မြန်မာ၊ မလေးရှား၊ လာအိုနှင့် ကမ္ဘောဒီးယား နယ်စပ်ဖြတ်ကျော်ကုန်သွယ်ဂိတ်အားလုံး ပြန်ဖွင့်ရန် ထိုင်းစီစဉ်

လာမယ့် ၂၀၂၃ ခုနှစ်အတွင်း နယ်စပ်ဖြတ်ကျော်စီးပွားရေးမြှင့်တင်သွားနိုင်ဖို့ မြန်မာနိုင်ငံအပါအဝင် နိုင်ငံ ၄ နိုင်ငံနဲ့ နယ်စပ်ဖြတ်ကျော်ကုန်သွယ်ရေးဂိတ်အားလုံးကို ပြန်ဖွင့်ဖို့စီစဉ်နေတယ်လို့ ထိုင်းနိုင်ငံခြား ကုန်သွယ်ရေးဌာနက သတင်းထုတ်ပြန်ပါတယ်။

နယ်စပ်ဖြတ်ကျော်ကုန်စည်သယ်ယူပို့ဆောင်မှုတွေ အဆင်ပြေချောမွေ့စေဖို့ မလေးရှား၊ လာအို၊ မြန်မာနဲ့ ကမ္ဘောဒီးယား နယ်စပ်ဖြတ်ကျော်ကုန်သွယ်ရေးဂိတ် ၉၇ ခုလုံး ပြန်ဖွင့်ဖို့ ညှိနှိုင်းဆောင်ရွက်သွားမယ်လို့ ထိုင်းနိုင်ငံခြားကုန်သွယ်ရေးဌာနညွှန်ကြားရေးမှူးချုပ် ရွန်နာရောင်းဖူးပီပက်က ပြောလိုက်တာပါ။

ဒီအစီအစဉ်ကို အကောင်အထည်ဖော်ဖို့ လာအို၊ မြန်မာနဲ့ ကမ္ဘောဒီးယားတို့မှာ ကုန်စည်ပြပွဲတွေ ပြုလုပ် သွားဖို့ရှိနေတယ်လို့လည်း သိရပါတယ်။

ကုန်စည်စီးဆင်းမှုလွယ်ကူအဆင်ပြေစေဖို့ သက်ဆိုင်ရာဥပဒေတွေကို ခေတ်နဲ့ညီဖို့လုပ်တာ၊ ပို့ကုန် တင်ပို့သူတွေရဲ့မှတ်ပုံတင်ခြင်း၊ ပါမစ်သက်တမ်းတိုးခြင်း စတဲ့ ဌာနဆိုင်ရာဝန်ဆောင်မှုတွေကို အဆင့်မြှင့်တင်တာတွေကို လုပ်ဆောင်သွားမယ်လို့လည်း ညွှန်ကြားရေးမှူးချုပ် ရွန်နာရောင်းဖူးပီပက်က ဆိုပါတယ်။

ထိုင်းနိုင်ငံအနေနဲ့ ပြီးခဲ့တဲ့နှစ်အတွင်း နယ်စပ်ဖြတ်ကျော်ကုန်သွယ်ရေးကနေ ထိုင်းဘတ် ၁ ထရီလျံ လောက် အကျိုးအမြတ်ရခဲ့တယ်လို့ ဆိုပါတယ်။ ဒါပေမဲ့ အခုနောက်ပိုင်းမှာ တရုတ်၊ စင်ကာပူနဲ့ ဗီယက်နမ်တို့ဆီ ပို့ကုန်တင်ပို့သူတွေကတော့ သင်္ဘော၊ လေကြောင်း တင်ပို့မှုတွေကို ပိုမိုရွေးချယ် လာကြတယ်လို့ သိရပါတယ်။

ထိုင်းနိုင်ငံခြားကုန်သွယ်ရေးဌာနအနေနဲ့ ထိုင်းလယ်ယာထွက်ကုန်တွေကို ဈေးကွက်မြှင့်တင်ဖို့ ရှိပြီးသား နိုင်ငံတကာဈေးကွက်တွေအပြင် ဈေးကွက်အသစ်တွေမှာပါ ပြပွဲတွေပြုလုပ်သွားဖို့ရှိပြီး အထူးသဖြင့် ထိုင်းဆန်ကို ပရိုမိုးရှင်းဆင်းသွားမှာဖြစ်တယ်လို့ သိရပါတယ်။ ယခုနှစ်အတွင်း ထိုင်းဆန်ကို ပြည်ပ တင်ပို့မှုအနေနဲ့ တန်ချိန် ၇.၅ သန်း ပစ်မှတ်ထားဆောင်ရွက်ခဲ့ပေမဲ့ ပစ်မှတ်ကိုကျော်လွန်ပြီး တန်ချိန် ၈.၅ သန်းထိ တင်ပို့နိုင်ခဲ့တယ်လို့လည်း သိရပါတယ်။

Ref; https://bit.ly/3Wz0n59

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။