‘ မိုးလေဝသ ခန့်မှန်းပညာ’ နဲ့ ကိုယ်တိုင်လေ့လာနိုင်စေဖို့..

ဒီနေ့ခေတ် တိုးတက်လာတဲ့ အိုင်တီခေတ်ကြီးထဲမှာ ဖုန်းတွေပေါ်ကဖြစ်စေ ကွန်ပျူတာပေါ်ကဖြစ်စေ မိုးလေဝသသတင်းတွေကို လွယ်လွယ်ကြည့်လို့ ရနိုင်မယ့် Application တွေက အများကြီးပေါ်နေပါပြီ။

အရေးကြီးတာက ဘယ် application သည် ဘယ်လောက်အထိ မှန်သလဲ၊ ဘယ် application ရဲ့ ခန့်မှန်းချက်တွေက ဘယ်လောက်အထိ updated ဖြစ်နေသလဲဆိုတာပါပဲ။

နာဂစ်မတိုင်ခင်ကတည်းက မြေပြင်မိုးလေဝသ chart(weather chart)တွေကို ထိုင်းမိုးလေဝသဌာနက တင်ပေးတယ်။ စပြီးလေ့လာကာစမို့လို့ ကျနော်မကြည့်တတ်ပါဘူး။ နာဂစ်နောက်ပိုင်းမှာတော့ မိုးလေဝသပညာရှင် ဆရာကြီးများဖြစ်တဲ့ ဆရာကြီးဦးထွန်းလွင်၊ ဆရာကြီးဦးချစ်ကျော်တို့ကိုလည်း မေးဖြစ်တယ်။ ဆရာကြီးတွေ weather chart အပေါ်ကိုးကားပြီး တင်ပေးတဲ့ မိုးလေဝသ အခြေအနေ တင်ပြပုံတွေကိုလဲ အသေးစိတ် လေ့လာကြည့် ဖတ်ကြည့်ဖြစ်လာပါတယ်။

ပညာရှင်ဆရာကြီးများရဲ့ ကျွမ်းကျင်မှု၊ အတွေ့အကြုံနဲ့ သတင်းတင်ပြပုံတွေဟာ မှတ်သားလေ့လာလို့ မကုန်နိုင်တာကြောင့် မိုးလေဝသပညာရပ်တွေကို စိတ်ဝင်တစားလေ့လာနေတဲ့ ကျနော့်အတွက်တော့ တကယ့်ကျေးဇူးရှင်ကြီးတွေပါပဲ။

အရင်ကတော့ မြေပြင်မိုးလေဝသ chart တွေ ရနိုင်ဖို့အတွက် မိုးပျံပူပေါင်းတွေ လွှတ်တင်ပြီး လေထု အလွှာအလိုက် လေစီးကြောင်းတိုက်ခတ်တဲ့အခြေအနေနဲ့ လေထုစိုထိုင်းဆအခြေအနေ၊ တိမ်ထုသိပ်သည်းမှုနဲ့ အပူချိန် ငွေ့ရည်ဖွဲ့အမှတ်တွေကို ပြည်နယ်နဲ့တိုင်း အသီးသီးမှာရှိကြတဲ့ မိုးလေဝသ station တွေက တိုင်းတာပေးပို့တာတွေ စတဲ့အချက်အလက်တွေပေါ်မူတည်ပြီး Weather chart တွေဆွဲ လိုအပ်တဲ့ ခန့်မှန်းချက်တွေ လုပ်ကြရတယ်လို့ သိရပါတယ်။

နောက်ပိုင်းခေတ်မီတိုးတက်လာတဲ့ သတင်းနဲ့နည်းပညာခေတ်ကြီးမှာတော့ Weather Chart တွေဆွဲတာ တစ် နေရာက တစ်နေရာပေးပို့တာတွေကို ဂြိုလ်တုနဲ့ မိုးလေဝသရေဒါတွေက ရတဲ့ အချက်အလက်တွေပေါ် မူတည်ပြီး ကွန်ပျူတာတွေနဲ့ ပုံဖော်ရေးဆွဲနိုင်နေပြီလို့ သိရပါတယ်။

Online မှာတော့ ထိုင်းမိုးလေဝသဌာနက ၆ နာရီတစ်ကြိမ် တင်ပေးနေတဲ့ မြေပြင်မိုးလေဝသ chart ကိုပဲ အားကိုးပြီး ကြည့်နေရပါတယ်။ အဲ့သလိုနဲ့ Weather Chart တွေရဲ့ အရေးပါပုံကို တဖြည်းဖြည်း နားလည်လာတယ်။ မျက်စေ့နဲ့ မမြင်ရတဲ့ မုတ်သုံမျဉ်းတွေ လေစီးကြောင်းမျဉ်းတွေကို မြင်တတ်လာတယ်။ ဂြိုလ်တုတိမ်ပုံတွေနဲ့ မြေပြင်မိုးလေဝသ chart တွေ တွဲကြည့်တာ၊ ဖြစ်လာနိုင်မယ့် မိုးလေဝသ အခြေအနေတွေ ကို ခန့်မှန်းတာ သဘောပေါက်လာပါတယ်။

အရေးအကြီးဆုံးကတော့ မိုးအခြေအနေနဲ့ပတ်သက်ပြီး မြေပြင်က အခြေအနေသတင်းတွေသိရရင် ကိုယ်ကောက်ချက်ဆွဲပြီး ခန့်မှန်းပေးလိုက်တာတွေက ဘယ်လောက်အထိ တိကျမှန်ကန်မှုရှိမလဲဆိုတာ ပြန်သုံးသပ်ပြီး မှားနေတဲ့ မတိကျတဲ့ခန့်မှန်းချက်တွေကို ဘယ်လိုပြင်ရမလဲဆိုတာ သိလာပါတယ်။ မိုးလေဝသ အခြေအနေနဲ့ ရာသီဥတုအခြေအနေတွေကို ကြိုတင်ခန့်မှန်းရာမှာ Application တစ်ခု၊ Information Source တစ်ခုတည်းကို ကိုးကားနေလို့တော့ မဖြစ်ပါဘူး။ ကမ္ဘာ့မိုးလေဝသခန့်မှန်းရေး model တွေထဲက ဘယ် model က ပိုပြီး တိကျသလဲ၊ update တွေ အချိန်တိုအတွင်းရနိုင်အောင် ဘယ်လို လုပ်ရမလဲဆိုတာတွေပါ လေ့လာရ စုဆောင်းရ၊ သုံးသပ်ရပါတယ်။

အရှေ့တောင်အာရှဒေသမှာ မုန်တိုင်းအများဆုံးဖြစ်တတ်တဲ့ ဖိလစ်ပိုင်နိုင်ငံနဲ့ ပစိဖိတ်သမုဒ္ဒရာ အနောက် မြောက်ပိုင်းက ဂျပန်နိုင်ငံတို့မှာ မုန်တိုင်းသတင်းတွေနဲ့ မုန်တိုင်းသတိပေးချက်တွေကို ဘယ်လိုတင်တယ်၊ တက်လာတဲ့သတင်းတွေပေါ်အခြေခံပြီး ပြည်သူလူထု မုန်တိုင်းအန္တရာယ်က လွတ်ကင်းအောင် ဘယ်လို အစီအမံတွေချမှတ်လုပ်ဆောင်နေကြတယ်။ သဘာဝဘေးအန္တရာယ်တစ်ခု ကျရောက်ပြီးတဲ့အချိန်မှာ ရှာဖွေကယ်ဆယ်ရေးလုပ်ငန်းတွေ ချက်ချင်းလုပ်နိုင်အောင် ဘယ်လိုပြင်ဆင်ထားကြတယ် စသည်ဖြင့် အတော်ကိုနှံ့စပ်‌အောင်ရှာဖွေလေ့လာနိုင်မှသာ ပြည်လူထုအတွက်ထိရောက်တဲ့ အကျိုးရှိလာမှာဖြစ်ပါတယ်။

ပြည်သူတွေအနေနဲ့လည်း ခေတ်မီနည်းပညာတွေကို အသုံးချပြီး ကိုယ်နေတဲ့ ဒေသ၊ မြို့/ရွာမှာ မိုးရွာနိုင်/မရွာနိုင် ကိုယ်တိုင်ခန့်မှန်းနိုင်အောင် ကြိုးစားကြည့်ကြစေချင်ပါတယ်။

မုန်တိုင်း သတင်း/မိုးလေဝသသတင်းမှားတွေကိုလဲ နှိုင်းယှဉ်ချင့်ချိန်တတ်လာကြမှာပဲ ဖြစ်ပါတယ်။

ဥပမာအနေနဲ့ အလွယ်တကူနဲ့ အခမဲ့ရနိုင်တဲ့ "Windy App - ECMWF Model" နဲ့ မိမိရပ်ရွာဒေသအတွင်း မိုးရွာနိုင်မယ့် အခြေအနေရှိ/မရှိခန့်မှန်းနည်းလေးကို ဖော်ပြပေးလိုက်ပါတယ်။

(၁) တိမ်ထုဖြစ်ပေါ်မှုအခြေအနေကို အရင်ကြည့်ပါ။ (Rain, Thunder)
(၂) သိလိုသည့်နေရာ Detail Forecast တွင် "Meteog" ကိုပြောင်းပါ၊ ပြီးရင်Clouds, rain("in" - လက်မ သိုမဟုတ် "mm" မီလီမီတာ)တိုင်ထိပ်အပြာရောင်ဖြစ်နေသည့်ပုံနေရာနှင့် Temperature - Dew Point နီးစပ်သည့် ရက်/အချိန်တို့တွင် မိုးရွာနိုင်ပါမယ်။

နမူနာအနေနဲ့ စက်တင်ဘာ ၂၉ ရက် ညနေပိုင်း လှည်းကူးမြို့နဲ့ အနီးတဝိုက်အတွက် မိုးရွာနိုင်မယ့် ရက်အချိန်ကို ပုံထဲမှာ ပြပေးထားပါတယ်။

သတိပြုရမှာကတော့.. ဒီကြိုတင်ခန့်မှန်းချက်က အများဆုံး ၃ ရက်၊ ၄ ရက်လောက်အထိသာ သေချာနိုင်တယ်ဆိုတာပါပဲ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...