အစိမ်းရောင်လမ်းမတ်လ ၁၃ ရက်နေ့မှာ မြန်မာနိုင်ငံဒေသအများစုမှာ အချိန်အခါမဟုတ် မိုးရွာသွန်းမှုတွေ၊ မိုးသက် လေပြင်းကျနိုင်ချေနောက်ဆုံးအခြေအနေတွေနဲ့ပတ်သက်လို့ နိုင်ငံတကာမိုးလေဝသထုတ်ပြန်ချက် များကိုကိုးကားပြီး မိုးလေဝသခန့်မှန်းသူ ဦးဝင်းနိုင်ထံ Green Way က ဆက်သွယ်မေးမြန်းပြီး ဆက်တိုက်ဖော်ပြပေးနေပါတယ်။
ဒီနေ့ မတ်လ ၁၀ ရက် မွန်းလွဲ ၂ နာရီခွဲ ECMWF Forecast Model ရဲ့ update အရ မိုးများနိုင်၊ မိုးသက် လေပြင်းကျနိုင်ချေရှိတဲ့ဒေသတွေအခြေအနေအပေါ် ဦးဝင်းနိုင်ထံမေးမြန်းထားတာကိုလည်း ဆက်လက်ဖော်ပြပေးလိုက်ပါတယ်။
#သိသိသာသာမိုးများနိုင်မဲ့ဒေသတွေနဲ့ မိုးသက်လေပြင်းကျနိုင်ချေရှိတဲ့ဒေသတွေက ဘယ်ဒေသတွေဖြစ်မလဲ...
“ မိုးတကယ်များနိုင်တဲ့ဒေသတွေက ကချင်ပြည်နယ်ရယ်၊ ပြီးတော့ ရှမ်းပြည်နယ်အရှေ့ပိုင်းကျ တာချီလိတ်၊ ကျိုင်းတုံ နှစ်နေရာမှာတော်တော်များမယ်။ နောက်ရှမ်းပြည်နယ်မြောက်ပိုင်းဆို တန့်ယန်းနဲ့လားရှိုးမှာ မိုးရွာနိုင်တဲ့အခြေအနေတွေ့တယ်။ ဒါပေမဲ့ အရှေ့ပိုင်း ကျိုင်းတုံ၊ တာချီလိတ် လောက်တော့ မများဘူး”
“ကရင်ပြည်နယ်၊ မွန်ပြည်နယ်၊ ရန်ကုန်တိုင်း၊ ပဲခူးတိုင်း(အရှေ့/အနောက်)၊ ဧရာဝတီတိုင်း၊ မကွေးတိုင်း၊ မန္တလေးတိုင်း၊ စစ်ကိုင်းတိုင်းဒေသတချို့မှာတော့ မိုးသက်လေပြင်းနဲ့အတူ နေရာကွက်ပြီး မိုးအနည်းငယ် ထစ်ချုန်းရွာနိုင်မယ်။ မိုးကတော့ နေရာကွက်များတာပဲရှိမယ်။ အများစုကတော့ မိုးနည်းမယ်၊ လေများနိုင်မယ်။ အဲ့ဒီနေရာတွေမှာက တချို့နေရာတွေမှာဆို မိုးသီးပါကျနိုင်တယ်။ ခုန မိုးများနိုင်တဲ့ရှမ်းပြည်နယ်၊ ကချင်ပြည်နယ်ဘက်လည်း မိုးသီးက ပြောလို့မရဘူး။ ပါလာနိုင်တယ်”
#ဒီအခြေအနေတွေက ၁၄ ရက်နေ့အထိ ဆက်ရှိနေနိုင်သေးလား...
“ ၁၄ ရက်နေ့ကျတော့ ရှိတော့ရှိနိုင်သေးတယ်။ ဒါပေမဲ့ တော်တော်ပျော့သွားပြီ။ ၁၃ ရက်နေ့လောက် မများနိုင်တော့ဘူး။ ၁၃ ရက်နေ့ကတော့ မနက်ပိုင်းကစပြီး ဟိုးညပိုင်းအထိ လေပြင်းတိုက်မဲ့ ဧရိယာရယ်၊ မိုးသက်လေပြင်းကျနိုင်တဲ့ဧရိယာရယ်က ၁၃ ရက်နေ့တစ်နေ့လုံးမှာ တောင်ဘက်ကနေ မြောက်ဘက်ပေါ့။ အလယ်ပိုင်းကြီးကို ဖြတ်ပြီးတက်တယ်။ ဆိုတော့ ရခိုင်ပြည်နယ်တောင်ပိုင်းအခြမ်း ဂွတို့၊ ကျောက်ဖြူတို့လောက်ထိတောင် ရောက်နိုင်တယ်။ ဒါပေမဲ့ အဲ့ဒီ နေရာတွေက ဒီလောက်မများနိုင် လို့ ကျွန်တော် ထည့်မပြောဖြစ်တော့တာ”
#ဒီကြားထဲမှာ လက်ရှိထုတ်ပြန်ချက်တွေနဲ့ ကြီးကြီးမားမား အပြောင်းအလဲဖြစ်နိုင်သေးလား..
“ မနေ့တုန်းကဆို ကျွန်တော်တို့ လာမဲ့ ၄ ရက်လောက်ကို ကြိုပြီးတော့ ခန့်မှန်းတာပေါ့နော်။ ဒီနေ့ဆိုရင် တော့ လာမဲ့ ၃ ရက်ကို ကြိုခန့်မှန်းတာပေါ့။ ဆိုတော့ အပြောင်းအလဲက သိပ်မရှိနိုင်တော့ဘူး။ မိုးများ မဲ့ ဒေသ အပြောင်းအလဲကလည်း သိပ်မဖြစ်နိုင်လောက်ဘူး။ ဘာလို့လဲဆိုတော့ အရှေ့ဘက် တရုတ်ပြည် ကူမင်းဘက်ကနေ လာအို၊ ဗီယက်နမ်မြောက်ပိုင်းနဲ့ ထိုင်းနိုင်ငံမြောက်ပိုင်းကဖြတ်ဝင်လာမဲ့ တိမ်တိုက် ကြီးက တော်တော်ကြီးတယ်။ ဒီတိမ်တိုက်ကြီးတောက်လျှောက်ဝင်လာမဲ့ဟာက ကျွန်တော်တို့ဘက်ကို ပဲညွှန်းနေတာ။ ဆိုတော့ အပြောင်းအလဲက သိပ်အများကြီးရှိမှာတော့မဟုတ်ဘူး။ ရန်ကုန်တိုင်းဆို လည်း ခရမ်း၊ သုံးခွဘက်တွေအထိ မိုးကျမှာပဲ။ ဒါပေမဲ့ ခုနပြောသလို မိုးသက်လေပြင်းဖြစ်တဲ့အတွက် လေနဲ့အတူလွင့်သွားမှာဆိုတော့ တအားများများ မရွာနိုင်တာပဲရှိမှာ။ တခုရှိတာက နေရာကွက်ပြီး ဝုန်းဒိုင်းကျဲရွာသွားတာမျိုးတော့ ရှိနိုင်တယ်။ ဝင်လာတဲ့တိမ်ရဲ့ထုထည်၊ မိုးဖြစ်စေမဲ့ အပူချိန်၊ ငွေ့ရည် ဖွဲ့မှတ်တွေပေါ် မူတည်တာပေါ့”
Photos Crd_U Win Naing
#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)
#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)
ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။
Farm Link Co.,Ltd ကြော်ငြာ
.jpg)
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ question.title }}