ရာသီစာဟင်းတစ်ခွက် မျှစ်ချက်

    ခုလိုရာသီမှာဆိုရင်တော့ မျှစ်က ဒေသတိုင်းလိုလိုမှာ ပေါပေါများများရနေပီဖြစ်တဲ့ ရာသီစာပါ။ စာရေးသူတို့ဘက်မှာတော့ လတ်လတ်ဆတ်ဆတ်ရတဲ့မျှစ်ကို ပုံစံမျိုးစုံလုပ်စားဖြစ်ကြပါတယ်။ မျှစ်ဖျားပြုတ်တို့စရာ၊ မျှစ်စိမ်းရခိုင်ချက်၊ မျှစ်ကြော်၊ မျှစ်သုတ် စုံလို့ပါပဲ။ မိုးအေးအေးမှာ မျှစ်ရခိုင်ချက်စပ်စပ်လေးနဲ့ စားလိုက်ရရင်ကို မြိန်လို့ပါ။ အဲ့တော့ မျိုးစုံလုပ်စားလို့ရတဲ့အထဲမှ ဒေသချက်မျှစ်ရခိုင်ချက်နည်းလေးကို ပြောပြပေးပါ့မယ်။

လိုအပ်တာတွေကတော့

မျှစ်

မျှင်ငါးပိ

ပုစွန် 

ဟင်းခတ်မှုန့် (မစားတဲ့သူကတော့ မထည့်ပါနဲ့)

ဆား

ကြက်သွန်နီ

ငရုတ်သီးခွဲခြမ်း

ငရုတ်သီးစိမ်းနဲ့လည်းချက်လို့ရပါတယ်။

• ကိုယ်ချက်မယ့်မျှစ်ပေါ်မူတည်ပြီး မျှစ်တုံးကို စိတ်ကြိုက် လိုသလို အတုံးအကြီးအသေးစိပ်ပါ။
• ကြက်သွန်နီထောင်းပါ။
• ပုစွန်ထည့်မယ်ဆို အမြီးဖြတ် ခေါင်းဖြတ်ထားပါ။
• ပြီးရင်တော့ ချက်မယ့်အိုးထဲကို မျှစ်၊ ပုစွန်၊ ကြက်သွန်နီထောင်းပီးသား၊ ဆား၊ ဟင်းခတ်မှုန့်၊ ငရုတ်သီးခွဲခြမ်း၊ ငါးပိအနည်းငယ်ထည့်ပြီး ရောနယ်ပြီး ချက်လို့ရပါပီ။ 
• ဒီမှာသတိထားရမှာက မျှစ်စိမ်းကိုချက်မယ်ဆိုရင် ရေများများထည့်ပီး အကြာကြီးချက်ရပါမယ်။
• ပြုတ်ပီးသားမျှစ်ကိုချက်မယ်ဆိုရင်တော့ အချိန်ခဏလေးနဲ့တင် အရသာရှိတဲ့ မျှစ်ရခိုင်ချက်ကို စားသုံးလို့ရပါပီ။ 

    ကုန်ကျစရိတ်သက်သာပြီး အိမ်ကမီးဖိုချောင်မှာရှိတာလေးနဲ့ အလွယ်တကူချက်ပြုတ်စားသောက်လို့ရနိုင်မယ့် ဟင်းကောင်းတစ်ခွက်ဖြစ်မှာပါ။ 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်