အလယ်ပိုင်းဒေသအတွက် မိုးရနိုင်ချေမျှော်လင့်ချက်ရှိစေမယ့် လေဝဲစီးကြောင်းတစ်ခုဖြစ်လာ

မိုးခေါင်နေတဲ့ အလယ်ပိုင်းဒေသအတွက် မိုးရနိုင်ချေမျှော်လင့်ချက်ရှိစေမယ့် လေဝဲစီးကြောင်းတစ်ခု ဒီနေ့ ညနေပိုင်းမှာ စဖြစ်လာတယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင်က ပြောပါတယ်။

“ လေဝဲက ဒီနေ့ ညနေ ၅ နာရီဆိုရင်ကို သိသိသာသာဖြစ်ပြီပေါ့။ အိန္ဒိယနိုင်ငံရဲ့ အရှေ့ဘက် ဘင်္ဂလားဒေ့ရှ်နယ်စပ်၊ ကိုလ်ကတ္တားရဲ့အနောက်မြောက်ဘက်လောက်မှာဖြစ်တယ်။ သူ့ရဲ့ဖိအားက ၁၀၀၀ ဟက်တိုပါစကယ်ထိ ကျတယ်။ သူ့ရဲ့လက်ဝဲရစ်လေစီးကြောင်းက အထက်မှာပဲ။ အောက်ဘက်မျက်နှာပြင်အထိတော့ မရောက်ဘူး။ ပေ ၂၀၀၀ လောက်အထိ ရောက်တယ်။ ဒါက အခု အခြေအနေပေါ့” လို့ ဦးဝင်းနိုင်က Green Way ကို ပြောပါတယ်။

အခုဖြစ်နေတဲ့ အထက်လေဝဲစီးကြောင်းဟာ မနက်ဖြန် ဇွန် ၂၄ ရက်နေ့ ကျရင်တော့ အောက်ဘက် မီတာ ၁၀၀ အမြင့်လောက်ထိ လေဝဲစီးကြောင်းဆက်ဖြစ်မှာဖြစ်ပြီး ၂၅ ရက် မနက် ၁၀ နာရီလောက်မှာ ပိုပြီးတော့ သိသာလာမှာဖြစ်ကာ ဘင်္ဂလားပင်လယ်အော် အနောက်အလယ်ပိုင်း၊မြောက်ပိုင်းနဲ့ အနောက်တောင်ပိုင်း နေရာတွေမှာ မုတ်သုံလေအားတော်တော်လေးကို ကောင်းလာမှာဖြစ်တယ်လို့ သိရပါတယ်။

ဒါပေမဲ့ ဘင်္ဂလားပင်လယ်အော် အရှေ့အလယ်ပိုင်း မြန်မာ့ကမ်းရိုးတန်းဘက်ကိုတော့ အခုလကုန်ပိုင်းမှ ရောက်လာမှာဖြစ်တယ်လို့ ဦးဝင်းနိုင်က ဆိုပါတယ်။

“ ၂၉၊ ၃၀ လောက်ကျရင် မုတ်သုံလေ အားကောင်းတာက မြန်မာ့ကမ်းရိုးတန်းနားကို ရောက်လာမယ်။ ကပ္ပလီ ပင်လယ်ပြင်ကိုလည်း ရောက်လာမယ်။ ဒါကြောင့်မို့ အလယ်ပိုင်းဒေသတွေမှာပါ မိုးရလာနိုင်တာပေါ့”

လက်ရှိအနေအထားတွေအရ ဒီလေဝဲဖြစ်မယ့်အနေအထားနဲ့ပတ်သက်လို့ ကမ္ဘာ့မိုးလေဝသခန့်မှန်းမော်ဒယ်တွေဖြစ်တဲ့ ECMWF နဲ့ GFS တို့ရဲ့ ကြိုတင်ခန့်မှန်းချက်တွေဟာ ထပ်တူကျနေလို့ ဖြစ်နိုင်ချေဟာ ၈၀ ရာခိုင်နှုန်းရဲ့အထက်မှာ သေချာတယ်လို့လည်း ဦးဝင်းနိုင်က ခန့်မှန်းပါတယ်။

“ မိုးအနည်းဆုံးဖြစ်နေတဲ့ ညောင်ဦးဒေသမှာတောင်မှ ၂၉ ရက်ကနေ ဇူလိုင် ၂ ရက်နေ့ထိ အပူချိန်တွေကျမယ်။ မိုးတောက်လျှောက်ရွာနိုင်တယ်”

ECMWF model ကြိုတင်ခန့်မှန်းချက်တွေအရ တရုတ်ပြည် ကွမ်ကျိုးပြည်နယ်နဲ့ ယူနန်ပြည်နယ်တွေကို ဖြတ်ပြီး ကချင်ပြည်နယ်နဲ့ ရှမ်းပြည်နယ်မြောက်ပိုင်းဘက်ကို ရွေ့လျားလာတဲ့ တိမ်တိုက်ကြီးဟာ မနေ့ည ၁၁ နာရီခွဲကစပြီး ကချင်ပြည်နယ်ကို စ ဝင်လာတာတွေ့ရလို့ ကချင်ပြည်နည်နဲ့ ရှမ်းပြည်နယ်မြောက်ပိုင်းမှာ ဇွန်လကုန်အထိ မိုးက တောက်လျှောက်များနိုင်တယ်လို့

ယခုရက်ပိုင်းအတွင်း ကချင်ပြည်နယ်တွင် မိုးများစွာရွာသွန်းနိုင်မှုကြောင့် မြစ်ကမ်းတစ်လျှောက်နေထိုင်သူများ ရေဘေးအန္တရာယ် သတိပြုဖို့လိုတယ်လို့လည်း ဦးဝင်းနိုင်က သတိပေးထားပါတယ်။

ဒီနေ့ ညနေ ၃ နာရီ ၃၅ မှာရတဲ့ Flood Detection System ရဲ့ microwave image update အရတော့ မြစ်ကြီးနားကနေ မန္တလေးကြား မြစ်ရေကြီးနိုင်မှုဟာ နေရာအတော်များများမှာ ဖြစ်နေပြီလို့ သိရပါတယ်။ (ပုံမှာ အနီရောင်တွေနဲ့ ဖော်ပြထား)

( နိုင်ငံတကာမိုးလေဝသကြိုတင်ခန့်မှန်းချက်များကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်သုံးသပ်သူ ဦးဝင်းနိုင်၏ ကြိုတင်ခန့်မှန်းချက်ဖြစ်ပါသည်။)

Photo Crd - Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ