မိုးတွင်းဘက် ကျောက်ဖရုံသီး အသီးတင်နိုင်လားနှင့် တစ်ပတ်အတွင်း စိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (Bo Bo) - မိုးတွင်းဘက် ကျောက်ဖရုံသီး အသီးတင်ပါသလား။

ဖြေ (ဒို့ဦးလေး) - ၃၀% လောက်ဘဲ အသီးတင်နိုင်ပါမယ်။ ဆောင်းပိုင်းပွင့်တဲ့အပွင့်တွေက မိုးလွတ်လေလွတ်ဆိုတော့ အသီးပိုတင်တာတွေ့ရပါတယ်ကွယ်။

(ဦးမောင်မောင်ထွေး) - ကျောက်ဖရုံမိုးတွင်မှာအသီးတင်ပါတယ်။ စင်နဲ့စိုက်တာပဲ အဖိုပွင့်ကိုယူပြီးဝတ်မှုံနံနက်ပိုင်းမှာကူးပေးရင် ပိုအသီးတင်မယ်။

၂။ မေး (Ko Min Soe Kyaw)- တီစူပါကို စပါးရက် 40 သားတွင်းကျွေးထားပါက ရက် 60 စပါးစတင်ဖုံးချိန်တွင် အကျိုးရှိနိုင်သလား ကြဲပက်ပေးပါက ဘယ်နှစ်ရက်တွင်ပျော်ဝင်အကျိုးရှိပါသလဲ။

ဖြေ (ဒို့ဦးလေး) - တီစူပါက ဓာတ်ပြုနှေးလို့ ၂၀-၃၀ရက်ကြိုကျွေးတာသဘာဝကျပါတယ်။ ပျော်ဝင်မှုက ရေ/အစိုဓါတ်အပေါ်/မြေအမျိုးအစားပေါ်မူတည်ပြီးကြာနိုင်ပါတယ်။

၃။ မေး (ရဲထက် ကရင်) - စပါးရွက်ဖုံးပုပ်ရောဂါဖြစ်ရင် လယ်ထဲရေရှိတာနဲ့မရှိတာ ဘယ်ဟာ ပိုကောင်းလဲ။

(ဖုန်းမဏ်တိုး) - မှိုရောဂါ ရှိနေမှု နဲ့ စပါးမျိုးအပေါ်မှာပဲ မူတည်ပါမယ်။ ရေမရှိတဲ့ အနေအထား ဖန်တီးယူဖို့ကို အားမပေးပါဖူးခင်ဗျ။ ဆိုးဝါးတဲ့ရောဂါမဟုတ်တဲ့အတွက် မှိုရောဂါကိုကြောက်ရဖို့ထက် အပင်ကျန်းမာရေးကောင်း အထွက်ရဖို့ကို ပိုအာရုံစိုက်သင့်ပါတယ် သုံးလိုပါက မှိုသတ်ဆေးအနေဖြင့် - hexaconazole အေအိုင်ကို ဆိုင်မှာ မေး၍ ဖျန်းနိုင်ပါတယ်။

၄။ မေး (ဖိုးလပြည့်) - ပုံပါ ပိုးအမျိုးအစားက အဝါရောင်ဆစ်ပိုးလောက်ကောင် ဟုတ်/မဟုတ်သိပါရ‌စေခင်ဗျာ။ နောက်ဆုံးပုံပါ ကိုက်ဖြတ် ဖျက်ဆီးခံထားရတာက ကြွက်ဖလောင်းကိုက်တာလား၊ ဆစ်ပိုးပဲ၀င်တာလားဆိုတာပါ ရှင်းပြပြောပြပေးပါဦးခင်ဗျ။

(ဖုန်းမဏ်တိုး) - ပိုးပုံအရတော့ ဆစ်ပိုးမဟုတ်ပါ၊ သို့ပေမယ် စပါးအမြစ် နဲ့ ပင်ခြေကို ကိုက်ဖျက်တတ်တဲ့ ပိုးတစ်မျိုးပါ wire worm ပါ သူ့အတွက် သုံးသင့်တဲ့ ဆေးတွေက cartap hydrochloride ကာတက်အမှုန့်ကို ပက်ပေးနိုင်ပါတယ်။ ဖျန်းဆေးအနေနဲ့ ကတော့ profennophos ပရိုဖန်နိုဖော့ပါတာကို ပင်ခြေကို အဓိကထားဖျန်းပေးပါ။ စပါးရေအနက် ၆ လက်မကျော်နေရင်တော့ ဖျန်းတာက ပိုအဆင်ပြေပါမယ်ခင်ဗျ။

၅။ မေး (သက်ဇင်ဦး) - အမြစ်ပုပ်နေတာပါဗျ ဘယ်လိုဖြေရှင်းလို့ရမလဲခင်ဗျ။

(ဒို့ဦးလေး) - အမြစ်ပုပ်တာက ရေလှောင်ကြာလို့ဖြစ်တတ်သလို တမန်းစိမ်း(တမန်းမပုပ်ဘဲ စိုက်တာကြောင့်လည်းဖြစ်တတ်ပါတယ်) အဓိကအချက်ကတော့..အမြစ်တွေ လေမရှူနိုင်လို့ပါ။ ရေထုတ်ပြီး ပိုတက်၊ဂျစ်ဆန်ပက်ပါ။ ရေထုတ်လို့မရရင် တမန်ူနိုးပြီး ပိုတက်ကျွေးပါ။ ပိုတက်ချ်တဧက ကိုအိတ်ဝက်နုန်းနဲ့ ဂျစ်ဆန် ၁အိတ်နှုန်း အသုံးပြုပါ။

အဖြေတွေအကုန်လုံးကို စိတ်ကျေနပ်မယ်လို့ မျှော်လင့်ပါတယ်။ ဗဟုသုတရဖို့ လေ့လာချင်သူတွေအတွက်လည်း အခုရက်ပိုင်းဖြစ်နေတဲ့ စိုက်ခင်းပြဿနာတွေချည်းပဲမို့ အကျိုးဖြစ်ထွန်းမယ်လို့ ယုံကြည်ပါတယ်ရှင့်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...