဝက်များ၏ ကျန်းမာရေးစနစ်ကို မြှင့်တင်ပေးခြင်း၊ ထိုးနှံ၍ရသော ကူးစက်ရောဂါကာကွယ်ဆေးများကို ကျွမ်းကျင်သူများအကူအညီဖြင့် စနစ်တကျထိုးနှံပေးခြင်းတို့ဖြင့် ကျန်းမာ၍ကိုယ်ခံအားကောင်းသောဝက်များ ဖြစ်လာစေပါသည်။

ဝက်နားရွက်ပြာရောဂါကဲ့သို့သော ကာကွယ်ဆေးထိုးနှံရန်မရှိသော ဗိုင်းရပ်စ်ပိုးကြောင့် ဖြစ်ပွားသောကူးစက်ရောဂါများကို ထိန်းချုပ်၍ ကုသနိုင်ရန်မှာ ဝက်၏ကိုယ်ခံအားစနစ် ကောင်းမွန်မှသာ ဖြစ်ပါမည်။

ဝက်၏ကိုယ်ခံအားစနစ် မြှင့်တင်ရန်အတွက် အထက်တွင်တင်ပြခဲ့သော စနစ်များအပြင် အော်ဂဲနစ်ဓာတ်ဆားရည်များ ကြိုတင်တိုက်ကျွေးခြင်းသည်လည်း နည်းလမ်းကောင်းတစ်ခု ဖြစ်ပါသည်။အကျိုးပြုအဏုဇီဝပိုးများ(EM)များ ထည့်သွင်းဖော်စပ်ထားသော ဓာတ်ဆားရည်မျိုးကို ဆိုလိုခြင်းဖြစ်ပါသည်။

အကျိုးပြုအဏုဇီဝပိုးများ EM(Effective Microorganism)ထည့်သွင်းမထားသော်လည်း အော်ဂဲနစ်အက်ဆစ်များနှင့်အတူ အဏုဇီဝသက်ရှိ (EM) များ ကြိုက်နှစ်သက်သည့် အားဖြည့်ဖျော်ရည်များ ထည့်သွင်းဖော်စပ်ထားသော ဝက်ရောဂါကာကွယ်အားဖြည့်ရည်များကို ကူးစက်ရောဂါများကျရောက်ဖြစ်ပွားခြင်းမရှိမီ ကြိုတင်၍ ဝက်များအား တိုက်ကျွေးထားခြင်းဖြင့်လည်း ဝက်၏ခန္ဓာကိုယ်အတွင်း ဆေးအလျဉ်ရရှိမှုပေါ်တွင်မူတည်၍ ကိုယ်ခံအားစနစ်တက်လာစေရန် ပြုလုပ်ပေးနိုင်မည်ဖြစ်သည်။

ယင်းသို့ဆိုပါက ပြင်ပမှဝင်ရောက်လာသည့် ကူးစက်ရောဂါဒဏ်ကို အထိုက်အလျောက်ခံနိုင်ရည်ရှိပြီး ကူးစက်ရောဂါကျရောက်ဖြစ်ပွားလာပါကလည်း အော်ဂဲနစ်ဓာတ်ဆားရည်တိုက်ကျွေးခြင်း မရှိခဲ့သော ဝက်မွေးမြူရေးခြံများကဲ့သို့ ခြံလုံးကျွတ်သေဆုံးမှုမရှိဘဲ ပဋိဇီဝဆေးနှင့်တွဲဖက်၍ကုသပါက သေဆုံးနှုန်းလျာ့နည်းနိုင်သည့် အခြေအနေကောင်းများကို ဝက်နားရွက်ပြာရောဂါ ဖြစ်ပွားစဉ်ကာလများက စမ်းသပ်တွေ့ရှိခဲ့ပါသည်။

အချုပ်အားဖြင့်ဆိုရသော် ကာကွယ်ရန်နှင့်ကုသရန် နည်းလမ်းမရှိသော ဝက်နားရွက်ပြာရောဂါကဲ့သို့သော ဗိုင်းရပ်စ်ပိုးကြောင့်ဖြစ်ပွားသော ကူးစက်ရောဂါများကို အထက်ဖော်ပြပါ ကာကွယ်ထိန်းချုပ်ရန်နည်းလမ်းများအသုံးပြု၍ ရောဂါကျယ်ပြန့်စွာ ကူးစက်မှုမဖြစ်ပွားရန် ထိန်းချုပ်နိုင်မည်ဖြစ်သည်။

ထို့ပြင် ဝက်များ၏ အစာထဲတွင်သော်လည်းကောင်း၊ သောက်ရေထဲတွင်သော် လည်းကောင်း၊ အော်ဂဲနစ်ဓာတ်ဆားရည်များကို ပုံမှန်သုံးစွဲပေးခြင်းဖြင့်သော်လည်းကောင်း ရေရှည်တွင် ဝက်၏ကိုယ်ခံအားစနစ်ကို မြှင့်တင်ပေးရာရောက်စေခြင်းဖြင့်လည်း ဝက်မွေးမြူရေးခြံများတွင် ဝက်နားရွက်ပြာကဲ့သို့သော ကူးစက်ရောဂါများ ဝင်ရောက်သည့်တိုင်အောင်ရောဂါပိုး၏ ပြင်းအားကိုလိုက်၍ ကုသ၍ ရနိုင်ပြီး ခြံလုံးကျွတ်သေဆုံးမှုများ မရှိအောင် အတိုင်းအတာတစ်ခုထိ ကာကွယ်နိုင်သွား မည်ဖြစ်သည်။

ထို့ကြောင့် ဝက်မွေးမြူသူများအနေဖြင့် မိမိခြံ၏ ဇီဝလုံခြုံရေးစနစ်ကို အသိရှိရှိ၊ သတိရှိရှိဖြင့် ထိန်းချုပ်ပြီး မိမိ၏ဝက်များအား ဂရုစိုက်ရန်လိုအပ်ပါကြောင်း ရေးသားလိုက်ရပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...