မိုးတိမ်တောင်တွေနဲ့အတူ မိုးဆက်သွားနိုင်မယ့်အချိန်...

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီနေ့ မေ ၂၆ ရက် ညနေပိုင်းထုတ်ပြန်ချက်မှာတော့ ‘ လွန်ခဲ့သော (၂၄)နာရီအတွင်းက အနောက်တောင်မုတ်သုံလေသည် မြန်မာနိုင်ငံတောင်ပိုင်းဒေသများ၊ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းသို့ဝင်ရောက်ခဲ့ပြီးဖြစ်ပါသည်’ လို့ ဖော်ပြထားတာတွေ့ရပါတယ်။

ဒါ့အပြင် ‘ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ်တောင်များဖြစ်ထွန်းမှုအားကောင်းနေပြီး၊ အဆိုပါ မိုးတိမ်တောင်များရွေ့လျားရာနေရာတစ်လျှောက်တွင် မိုးရွာသွန်းခြင်းနှင့်အတူလေပြင်းတိုက်ခတ် ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန်အကြံပြုအပ်ပါသည်’ လို့လည်း ထုတ်ပြန်ချက်တွေထဲမှာ ဖော်ပြထားတာတွေ့ရပါတယ်။

ဒီမိုးတိမ်တောင်တွေဟာ ဘယ်ကနေ ဝင်လာကြတာလဲ၊ ဒါတွေကြောင့် ဘယ်လိုမိုးလေဝသအခြေအနေ တွေဖြစ်နိုင်လဲဆိုတာကို နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသခန့်မှန်းပေးနေသူ ဦးဝင်းနိုင်ကို မေးကြည့်ရာမှာတော့...

“ မိုးတိမ်တောင်တွေက အခုအနေအထားမှာဆိုရင် ပုသိမ်ရဲ့အနောက်ဘက် ပင်လယ်ပြင်မှာလည်း အနောက်တောင်လေတိုက်နေတယ်။ ၂၇ ရက်နေ့ ညပိုင်းလောက်ဆို အာ့နေရာမှာ အားကောင်းတော့ မှာ။ အခု သူတို့ပြောထားတဲ့ မိုးတိမ်တောင်တွေဆိုတာကတော့ အနောက်တောင်ဘက်ကနေ ဝင်လာတဲ့ မိုးတိမ်တောင်တွေရှိတယ်။ နောက်ပြီးတော့ ကပ္ပလီပင်လယ်မြောက်ပိုင်းနဲ့ တောင်ပိုင်းကနေပြီးတော့ မွန်ပြည်နယ်နဲ့ တနင်္သာရီတစ်ခုလုံးကို ဝင်မယ့်မိုးတိမ်တောင်တွေရှိတယ်။ ဆိုတော့ ဒီမိုးတိမ်တောင်တွေ ကြောင့် မိုးတွေရွာလာမှာ။ နေရာကွက်မိုးကြီးသွားနိုင်တဲ့ အနေအထားတွေလည်းရှိတယ်” လို့ ပြောပါတယ်။

ယခုလကုန် ဇွန်လဆန်းပိုင်းမှာတော့ ဒီမိုးတိမ်တောင်ဖြစ်ပေါ်မှုတွေဟာ မြန်မာနိုင်ငံအထက်ပိုင်းဒေသတွေထိ ရောက်ရှိသွားပြီး မိုးဆက်သွားနိုင်တော့မှာဖြစ်တယ်လို့ ဦးဝင်းနိုင်က ခန့်မှန်းပါတယ်။

“ ဇွန်လဆန်း ၃ ရက်၊ ၄ ရက်ဆိုရင် မိုးတိမ်တောင်တွေက ဘင်္ဂလားပင်လယ်အော်တောင်ပိုင်း၊ ဘင်္ဂလားပင်လယ် အော်အရှေ့အလယ်ပိုင်းနဲ့ ကပ္ပလီပင်လယ်ပြင်တစ်ခုလုံးမှာ ဖြစ်တော့မှာ။ အဲ့ကောင်တွေက ကျွန်တော်တို့ဘက် ကို ဝင်လာမှာ။ ဘယ်အထိလဲဆိုတော့ နေပြည်တော်အထက်ပိုင်း မြန်မာပြည်အလယ်ပိုင်းတွေထိသွားတော့မယ်၊ ရှမ်းပြည်နယ်ထိလည်း ရောက်မယ်။ အဲ့ကောင်တွေ ဝင်လာရင်တော့ တောက်လျှောက်မိုးဆက်သွားတော့မှာ”

လက်ရှိ တောင်ပိုင်းမှာမုတ်သုံဝင်နေတဲ့အနေအထားကြောင့်မို့လို့ နောက် ၃ ရက် (၇၂ နာရီ) အတွင်း မွန်၊ ကရင်၊ တနင်္သာရီ တစ်ခုလုံးမှာ မိုးရွာနိုင်ပြီး များတဲ့နေရာတွေမှာ ၂ လက်မ နီးပါးလောက်ထိ ရွာနိုင်ကြောင်း၊ နောက် ၃ ရက်ကနေ ၅ ရက်အတွင်းဆိုရင်တော့ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ ကယားပြည်နယ်တွေထိ မိုးရွာမယ့်အနေအထားဖြစ်လာပြီး အများဆုံးကတော့ ဧရာဝတီတိုင်းထဲမှာ ဖြစ်မယ်လို့လည်း ဦးဝင်းနိုင်က ခန့်မှန်းပါတယ်။

မိုး/ဇလရဲ့ မနက်ဖြန်နံနက်အထိခန့်မှန်းချက်မှာတော့ ‘တနင်္သာရီတိုင်းဒေသကြီး၊ ကချင်ပြည်နယ်၊ ချင်း ပြည်နယ်နှင့် မွန်ပြည်နယ်တို့တွင် နေရာအနှံ့အပြား၊ နေပြည်တော်၊ ပဲခူးတိုင်းဒေသကြီး၊ ရန်ကုန်တိုင်း ဒေသကြီး၊ ရှမ်းပြည်နယ်(အရှေ့ပိုင်း)နှင့် ကရင်ပြည်နယ်တို့တွင် နေရာစိပ်စိပ်၊ စစ်ကိုင်းတိုင်းဒေသကြီး အထက်ပိုင်း၊ မန္တလေးတိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်(မြောက်ပိုင်းနှင့်တောင်ပိုင်း) နှင့် ရခိုင်ပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်’ လို့ ထည့်သွင်းထုတ်ပြန်ထားတာတွေ့ရပါတယ်။

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...