မုန်တိုင်းလမ်းကြောင်း တောင်ဘက်ရွေ့သွားမှုကြောင့် အရှိန်သက်ရောက်မှုလျော့နိုင်

ဒီနေ့ နိုဝင်ဘာလ ၂၉ ရက် နေ့လယ် ၂ နာရီခွဲမှာရရှိတဲ့ ECMWF Model ရဲ့ လမ်းကြောင်း update အရ တောင်တရုတ်ပင်လယ်မှာ ဒီဇင်ဘာလ ၂ ရက်နေ့မှာ စ ဖြစ်လာနိုင်မဲ့ လေဖိအားနည်းရပ်ဝန်းရဲ့ စတင် ဖြစ်ပေါ်တဲ့ တည်နေရာနဲ့ ဆက်လက်ရွေ့လျားမဲ့ လမ်းကြောင်းတွေက တောင်ဘက်ကို ရွေ့လျားသွားလို့ သက်ရောက်မှုအရှိန် လျော့သွားနိုင်တယ်လို့ နိုင်ငံတကာမိုးလေဝသမော်ဒယ်ထုတ်ပြန်ချက်တွေကို ကိုးကားပြီး မိုးလေဝသခန့်မှန်းသူ ဦးဝင်းနိုင်က ပြောပါတယ်။

ဆက်လက်ရွေ့လျားမဲ့လမ်းကြောင်းအနေနဲ့ အနောက်-အနောက်တောင်ဘက်ကို ဆက်လက်ရွေ့လျားပြီး ကပ္ပလီပင်လယ်ပြင်တောင်ပိုင်းကတဆင့် ဘင်္ဂလားပင်လယ်အော်အရှေ့တောင်ပိုင်းကို ရောက်ရှိကာ အားကောင်းတဲ့ မုန်တိုင်းတစ်လုံးဖြစ်လာနိုင်ကြောင်း တွေ့ရတယ်လို့ ဦးဝင်းနိုင်က ဆိုပါတယ်။

“ ထားဝယ်နဲ့ ကော့သောင်းကြား တနင်္သာရီတိုင်းတောင်ပိုင်းမှာ အများဆုံးဖြစ်ပါမယ်၊ ကျန်တဲ့ ဒေသတွေတော့ လျော့သွားနိုင်ပါတယ်။ စ ဖြစ်တဲ့ အချိန်မှာ သက်ရောက်မှု မရှိသေးပါဘူး။ ၄ ရက် / ၅ ရက် နောက်ပိုင်း ကပ္ပလီပင်လယ်ထဲ ရောက်ပြီးမှ သက်ရောက်မှု စဖြစ်မှာပါ” လို့ ဦးဝင်းနိုင်က Green Way ကို ပြောပါတယ်။

ကပ္ပလီပင်လယ်နဲ့ ဘင်္ဂလားပင်လယ်အော်မှာ မုန်တိုင်းဖြစ်လာနိုင်မဲ့ အခြေအနေကပျက်မသွားပေမဲ့ စတင်ဖြစ်ပေါ်တဲ့တည်နေရာနဲ့ ရွေ့လျားမဲ့လမ်းကြောင်းက တောင်ဘက်ကိုရောက်သွားတာဖြစ်တယ်လို့ သိရပါတယ်။ 

လက်ရှိအနေအထားတွေအတိုင်း အပြောင်းအလဲမဖြစ်ဘူးဆိုရင်တော့ ကပ္ပလီပင်လယ်အတွင်း မုန်တိုင်းဖြစ်လာပြီးတဲ့နောက် မုန်တိုင်းအရှိန်သက်ရောက်မှုတွေဟာ ဒီဇင်ဘာလ ၅ ရက်နေ့မှစတင်ပြီး တနင်္သာရီတိုင်းနဲ့ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ကရင်ပြည်နယ်၊ မွန်ပြည်နယ်တို့မှာသာ သက်ရောက်မှုရှိနိုင်တော့မယ်လို့လည်း ဦးဝင်းနိုင်က ခန့်မှန်းပါတယ်။

လမ်းကြောင်းဟာ တောင်ဘက်ကို ထပ်ရောက်သွားမလား၊ မြောက်ဘက် ပြန်တက်လာမလားဆိုတာ ကိုတော့ ဆက်လက်စောင့်ကြည့်ရဦးမှာဖြစ်တယ်လို့ သိရပါတယ်။

အိန္ဒိယမိုးလေဝသဌာနက ဒီနေ့ထုတ်တဲ့ ထုတ်ပြန်ချက်မှာလည်း ခန့်မှန်းဒီဇင်ဘာလ ၄ ရက်နေ့ လောက် မှာ "လေပွေလှိုင်းအသစ်တစ်ခု ကပ္ပလီပင်လယ်ပြင်မှာဖြစ်လာနိုင်ကြောင်း" ဖော်ပြထားတယ်လို့လည်း ဦးဝင်းနိုင်က ပြောပါတယ်။

#ဒီမုန်တိုင်းဖြစ်လာနိုင်ချေ၊ သက်ရောက်နိုင်ချေတွေနဲ့ပတ်သက်လို့ Green Way အနေနဲ့ ဦးဝင်းနိုင်ထံ မေးမြန်းပြီး သတိပေးသတင်းတင်ဆက်မှုတွေ ဆက်တိုက်ပြုလုပ်ပေးသွားမှာ ဖြစ်ပါတယ်။

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်