ဒီရေတက်ရက် မိုးပိုများလာနိုင်မှုနှင့် ရေကြီးရေလျှံအလားအလာ..

ပင်လယ်ပြင်ကြိုတင်ခန့်မှန်းချက်များနဲ့ လက်ရှိကြိုတင်ခန့်မှန်းချက်တွေအရ ဩဂုတ်လ ၂၃ ရက်အထိ ဘင်္ဂလားပင်လယ်အော်နဲ့ ကပ္ပလီပင်လယ်ပြင်တွေမှာ အနောက်တောင်မုတ်သုံလေက အားကောင်း နေမှာဖြစ်တယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်က ပြောပါတယ်။

ဒါ့အပြင် ဩဂုတ်လ ၁၆ ရက်ညနေပိုင်းလောက်ကျရင် ဘင်္ဂလားပင်လယ်အော် အနောက်မြောက်ပိုင်း မှာ အထက်လေဝဲစီးကြောင်း(Upper Air Cyclonic Circulation)တစ်ခုလည်း ဖြစ်လာနိုင်တာကြောင့် မုတ်သုံလေအား ပိုအားကောင်းလာနိုင်ပြီး ကမ်းရိုးတန်းဒေသတွေမှာ မိုး/လေ အား ဆက်လက် အားကောင်းနေဦးမှာဖြစ်တယ်လို့ ဦးဝင်းနိုင်က ခန့်မှန်းပါတယ်။

နောက်လာမဲ့ ၃ ရက်အတွင်းဆိုရင်တော့ တစ်နိုင်ငံလုံး နေရာအနှံ့မှာ မိုးရွာနိုင်ပြီး မိုးနည်း၊ မိုးများနိုင်တဲ့ဒေသတွေကတော့ အောက်ပါအတိုင်းဖြစ်တယ်လို့ ဦးဝင်းနိုင်က ခန့်မှန်းပါတယ်။

မိုးအသင့်အတင့်မှမိုးနည်းနိုင်(မိုးရေချိန် ၅ မီလီမီတာနှင့်အောက်) - မကွေးတိုင်းအတွင်းရှိ ငဖဲမြို့နယ်၊ ပွင့်ဖြူမြို့နယ်များ

နေရာကွက်ပြီး မိုးကြီးနိုင်(မိုးရေချိန် ၃၀ မီလီမီတာနှင့်အထက်) သည့် ဒေသများ - ကချင်ပြည်နယ်၊ ချင်းပြည်နယ်၊ စစ်ကိုင်းတိုင်းအထက်ပိုင်း၊ မန္တလေးတိုင်း၊ ရှမ်းပြည်နယ်၊ ပဲခူးတိုင်း(အရှေ့)၊ ရန်ကုန်တိုင်း၊ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်း ဒေသများ

အနည်းဆုံးမိုးအသင့်အတင့်ရွာနိုင်သည့်ဒေသများ - ကျန်ပြည်နယ်နှင့် တိုင်းအားလုံး

မိုးအလွန်ကြီးနိုင်ပြီး သတိထားရမည့်ဒေသများ

မိုးရေချိန် ၈၅ မီလီမီတာနှင့်အထက်ရွာနိုင်သည့်ဒေသများ - ကရင်ပြည်နယ်၊ မွန်ပြည်နယ်၊ စစ်ကိုင်းတိုင်းအထက်ပိုင်း၊ ကချင်ပြည်နယ်၊ ရှမ်းပြည်နယ်ဒေသအချို့နှင့် စစ်တောင်းမြစ်ဝှမ်းတစ်လျှောက်

မိုးရေချိန် ၄၅ မီလီမီတာနှင့်အထက်ရွာနိုင်သည့်ဒေသများ - ရခိုင်ပြည်နယ်၊ ရန်ကုန်မြောက်ပိုင်းခရိုင် အတွင်းမြို့နယ်အချို့၊ ပဲခူးမြို့နှင့်ပဲခူးမြစ်အထက်ပိုင်းဒေသများ

ရေကြီးရေလျှံဖြစ်နိုင်မှုသတိပေးချက် (ဆရာဦးဝင်းနိုင်ခန့်မှန်းချက်)

“ ၁၅ ရက်ကနေ ၁၉ ရက်အထိက ဒီရေတက်ရက်။ ရန်ကုန်မြစ်ဆိုရင်လည်း ပေ ၂၀ လောက်ထိ တက်ဖို့ ရှိတယ်။ မုတ်သုံကလည်း အားကောင်းလာမှာ။ အခုလာမယ့် ၃ ရက် ၅ ရက်အတွင်းတွေမှာ မိုးရွာမယ့် အနေအထားတွေက တော်တော်များတယ်။ ဆိုတော့ ချောင်းဘေး၊ မြစ်ကမ်းဘေး၊ အနိမ့်ပိုင်းနေတဲ့သူတွေ သေချာပေါက် ရေဝင်မှာပဲ”

“ အခုနောက်လာမယ့် ၃ ရက်မှာ မိုးတွေရွာပြီးသွားရင် ရေပြန်ကျနေတဲ့မြစ်တွေမှာလည်း စိုးရိမ်ရေမှတ်တွေ ပြန်ရောက်လာလိမ့်မယ်။ ဆိုးတာက အောက်က ဒီရေတောင့်တဲ့အချိန်နဲ့သွားကြုံမှာ။ ပြီးတော့ ဝါထပ်တဲ့နှစ်လည်းဖြစ်နေတယ်။ လပြည့်ကျော်မှာ ဒီရေတက်တဲ့အနေအထားတွေကလည်း မြင့်နေတယ်။ ဆိုတော့ မြစ်တွေအနေနဲ့ အထက်ရေကျတာလည်းများလာမယ်၊ ပြီးတော့ ပင်လယ်ပြင်မှာ ဒီရေတက်ပြီးတောင့်တဲ့အနေအထားကလည်း ပိုများလာမယ်”

“ နောက်ထပ်ထူးခြားချက်အနေနဲ့ဆိုရင် စက်တင်ဘာ ၁ ရက်နေ့ကျရင် ရန်ကုန်မြစ်မှာ ထူးကဲဒီရေ တက်ရက်ရှိသေးတယ်။ အဲ့ဒီကျရင် ဒီရေတက်တာကပိုများဖို့ရှိသေးတယ်”

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီနေ့ ဩဂုတ် ၁၄ ရက် မွန်းလွဲ ၁ နာရီခွဲအချိန် တိုင်းထွာချက်ကို ထုတ်ပြန်ချက်တွေအရတော့ စစ်တောင်းမြစ်ရေဟာ စိုးရိမ်ရေမှတ်အထက် ပေဝက်ခန့်၊ သံလွင်မြစ်ရေဟာ စိုးရိမ်ရေမှတ်အထက် ၂ ပေခွဲခန့်၊ ချင်းတွင်းမြစ်ရေဟာ စိုးရိမ်ရေမှတ်အထက် ၁ ပေခန့် ရောက်ရှိနေပြီး ဘားအံမြို့နယ်နှင့်ဟုမ္မလင်းမြို့နယ်အတွင်း မြစ်ကမ်းအနီးနဲ့ မြေနိမ့်ပိုင်းနေထိုင်သူများအနေနဲ့ အထူးသတိပြုကြဖို့ တိုက်တွန်းအကြံပြုထားပါတယ်။

Photos Crd_ U Win Naing, မိုးဇလ

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ