အစိမ်းရောင်လမ်း - တစ်ပတ်အတွင်း မိုးလေဝသအခြေအနေ ကြိုတင်ခန့်မှန်းချက် (ဇွန် ၈

ကပ္ပလီပင်လယ်၊ ဘင်္ဂလားပင်လယ်အော်တွေမှာ လေဖိအားနည်းရပ်ဝန်း/မုန်တိုင်းဖြစ်ပေါ်နိုင်မယ့် အခြေအနေမရှိ။
မြန်မာနိုင်ငံတောင်ပိုင်းဒေသတွေမှာ ရွာသွန်းမြဲမိုးရေချိန်အောက်သာ ရှိနေနိုင်ပြီး နေ့အပူချိန်များ ဆက်လက်မြင့်တက်နိုင်
နောက် ၃ ရက်အတွင်း အလယ်ပိုင်းဒေသများ၊ ချင်းပြည်နယ်တောင်ပိုင်း၊ ရှမ်းပြည်နယ်တောင်ပိုင်းတွေမှာ မိုးအားလျော့နည်းနိုင်

ရာသီဥတု ကြိုတင်ခန့်မှန်းမှာ လာနီညာဖြစ်စဉ်ဆက်လက်ဖြစ်ပေါ်နေဆဲ အခြေအနေအရ အာရှတိုက်အရှေ့ပိုင်းနဲ့ ထိုင်ဝမ်မြောက်ပိုင်းဒေသတွေမှာ နေရာအနှံ့အပြားမိုးရွာသွန်းနိုင်ခြေ ဆက်လက်ရှိနေပေမဲ့ တောင်အာရှဒေသတွေအတွက်တော့ မုတ်သုံလေအားလျော့ကျနေနိုင်မှာဖြစ်ကြောင်း၊ တောင်တရုတ်ပင်လယ်၊ ကပ္ပလီပင်လယ်၊ ဘင်္ဂလားပင်လယ်အော်နဲ့ အာရေဗျပင်လယ်ပြင်တွေမှာ လေဖိအားနည်းရပ်ဝန်း/မုန်တိုင်းဖြစ်ပေါ်နိုင်မယ့် အခြေအနေမရှိသေးကြောင်းလည်း ခန့်မှန်းချက်မှာ တွေ့ရပါတယ်။

မြန်မာနိုင်ငံ တောင်ပိုင်းဒေသတွေ (နေပြည်တော်ကနေ အောက်ပိုင်းတစ်လျှောက်) မှာလည်း ဇွန်လ ၁၅ ရက်မှ ၂၁ ရက် - ရက်သတ္တပတ်တစ်ပတ်အတွင်း ရွာသွန်းမြဲမိုးရေချိန်ရဲ့ ၃ ပုံ ၁ ပုံခန့်သာ ရွာသွန်းနိုင်ဖွယ်ရှိပြီး တစ်နိုင်ငံလုံးရဲ့ နေ့အပူချိန်များ ဆက်လက်မြင့်မားနေဦးမယ့် အခြေအနေရှိကြောင်း ၊ မြန်မာနိုင်ငံအလယ်ပိုင်းနဲ့ မြောက်ပိုင်းဒေသတွေမှာတော့ ဇွန်လ ၁၄ ရက်နောက်ပိုင်းမှ ပုံမှန်ရွာသွန်းမြဲ မိုးရေချိန်ပြည့်မီအောင် ရွာသွန်းနိုင်မှာဖြစ်ကြောင်း ခန့်မှန်းချက်ရှိတာကို တွေ့ရပါတယ်။

နောက် ၃ ရက်အတွင်းမှာ အလယ်ပိုင်းဒေသများ၊ ချင်းပြည်နယ်တောင်ပိုင်း၊ ရှမ်းပြည်နယ်တောင်ပိုင်းတွေမှာ မိုးအားလျော့နည်းနေပြီး ကျန်ပြည်နယ်နဲ့ တိုင်းဒေသတွေမှာတော့ နေရာကွက်ပြီး မိုးကြီးနေဦးမယ်လို့လည်း ECMWF ကြိုတင်ခန့်မှန်းပုံမှာ တွေ့ရပါတယ်။

“ အလယ်ပိုင်းဒေသတွေက အပူချိန်တွေတက်လာတယ်။ ကျွန်တော် ဆားလင်းကြီးကို ဗဟိုထားပြီး အပူချိန်ကြည့်တဲ့အခါကျတော့ အလယ်ပိုင်း မိုးနည်းရေရှားဒေသပေါ့။ အဲ့ဒီနေရာတွေမှာက နေ့အပူချိန်တွေက ၃၇ ဒီဂရီထိ မြင့်လာတာတွေ့တယ်"

“ ကိုကိုးကျွန်းလေတိုက်နှုန်းအခြေအနေကို သွားပြီးလေ့လာတဲ့အခါကျတော့ ဇွန် ၁၂ ရက်နောက်ပိုင်းမှာ လေတိုက်နှုန်းကျသွားတယ်။ ဆိုတော့ ကိုကိုးကျွန်းမှာ လေအားလျော့သွားတဲ့အခါမှာ အလယ်ပိုင်းတွေမှာက နေ့အပူချိန်တွေ တက်လာမယ်”

“ အရှေ့ဘက်ကဝင်မယ့်တိမ်တိုက်အနေအထားက ဘယ်လိုဖြစ်မလဲတော့ မသိသေးဘူး။ အဲ့ဒီတစ်ချက်တော့ စောင့်ကြည့်ရမယ်။ ဒါလည်း ပြောလို့တော့မရဘူး။ အဲ့ဒီတိမ်တိုက်အနေအထားက အခုလောလော ဆယ်ကို ဗီယက်နမ်ပင်လယ်ကွေ့ပေါ့နော်။ ဟိုင်နန်ကျွန်း ပတ်ဝန်းကျင်မှာ တိမ်တိုက်ကြီးတွေဖြစ်ပြီးတော့ ကျွန်တော်တို့ ဒီဘက်ကို ရွေ့နေတဲ့ အနေ အထားရှိတယ်။ ထိုင်းနိုင်ငံမြောက်ပိုင်း၊ လာအိုနဲ့ ဗီယက်နမ်မြောက်ပိုင်းကို ဖြတ်ပြီးတော့ပေါ့နော်။ အဲ့ဒီတိမ်တိုက်တွေ ဝင်လာမယ့်အနေအထားမျိုး တောက်လျှောက်ဖြစ်နေမယ်ဆိုရင် တော့ အလယ်ပိုင်းဒေသတွေ အပူချိန်ပြန်ကျမယ်။ မိုးရွာနိုင်တဲ့အနေအထားမျိုးတော့ဖြစ်မယ် "

( NOAA Climate Prediction Center ရဲ့ Global Tropics Hazards and Benefits Outlook Discussion ၏ ကြိုတင်ခန့်မှန်းချက်အပါအဝင် နိုင်ငံတကာမိုးလေဝသကြိုတင်ခန့်မှန်းချက်များကို ကိုးကားပြီး အပြည်ပြည်ဆိုင်ရာမိုးလေဝသစောင့်ကြည့်သုံးသပ်သူ ဦးဝင်းနိုင်၏ ကြိုတင်ခန့်မှန်းချက်ဖြစ်ပါသည်။)

Photo Crd - Win Naing FB

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...