မွေးစဆိတ်ငယ်အားအစာကျွေးမှုနှုန်းထားများ

30/03/2022 11:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား

မွေးစဆိတ်ငယ်တွေအတွက် နို့ဦးရည်က အရေးကြီးဆုံးအစာပဲဖြစ်ပါတယ်။ နို့ဦးရည်ဆိုတာ မိခင်ဆိတ်မကြီးက ပထမဦးဆုံးထုတ်ပေးတဲ့ နို့ဖြစ်ပြီး ခပ်ပျစ်ပျစ် အဝါဖျော့ရောင်ရှိပါတယ်။ ရောဂါမဝင်ရောက်နိုင်စေရန် ကာကွယ်ပေးတဲ့ ပဋိပစ္စည်းတွေ ကြွယ်ဝစွာပါဝင်ပြီးတော့ မွေးစဆိတ်ငယ်က မွေးဖွားပြီး ၁ နာရီအတွင်းနို့ဦးရည် သောက်ရပါမယ်။ နို့ဦးရည်မြန်မြန်သောက်လေ ပဋိဇီဝပစ္စည်းများများစုပ်ယူနိုင်လေဖြစ်ပါတယ်။

ဆိတ်ငယ်လေးတွေကို အစာကျွေးရမယ့်နှုန်းထားတွေကတော့

 

ပထမပတ်- ဆိတ်ငယ်အားမိခင်နဲ့အတူထားကိုထားရပါမယ်။

 

ဒုတိယပတ်- ဆိတ်ငယ်ကို မိခင်နဲ့ခွဲ၍ နို့ဘူးနဲ့ နို့တိုက်ကျွေးရပါမယ်။ နေ့စဉ်နို့လီတာဝက်ခန့်အား ၃ကြိမ်ခွဲ၍ တိုက်ရပါမယ်။

 

၃ပတ်မှ၄ပတ်သားအထိ- နို့ ၂လီတာကို ၃ကြိမ်ခွဲတိုက်ရန်နဲ့ မြက်ခြောက်၊အသားနဲ့ ရေတို့ကို ဖြည့်စွက်ကျွေးမွေးရပါမယ်။

 

၅ပတ်မှ၆ပတ်သားအထိ- နို့ ၂-၂.၅ လီတာကို ၃ကြိမ်ခွဲတိုက်ရန်၊ ဖြည့်စွက်စာနဲ့ မြက်ခြောက်တို့ကိုပါ ကျွေးမွေးပေးရန်လိုအပ်ပါတယ်။

 

၇ပတ်သား- နို့တိုက်ကျွေးမှုကို ၂ကြိမ်ထိလျှော့ချပစ်ရပါမယ်။

 

၈ပတ်မှ၉ပတ်သားထိ-နို့တိုက်ကျွေးမှုကို ၂ကြိမ်ထိပင်လျှော့ချပေးရပါတယ်။

 

၉ပတ်မှ၁၂ပတ်သားထိ- တစ်နေ့လျှင် တစ်ကြိမ်သာနို့တိုက်ရမှဖြစ်ပြီးတော့ သားခွဲပေးဖို့လည်း လိုအပ်ပါတယ်။

အကယ်၍ သားမခွဲပဲ ဆိတ်မကြီးကို ခြံထဲမှာ ကလေးနဲ့အတူထားပါက ဆိတ်ငယ်အတွက် အစာလိုအပ်လာပါလိမ့်မယ်။ ခြံစည်းရိုးအတွင်း ဆိတ်ငယ်လေးများသာ ဖြတ်သန်းသွားနိုင်တဲ့ အစာ၊ ရေနဲ့ အစာစိမ်းတွေကို စားနိုင်တဲ့ နေရာတစ်ခုပြုလုပ်ပေးထားရပါမယ်။ ဆိတ်ငယ် ၃လသားအရွယ်သားခွဲချိန်မှာ အလေးချိန် (၁၅) ကီလိုဂရမ် ရှိသင့်ပါတယ်။

Ref; စိုက်ပျိုးပညာပေးရေးနဲ့ ကျေးလက်ဒေသဖွံ့ဖြိုးရေးသင်တန်းကျောင်းမှ ထုတ်ဝေသော ခေတ်မီမွေးမြူရေး နည်းပညာများစာအုပ်မှ ကောက်နုတ်ဖော်ပြပါသည်။

 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


Natural Cure Co.,Ltd ကြော်ငြာ

ကျေးဇူးရှင်တောင်သူဦးကြီးများအားလုံးမင်္ဂလာပါရှင့် ခုမိတ်ဆက်ပေးချင်တာကတော့ အန်စီကွန်ပေါင်းဓာတ်မြေဩဇာလေးတွေဖြစ်ပါတယ် တောင်သူကြီးများအနေဖြင့် သီးပင်စားပင်စိုက်ပြီဆိုတာနဲ့ မြေဩဇာကျွေးလေ့ရှိကြတယ်မဟုတ်လား မြေဩဇာဆိုတာနဲ့ (NPK)အချိုးအစုံရှိတဲ့ အန်စီဓာတ်မြေဩဇာလေးတွေကို သတိရလိုက်ပါရှင့် အောက်မှာ အချိုးတစ်ခုချင်းစီအလိုက် ပုံလေးတွေနဲ့ အတူတူ ဖော်ပြပေးလိုက်ပါတယ်ရှင့် အသေးစိတ်သိလိုပါက 09958457742 ကို ဆက်သွယ်မေးမြန်းနိုင်ပါတယ်
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်