လေဖိအားများရပ်ဝန်းနှင့် လေပွေလှိုင်းများကြောင့် ပြည်နယ်နှင့်တိုင်းအချို့ မိုးရွာနိုင်

အရှေ့မြောက်ဘက်က လေဖိအားများရပ်ဝန်းကြီးနဲ့ လေပွေလှိုင်းများရွေ့လျားဝင်ရောက်လာနိုင်မဲ့ အခြေအနေကြောင့် အခု မတ်လ ၁၂ ရက်နဲ့ ၁၃ ရက်နေ့တွေမှာ အချိန်အခါမဟုတ် မိုးရွာသွန်းမှုတွေ ရှိလာနိုင်တယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ပြောပါတယ်။ 

ဆိုတော့ မိုးရွာသွန်းနိုင်မှုတွေဟာ ဘယ်လိုကြောင့်ဖြစ်ပေါ်လာတာလဲ၊ ဘယ်ဒေသတွေမှာ ရွာနိုင်သလဲ၊ ဘယ်နေရာတွေမှာ မိုးများနိုင်သလဲဆိုတာတွေနဲ့ပတ်သက်လို့ ဦးဝင်းနိုင်ထံ Green Way က ဆက်သွယ် မေးမြန်းထားတာကို ဖော်ပြပေးလိုက်ပါတယ်။

မေး။   ။ ဘယ်လိုအခြေအနေတွေကြောင့် မိုးရွာသွန်းမှုတွေ ဖြစ်လာနိုင်တာလဲ..။

“ မတ်လ ၁၀ ရက်၊ ၁၁ ရက်လောက်ကစပြီးတော့ အရှေ့မြောက်ဘက်က ကူမင်းအထက်ဘက် တရုတ်ပြည်မကြီးကနေပြီးတော့ လေဖိအားများရပ်ဝန်းကြီးတစ်ခုကြောင့် အရှေ့မြောက် လေစီး ကြောင်း အားကောင်းလာတာ။ အဲ့ဒီလေစီးကြောင်းကြီးက အဲ့ဒီမှာဖြစ်နေတဲ့တိမ်တွေအကုန်လုံးကို တောင်ဘက်ကိုတွန်းပို့တယ်။ တွန်းပို့တဲ့အခါကျတော့ လာအိုနဲ့ထိုင်းပေါ်ကို ရောက်တယ်။ ပြီးတော့ ချင်းရိုင်တို့ ဇင်းမယ်တို့ကို ဖြတ်ပြီးတော့မှ မြန်မာပြည်ထဲကို တိမ်အကျန်တွေဝင်လာမှာ။ အဲ့ဒီဟာကြောင့်မို့ မိုးရွာတာတွေဖြစ်ကုန်မှာပေါ့။ 

မေး။  ။ မြန်မာနိုင်ငံ ဘယ်ဒေသတွေမှာ မိုးရွာသွန်းမှုတွေ ရှိလာနိုင်လဲ။

“ထိုင်းနိုင်ငံမြောက်ပိုင်းမှာကတော့ မိုးတော်တော်များများ ရွာလိမ့်မယ်။ အဲ့ဒီကနေ ကျန်တဲ့ မိုးတိမ်တွေက မွန်ပြည်နယ်၊ ကယားပြည်နယ်၊ ကရင်ပြည်နယ်၊ ရန်ကုန်တိုင်း၊ ပဲခူးတိုင်းနဲ့ ဧရာဝတီတိုင်းထဲကို ရောက်မယ်။ ဧရာဝတီတိုင်းကတော့ ရန်ကုန်တိုင်းအစပ် ဓနုဖြူလောက်ထိပဲ ရောက်မယ်။ ရန်ကုန်တိုင်းနဲ့ဆက်စပ်နေတဲ့နေရာတွေလောက်ထိပဲ”

မေး။   ။ မိုးများနိုင်တာက ဘယ်ဒေသတွေဖြစ်မလဲ၊ ဘယ်လောက်အထိများနိုင်လဲ။ 

“ တကယ်များနိုင်တာက ရန်ကုန်တိုင်းနဲ့ ပဲခူးတိုင်းလောက်ပဲဖြစ်မယ်။ ပဲခူးတိုင်းကပိုများမယ်။ ဝေါပတ်ဝန်းကျင်။ ပြီးတော့ တိုက်ကြီးနဲ့ ပဲခူးကြား လှည်းကူးတို့၊ အင်းတကော်တို့ ပါမှာပေါ့။ အဲ့ဒီနေရာတွေမှာ များနိုင်တယ်။ ပြီးတော့ ကျိုက်ထို၊ ညောင်လေးပင်နဲ့ ပဲခူး ဒီမြို့သုံးမြို့ရဲ့ ကြားထဲနေရာတွေလည်း များနိုင်တယ်။ ဒါပေမဲ့ အများဆုံးရွာနိုင်တာက ၁ လက်မကျော်၊ ၁ လက်မခွဲလောက်ပဲ။ အရမ်းအများကြီးတော့ မဟုတ်ဘူး။ ဒါဒီနေ့ရတဲ့ ECMWF ကြိုတင်ခန့်မှန်းချက် အရပေါ့။ နောက်ရက်တွေဆိုရင်တော့ သိတဲ့အတိုင်း လေစီးကြောင်းပြောင်းသွားရင်တော့ ရွာမဲ့နေရာတွေ ပြောင်းသွားနိုင်သေးတယ်။ အဲ့ဒါတော့ ဆက်ကြည့်ရဦးမှာပေါ့။ 

မေး။   ။ ဘယ်ရက်တွေ၊ ဘယ်အချိန်တွေမှာ မိုးစရွာနိုင်လဲ၊ ပြီးရင်ကော ဘယ်အထိ မိုးရွာသွန်းမှုတွေ ဆက်ရှိနေနိုင်လဲ။

၁၂ ရက်နေ့ ည ၆ နာရီလောက်ကစပြီး တိမ်အမြင့်တွေ စပြီးဝင်မယ်။ ၁၃ ရက်နေ့ မနက် ၃ နာရီလောက်ကျမှ စပြီးတော့ တိမ်အနိမ့်တွေဖြစ်မယ်။ အဲ့ဒီတိမ်အနိမ့်တွေက မနက် ၆ နာရီမှာ Temperature (အပူချိန်)၊ Dew point(ငွေ့ရည်ဖွဲ့မှတ်) ကိုက်သွားတဲ့အချိန် မိုးတွေကျမှာပေါ့။ တိမ်တွေပြိုပြီး မိုးကျလာချိန်တော့ စိုက်ဆင်းလေပြင်းမျိုးတွေ သတိထားရနိုင်တယ်။ ဆိုတော့ လေလည်း ပါနိုင်တယ်။ တစ်နာရီကို ၁၀ မိုင် ၁၅ မိုင်လောက်ထိ တိုက်နိုင်တယ်။ မနက် ၉ နာရီ လောက်ထိ မိုးရွာနိုင်တယ်။ ပြီးရင်တော့ မရှိတော့ပြန်ဘူး။ 

Photos Crd_U Win Naing

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်