ခရမ်းလွန်ရောင်ခြည်များ မြင့်တက်လာနေပြီဖြစ်၍ သတိပြုရန်လိုအပ်

ယခုရက်ပိုင်းအတွင်း ခရမ်းလွန်ရောင်ခြည်ညွှန်းကိန်းများမြင့်တက်လာပြီး မနက်ဖြန် မတ် ၂၄ ရက် မှာတော့ မွန်းလွဲပိုင်းမှာ အလွန်အန္တရာယ်ရှိအဆင့်ကို ရောက်နိုင်တာဖြစ်လို့ အပြင်ထွက်မယ်ဆို အကာ အကွယ်များနဲ့ထွက်သင့်တယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသ ခန့်မှန်းသူ ဦးဝင်းနိုင်က သတိပေးပါတယ်။

နွေရာသီဝင်ရောက်လာမှုနဲ့အတူ အပူချိန်တွေလည်းမြင့်တက်လာပြီး နေရောင်ခြည်တိုက်ရိုက်ကျတဲ့နေ့ တွေမှာ ခရမ်းလွန်ရောင်ခြည်မြင့်တက်မှုတွေလည်း ရှိနေတာပါ။ ဒီလိုခရမ်းလွန်ရောင်ခြည်မြင့်တက်မှု တွေဟာ ဘယ်လောက်အထိဖြစ်နေလဲ၊ ဘယ်ဒေသတွေမှာ အမြင့်ဆုံးဖြစ်မလဲ၊ အပူချိန်မြင့်တက်မှုနဲ့ ခရမ်းလွန်ရောင်ခြည်မြင့်တက်မှုဟာ တိုက်ရိုက်သက်ဆိုင်မှုရှိလားဆိုတာတွေကို ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

#ဒီရက်ပိုင်း ခရမ်းလွန်ရောင်ခြည်မြင့်တက်မှုအနေအထားတွေ ဘယ်လိုရှိနိုင်လဲ?

“ ဒီနေ့အနေအထားအရဆိုရင်တော့ အရမ်းမပြင်းဘူး။ မြင့်တော့မြင့်တယ်ပေါ့။ ခရမ်းလွန်ရောင်ခြည် အညွှန်းကိန်း ၇ လောက်ပဲရှိတယ်။ မနက်ဖြန် ၂၄ ရက်နေ့မှာတော့ ခရမ်းလွန်ရောင်ခြည် အညွှန်းကိန်းက အမြင့်ဆုံး ၁၁ လောက်အထိ (အလွန်အန္တရာယ်ရှိအဆင့်) ကိုရောက်မှာ။ အဲ့ဒါက ရန်ကုန်တိုင်းပါမယ်။ နောက်ပြီး ဟင်္သာတအောက် ဘက် ဧရာဝတီတိုင်းတစ်ခုလုံးပါမယ်။ နောက်ပြီး ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်း တစ်ခုလုံးလည်းပါမယ်။ အဲ့ဒီဟာက ဟိုးဘက် ထိုင်းနိုင်ငံ မြောက်ပိုင်းအထိ ခရမ်းလွန်ရောင်ခြည် မြင့်တဲ့ အနေအထားဖြစ်နေတာ"

" နောက် ပြည်လောက်ကစပြီး အထက်ပိုင်းမှာကျတော့ Index 11 (အညွှန်းကိန်း ၁၁) ထိတော့ မရောက် ဘူး။ Index 10 (အညွှန်းကိန်း ၁၀) ကိုရောက်သွားတယ်။ ဆိုတော့ သူကလည်း မြင့်တော့မြင့်တယ်။ အဲ့ဒီတော့ တစ်နိုင်ငံလုံးအတိုင်းအတာနဲ့တော့ ခရမ်းလွန်ရောင်ခြည်ပြင်းတဲ့အနေအထားကို ရောက်နေတယ်လို့ ပြောလို့ရတယ်။ လွတ်တဲ့နေရာဆိုလို့ စစ်ကိုင်းတိုင်းမြောက်ပိုင်း ခန္တီးအထက်ပိုင်းလောက်ပဲ။ အဲ့ဒီမှာကတော့ Index 5 (အညွှန်းကိန်း 5) လောက်ပဲပြတယ်။ ကချင်ပြည်နယ်တောင်မှ မြစ်ကြီးနားအထက် တနိုင်းရဲ့အထက်ပိုင်းနေရာလောက်ပဲလျော့တယ်။ Index 7 လောက်ပဲရှိတယ်။ မြစ်ကြီးနားလို နေရာမျိုးမှာတော့ Index 8 လောက်ထိရှိလို့ သိပ်တော့မနည်းဘူး။ ရှမ်းပြည်နယ်ဘက်ဆိုလည်း မိုင်းရှူး၊ လားရှိုးဘက်တွေမှာ ၈ လောက်ပဲရှိပေမဲ့ ရှမ်းပြည်နယ်တောင်ပိုင်းလောက်မှာကျ ၉၊ ၁၀ လောက်ရှိမှာ။ တောင်ပိုင်းနဲ့အရှေ့ပိုင်းမှာ မြင့်မှာပဲ”

#ဒီလိုခရမ်းလွန်ရောင်ခြည်မြင့်တက်လာမှုတွေက အပူချိန်မြင့်တက်လာတာတွေနဲ့ သက်ဆိုင်နေတာ လား?

“ သူက အပူချိန်နဲ့တော့မဆိုင်ဘူး။ အပေါ်မှာတိမ်ဖြစ်တာရှိမရှိပေါ်ပဲမူတည်မှာ။ တိမ်အမြင့်တွေတောင် မရှိဘူးဖြစ်သွားတော့ နေရောင်ခြည်တိုက်ရိုက်ကျလို့ ခရမ်းလွန်ရောင်ခြည်မြင့်တာ။ နေရောင်ခြည်ကို ကာကွယ်ပေးတဲ့ဟာမရှိတော့တာပေါ့။ အပူချိန်အနေနဲ့ကတော့ ပျမ်းမျှ ၃၅ (၃၅ ဒီဂရီစင်တီဂရိတ်) ဝန်းကျင်လောက်တော့ရှိတယ်။ အပူချိန်တွေကလည်း နွေရာသီဝင်လာတော့မှာဆိုတော့ မြင့်တာကတော့ မြင့်လာမှာပဲ။ အခုက အယ်နီညိုလည်းမဟုတ်၊ လာနီညာလည်းမဟုတ်တဲ့ Neutral ကြားနေရာသီဥတုမျိုးဖြစ်နေတာ။ မတ်၊ ဧပြီကတော့ ဒီ Neutral ရာသီဥတုမျိုးပဲဖြစ်နေမှာ”

#နောက်ရက်တွေကျရင်လည်း ဒီခရမ်းလွန်ရောင်ခြည်က တောက်လျှောက်မြင့်တက်နေမှာလား?

“ အဲ့ဒီလိုလည်းမဟုတ်ဘူးဗျ။ သူက တိမ်ဖြစ်တဲ့ပေါ်ပဲမူတည်တာ။ အခုလောလောဆယ်က UV index (ခရမ်းလွန်ရောင်ခြည်အညွှန်းကိန်း) ကို ကျွန်တော်တို့က ၃ ရက်စာပဲ ကြည့်လို့ရတယ်။ မနက်ဖြန် ၂၄ ရက်ဆို မွန်းတည့်ချိန်ကစပြီး ၂ နာရီလောက်အထိကို ၁၁ ထိ ရှိနေတယ်။ အဲ့နောက်ပိုင်းတော့ ပြန်ကျ သွားမှာ။ ၂၅ ရက်နေ့ မွန်းလွဲ ၁ နာရီနဲ့ ၂ နာရီကြားကျတော့ မနက်ဖြန်မှာ ၁၁ ဖြစ်မဲ့နေရာတွေက ၈၊ ၉ လောက်ထိ ပြန်ကျသွားတယ်။ ၂၆ ရက်နေ့မှာကျတော့လည်း ၉ လောက်ထိပဲ။ အန္တရာယ်ရှိနိုင်တဲ့ အဆင့်တွေမှာတော့ ရှိနေတာပဲ။ ဆိုတော့ တိမ်ဖြစ်တဲ့ ပေါ်မှာပဲ မူတည်တယ်။

#ဒီလိုခရမ်းလွန်ရောင်ခြည်မြင့်တက်လာမှုတွေနဲ့ပတ်သက်လို့ ဆရာ့အနေနဲ့ ဘာသတိပေးချင်တာရှိလဲ?

" အဓိကကတော့ ဦးထုပ်ဆောင်း၊ ထီးဆောင်းတာမျိုးတွေ လုပ်ကြဖို့ပေါ့။ ပုံမှန်အားဖြင့်တော့ ကျွန်တော်တို့အသားအရေမျိုးက ခရမ်းလွန်ရောင်ခြည်ကို အတိုင်းအတာတစ်ခုထိ ခံနိုင်ရည်ရှိတဲ့ အသားအရောင်မျိုးပဲ။ ဒါပေမဲ့ အရမ်းအန္တရာယ်ရှိတဲ့အနေအထားမျိုးဆိုရင်တော့ အရေပြားကင်ဆာ တွေထိဖြစ်နိုင်တာပေါ့"

" နောက် အပူလွန်ကဲမှုဒဏ်တွေမခံရအောင် ထီး၊ ဦးထုပ် တစ်ခုခုဆောင်းပြီး အပြင်ထွက်တာ၊ သစ်ပင် ရိပ်လိုအရိပ်အာဝါသကောင်းတဲ့နေရာမှာ နေပူရှိန်လျော့ကျတဲ့အထိ ခေတ္တအရိပ်ခိုတာတွေကို လုပ်သင့တယ်။ အထူးသတိထားသင့်တဲ့သူတွေကတော့ သက်ကြီးပိုင်းနဲ့ ကလေးငယ်တွေ၊ သွေးပေါင်ချိန်မြင့်တက်တတ်သူတွေပေါ့"

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...