လေပွေလှိုင်းဆက်ရှိနေပြီး မိုးရွာနိုင်သည့်ဒေသများ ယခင်အခြေအနေအတိုင်းဆက်ရှိ

လက်ရှိဖြစ်ပေါ်နေတဲ့ လေပွေလှိုင်းဟာ ဘင်္ဂလားပင်လယ်အော် အရှေ့အလယ်ပိုင်းထဲမှာပဲ ဆက်ရှိနေသေးပြီး ဒီအရှိန်ကြောင့် ဒေသအချို့မိုးရွာနိုင်တာ၊ နေရာကွက်မိုးကြီးနိုင်တာတွေကတော့ ယခင်ခန့်မှန်းချက်တွေအတိုင်းပဲ ဆက်ရှိနေသေးတယ်လို့ နိုင်ငံတကာမိုးလေဝသထုတ်ပြန်ချက်တွေကို ကိုးကားပြီး မိုးလေဝသ ခန့်မှန်းပေးနေသူ ဦးဝင်းနိုင်က ပြောပါတယ်။

ဒါနဲ့ပတ်သက်လို့ လေပွေလှိုင်းရဲ့ နောက်ဆုံးအခြေအနေ၊ မိုးရွာနိုင်တဲ့ဒေသတွေအခြေအနေတွေအပေါ် ဦးဝင်းနိုင်ထံ Green Way က ဆက်သွယ်မေးမြန်းထားတာကို ဖော်ပြပေးလိုက်ပါတယ်။

လေပွေလှိုင်းရဲ့အခုနောက်ဆုံးအခြေအနေက ဘယ်လိုဖြစ်နေပြီလဲ?

“သူက သိပ်မကွာဘူး။ ဘင်္ဂလားပင်လယ်အော် အရှေ့အလယ်ပိုင်းထဲမှာပဲ။ သူက သိပ်ပြီးတော့ သိသိသာသာ လည်းမရွေ့ဘူး။ အားလည်းမကောင်းလာဘူး။ ၂၉၊ ၃၀ လောက်ဆိုရင် လုံးဝပျက်သွားတော့မှာ။ ကျွန်တော် အရင်ပြောခဲ့သလိုပဲ ပင်လယ်ရေမျက်နှာပြင်အပူချိန်က မုန်တိုင်းတစ်လုံးအဖြစ် အားကောင်းလာ နိုင်တဲ့အခြေအနေမှာ မရှိနေလို့”

မိုးရွာနိုင်တဲ့ဒေသတွေအခြေအနေကော ဘယ်လိုရှိနေပြီလဲ?

“ မိုးရွာတာ၊ မိုးရွာနိုင်တာတွေကလည်း အရင်အတိုင်းပဲ။ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း ဒီသုံးခု ကတော့ ထုံးစံအတိုင်းပဲ။ ကမ်းရိုးတန်းနဲ့နီးတဲ့ဒေသတွေကတော့ မိုးပိုများနေဦးမယ်။ ကမ်းရိုးတန်းနဲ့နီး တဲ့ဒေသဖြစ်လေ မိုးပိုများလေ ဖြစ်နေဦးမှာပဲ။ မွန်၊ တနင်္သာရီဘက်ဆိုလည်း ကမ်းရိုးတန်းတစ်လျှောက် လုံးကတော့ မိုးတွေများနေဦးမယ်။ နေရာကွက်ပြီး မိုးကြီးနိုင်တာတွေလည်း ရှိနိုင်တယ်” 

“ ကျန်တဲ့ ရခိုင်ပြည်နယ်တောင်ပိုင်း၊ အရှေ့ပိုင်း၊ ကယားပြည်နယ်၊ မန္တလေးတိုင်းတောင်ပိုင်း ကျောက်ဆည်ရဲ့အောက်ဘက်၊ နေပြည်တော်တို့ဘာတို့လည်း နည်းနည်းပါမယ်။ နောက် ပဲခူးတိုင်းနဲ့ မကွေးတိုင်းနယ်စပ် ပြည်လောက်အထိလည်း အရင်ပြောထားတဲ့အတိုင်း မိုးတွေတော့ရှိမယ်။ ဒါပေမဲ့ ခပ်ပါးပါး ပဲရှိမယ်။ ဆိုပါတော့။ တံတားဦးတို့ ဘာတို့ မန္တလေးအထက်ဘက်တွေမှာဆိုရင် အအေးတွေ ပိုလာနေပြီဆိုတော့ ဒီလေပွေလှိုင်း အဆင့်လောက်နဲ့တော့ မိုးရွာနိုင်မဲ့တိမ်တွေ တွန်းမပို့ နိုင်ဘူး”  

မိုးလေဝသနှင့်ဇလဗေဒညွှန်ကြားမှုဦးစီးဌာနရဲ့ ဒီနေ့ နိုဝင်ဘာ ၂၇ ရက် မွန်းလွဲ ၂ နာရီ ထုတ်ပြန်ချက်မှာတော့ ‘ လွန်ခဲ့သော(၂၄)နာရီအတွင်းက ရန်ကုန်တိုင်းဒေသကြီး၊ တနင်္သာရီတိုင်း ဒေသကြီးနှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် နေရာအနှံ့အပြား၊ ပဲခူးတိုင်းဒေသကြီး၊ ဧရာဝတီတိုင်းဒေသကြီးနှင့် ကယားပြည်နယ်တို့တွင် နေရာကျဲကျဲနှင့် ကရင်ပြည်နယ်နှင့် မွန်ပြည်နယ်တို့တွင် နေရာကွက်ကျား မိုးထစ်ချုန်းရွာခဲ့ပါသည်’ ဟု ထည့်သွင်းဖော်ပြထားပါတယ်။

လက်ရှိ မိုးလေဝသအခြေအနေ ထုတ်ပြန်ချက်တွေအရ တောင်တရုတ်ပင်လယ်ဘက်မှာ ဒီဇင်ဘာလ ၂ ရက်နေ့က စပြီး မုန်တိုင်းတစ်လုံးဖြစ်နိုင်တဲ့အခြေအနေရှိနေပြီး ကပ္ပလီပင်လယ်ကတဆင့် ဘင်္ဂလား ပင်လယ်အော်အရှေ့အလယ်ပိုင်း/အရှေ့တောင်ပိုင်းကို ဒီဇင်ဘာလ ၅ ရက်နဲ့ ၆ ရက်တွေမှာ ရောက်လာ နိုင်တယ်လို့လည်း ဦးဝင်းနိုင်က ခန့်မှန်းပါတယ်။ ဒီတစ်လုံးဖြစ်လာမယ်ဆိုရင်တော့ လေပွေလှိုင်းအဆင့် မဟုတ်ဘဲ မုန်တိုင်းဖြစ်လာနိုင်တာကြောင့် သက်ရောက်မှု ပိုများနိုင်ပြီး အခု ကနဦးကြိုတင်ခန့်မှန်းချက် တွေအရတော့ တနင်္သာရီတိုင်းနဲ့ ဧရာဝတီတိုင်းတွေမှာ ဒီဇင်ဘာလ ၄ ရက် ၅ ရက်က စပြီး မိုးသက် လေပြင်းတွေ ကျနိုင်/မိုးများနိုင်ဦးမယ်လို့ ဦးဝင်းနိုင်က ဆိုပါတယ်။

ဒီမုန်တိုင်းဖြစ်နိုင်၊ မဖြစ်နိုင်ဆိုတာကိုလည်း Green Way အနေနဲ့ ဦးဝင်းနိုင်ထံ ဆက်သွယ်မေးမြန်းပြီး ဆက်လက်တင်ပြပေးသွားမှာဖြစ်ပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more