နိုဝင်ဘာ ၂၃ နောက်ပိုင်း မိုးတွေလာစေမယ့် တောင်တရုတ်ပင်လယ်က 97 W စဖြစ်

ဘင်္ဂလားပင်လယ်အော်ထဲက လေဖိအားနည်းရပ်ဝန်း ပြီးဆုံးသွားလို့ ဒီနေ့ကစပြီး နေသာတော့မှာ ဖြစ်ပေမယ့် တောင်တရုတ်ပင်လယ်မှာ ကြိုတင်ခန့်မှန်းထားတဲ့အတိုင်း လေဖိအားနည်းရပ်ဝန်းစောင့် ကြည့်ဧရိယာ (97 W) စဖြစ်လာလို့ နိုဝင်ဘာ ၂၃ နောက်ပိုင်း တိုင်းနဲ့ပြည်နယ်အများစုမှာ မိုးရွာသွန်းမှု တွေ ဆက်ရှိမှာဖြစ်တယ်လို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကား ခန့်မှန်းပေးနေသူ ဦးဝင်းနိုင်က ပြောပါတယ်။

တောင်တရုတ်ပင်လယ် ဗီယက်နန်တောင်ဘက်ကမ်းခြေအနီးမှာ စတင်ဖြစ်ပေါ်လာတဲ့ ဒီ 97 W ဟာ မြန်မာနိုင်ငံတောင်ပိုင်းကနေ ဖြတ်ထွက်မှာဖြစ်လို့ မြန်မာနိုင်ငံအပေါ် သက်ရောက်မှုကြီးနိုင်ပြီး ချင်းပြည်နယ်၊ ကချင်ပြည်နယ်နဲ့ ရှမ်းပြည်နယ်မြောက်ပိုင်းဒေသအချို့ကလွဲလို့ နေရာအနှံ့အပြားမှာ မိုးရွာနိုင်တာ၊ မိုးများနိုင်တာတွေ ရှိလာနိုင်တာ ဖြစ်ပါတယ်။

ဒီအခြေအနေတွေနဲ့ပတ်သက်လို့ ဦးဝင်းနိုင်ထံ Green Way က ဆက်သွယ်မေးမြန်းထားတာတွေကို ဖော်ပြ ပေးလိုက်ပါတယ်။

97 W ဖြစ်လာတဲ့အခြေအနေက ဘယ်လိုရှိလဲ?

“ 94 B သက်ရောက်မှုက ဒီနေ့ကစပြီး မရှိတော့ဘူး။ အဲ့ဒီတော့ ဒီနေ့ကစပြီး ၂၃ ရက်နေ့အထိက နေသာမယ်။ ဟိုး တိမ်အမြင့်တွေ ဖုံးတာလောက်ပဲရှိတော့မယ်။ တချို့နေရာတွေ မိုးအုံ့နိုင်တဲ့သဘောပေါ့။ ဒီကောင်က အားကောင်း တဲ့လေဖိအားနည်းရပ်ဝန်းအဆင့်နဲ့ပဲ ပြီးသွားတာ။ နောက်တစ်ခုက အခု 97 W ကကျ အားပိုကောင်းတယ်။ ဆိုတော့ 94 B ဘက်က တိမ်တွေတော်တော်များများက အောက်ဘက် ဆူမားတြားကျွန်းပေါ်ကဖြတ်ပြီး အဲ့ဒီ 97 W ရဲ့ လေစီး ကြောင်းထဲ အကုန်ရောက်ကုန်တာ။ လေစီးကြောင်းအားကောင်းတဲ့ဘက်ကို ပေါင်းကုန်တာပေါ့”

မြန်မာနိုင်ငံကို ဘယ်လို ဖြတ်သန်းဝင်ရောက်လာမှာလဲ?

“ သူက အခုလောလောဆယ်ထုတ်ပြန်ချက်အနေအထားတွေအရဆို မြိတ်အပေါ်တည့်တည့် ဒါမှမဟုတ် မြိတ်အောက်ဘက်လောက်ကနေ ဖြတ်လိမ့်မယ်။ ဖြတ်ပြီးသွားရင် ကပ္ပလီပင်လယ်ပြင်မြောက်ပိုင်းနဲ့ ထားဝယ်နဲ့ ကြားထဲလောက်ကို အရင်စရောက်မှာ။ ကပ္ပလီပင်လယ်ပြင်စရောက်ချိန်ဆို ပင်လယ်ပြင်အပူချိန်က မြင့်နေသေး တယ်။ အဲ့ဒါကြောင့် ကပ္ပလီပင်လယ်ပြင်၊ ဘင်္ဂလားပင်လယ်အော်အလယ်ပိုင်းနဲ့ တောင်ပိုင်းတွေမှာက ပင်လယ် ရေမျက်နှာပြင်အပူချိန်တွေက မြင့်နေသေးတဲ့အတွက် မုန်တိုင်းအတွက် အားကောင်းနေသေးတယ်။ တကယ်လို့ မုန်တိုင်းဖြစ်လာမယ်ဆိုရင်ပေါ့”

“ ကျွန်တော်တို့လမ်းကြောင်းဆွဲထားတဲ့ထဲမှာတွေ့လိမ့်မယ်။ (ပုံတွင်ကြည့်ရန်) ပွိုင့်နံပါတ် ၆၊ ၇၊ ၈ က ထိုင်းပင်လယ်ကွေ့ထဲမှာ။ နံပါတ် ၉ ကကျ မြိတ်ရဲ့အောက်ဘက်ကနေ ဖြတ်ဝင်တာပေါ့။ အဲ့ဒီဟာရဲ့ နောက်ပိုင်း ၁၀၊ ၁၁၊ ၁၂ နောက်ပိုင်းတွေကို ကျွန်တော်တို့သတိထားကြည့်ရမယ်။ သူက ပင်လယ် ရေမျက်နှာပြင်အပူချိန် မြင့်နေတဲ့အတွက်ရယ်၊ တိမ်တွေပိုပြီးတော့ သူ့ဆီကို ပေါင်းလာတဲ့အတွက်ရယ်၊ ဘယ်လောက်ထိ အားကောင်းလာမလဲဆိုတာ စောင့်ကြည့်ရမယ်”

ဒီအရှိန်နဲ့ မိုးရွာသွန်းမှုဖြစ်မှာတွေက ဘယ်ဒေသတွေဖြစ်မလဲ?

“ ချင်း၊ ကချင်၊ ရှမ်း(မြောက်) မပါဘူး။ ကျန်တဲ့ တိုင်းနဲ့ပြည်နယ် နေရာအကုန်လုံးပါတယ်။ စစ်ကိုင်းတိုင်း ဆိုရင်တော့ မုံရွာတည့်တည့်လောက်။ နောက် မိုးကုတ်လောက်အထိပဲ ရောက်နိုင်တယ်။ ဒါက လောလောဆယ် ရထားတဲ့အနေအထားအရ။ ဒါပေမဲ့ အခြေအနေက ပြောင်းနိုင်သေးတယ်။ ဘယ်လိုမျိုး ပြောင်းနိုင်တာလဲ ဆိုတော့ ပိုပြီးတော့ အားကောင်းလာဖို့ရှိမယ်လို့ပဲ ကျွန်တော်ကတော့ မှန်းတယ်"

"အားကောင်းလာရင်တော့ မိုးကုတ်အထက်ပိုင်းလောက်ထိ ရောက်သွားနိုင်တယ်။ ကချင်ပြည်နယ်ထဲထိတော့ မရောက်နိုင်ဘူး။ ဘာလို့လဲဆိုတော့ အပူချိန်တွေက တအားကျပြီး အေးနေလို့။ နောက်တစ်ခုက အရှေ့မြောက်ဘက်ကတိုက်နေတဲ့ လေအေးစီးကြောင်းကြီးနဲ့ High pressure ကြီးက တွန်းချနေတဲ့ အနေအထားကိုလည်း သူဆုံရမယ်။ ဆိုတော့ သူက အပေါ်က မတက်နိုင်ဘူးပေါ့”

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...