ငါးအမိုင်နိုအက်ဆစ်ကောင်းတစ်ခုရဖို့ သုံးရမယ့် ငါးနဲ့ တစ်ပတ်အတွင်းစိတ်ဝင်စားစရာ အမေးအဖြေများ

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကနေ ကြိုဆိုလိုက်ပါတယ်ရှင့်

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (Thu) စပါးခင်းထဲ မှာ နှစ်တိုင်းပေါက်ပါတယ်။ ဒေသအခေါ်တော့ နမ္မတိ လို့ပဲ ပြောကြတယ်။ ဘာပင်အမျိုးစားလဲ၊ စပါးခင်းကိုရော ဒုက္ခပေးတတ်လား သိချင်ပါတယ်ဗျ။

ဖြေ (ဒို့ဦးလေး) - ပကန် လို့ခေါ်ပြီး ရေညှိလိုအပင်တွေ နဲ့တူပါတယ်။ ရေဝပ်ကြာတဲ့လယ်တွေ မြေချဥ်တဲ့လယ်တွေ ဖြစ်တတ်တယ်။ စပါးပင်ခြေရစ်ပြီး စပါးပင် အတက်နှေးပါတယ်။

၂။ မေး (Thiha Kyaw)-  ကျွဲချေးဆွေးနဲ့ ဗေဒါဆွေးကိုအပင်ခြေအုံထားပြီး ၄ရက်လောက်ကြာတော့ပုံပါအတိုင်းဖြစ်နေလို့ သေသွားနိုင်လားဗျ။ ဘယ်လိုပြန်လုပ်ပေးရင်အဆင်ပြေနိုင်မလဲ ကျွဲချေးနဲ့ဗေဒါကလဲမိုးရေထဲပုံထားတာ၃လကျော်လောက်ဖြစ်ပြီ မဆွေးသေးလို့များလားဗျာ ကြည့်ပေးပါအုံးခဗျ။

ဖြေ (ဒို့ဦးလေး) - မဆွေးသေးဘဲ အပင်ခြေမအုံရပါဘူး။ ပြန်ဖယ်ထားပါ။ အပင်ခြေနဲ့.၂ ပေခွာပြီး မြေဆွဘောင်တင်ပါ။ ၂ ပေပတ်လည် အကျယ် မြောင်းထဲ မြေဆွေးထည့်ပါ။

၃။ မေး (Ye Htet Kyaw) - ငါးအမိုင်နိုအက်စစ်ကို အခြားသော ပိုးသတ်ဆေး၊ မှိုသတ်ဆေး၊ အပင်အားဆေး၊ ဟော်မုန်းဆေး၊ ခရုသတ်ဆေးနဲ့ အသင့်သုံးအီးအမ်တို့ရောစပ်တွဲဖျန်းလို့ရနိုင်မလား။

ဖြေ(ဒို့ဦးလေး) - အကုန်လုံး ရောဖျန်းလို့ မရပါဘူးဗျာ။ ငါးအမိုင်နိုကို အီးအမ်နဲ့ တွဲဖျန်းပါ။ အားဆေး၊ ဟိုမုန်းဆေးနဲ့တွဲပါ။ ပိုးဆေး၊ မှိုဆေး ကို တစ်မျိုးစီ သီးသန့်ဖျန်းသင့်ပါတယ်။

၄။ မေး (Zay Yar Htway ) - ဆရာတို့ခင်မျာ တိုင်ထောင်ပဲမျိုးစေ့ချရာမှာ မပေါက်မှာစိုးပြီး၂ စေ့ချပြီး ပေါက်လာတဲ့အခါ ၂ ပင်ပေါက်လာပါတယ်။၂ ပင်ထားရမှာလား ၁ ပင်ထဲထားရမှာလား ပြောပြပေးပါခင်မျ။

ဖြေ(Thandar Khaing)- အ‌တွေ့အကြုံအရ ၁ ပင်ကအကောင်းဆုံး။ အရွက် ဖြစ်လာပြီဆို မှုန်းလို့ရပါပြီ မသန်တဲ့အပင်ကိုနုတ်ပေါ့ ကိုတွေကတော့ ၁စေ့ပဲပျိုးဖူးတယ် အကုန်ပေါက်တယ် ပေါက်လွယ်တယ်။

(ဦးမောင်မောင်ထွေး)- ကျင်းအကွာအဝေးစိတ်လားကျဲလားထားလို့ရပါတယ်။ အသီးတော့တိုသွားနိုင်တယ်။

 ၅။ မေး (Ye Htet Kyaw) - ငါးအမိုနိုလုပ်ရာမှာ ဘယ်ငါးအမျိုးအစားက အကောင်းဆုံးလဲဗျ၊ ရေငန်ငါးလား၊ ရေချိုငါးလား၊ အဆီများတဲ့ငါးလား၊ အသားများတဲ့ငါးလားဗျ။ 

(ဒို့ဦးလေး) - အမိုင်နိုအက်ဆစ်ကိုအဓိက ယူတာမို့ ငါး.တွေမှာ .အတူတူပဲလိူ့ ယူဆပါတယ်။

(ဦးမောင်မောင်ထွေး) - ငါးအမိုင်နိုကရေချိုငါးရဲ့ မသုံးတဲ့အစိတ်အပိုင်းတွေကိုသုံးရင် ကုန်ကျစရိတ်နည်းတယ်။ ပင်လယ်ငါးကိုရေခဲနဲ့လှောင်တဲ့ငါးကိုလဲသုံးလို့ရပါတယ်။ ဆားနဲ့လှောင်တဲ့ ငါးဆိုဆားကြောင့်အပင်လောင်နိုင်တယ်။

(ဦးချစ်ကိုဦး) - အနက်ရောင်ပါတဲ့ငါးကပိုကောင်းပါလိမ့်မယ်။ စာအရဆိုရင်ပြောပါတယ်။

မေးခွန်းတွေအကုန်လုံးကလည်း အခုချိန်တောင်သူတိုင်းကြုံတွေ့နေရတဲ့ ပြဿနာတွေကြီးကို စုစည်းထားတာမို့ ဗဟုသုတရမယ်လို့ မျှော်လင့်ပါတယ်ရှင့်။

အတွေ့အကြုံရှိတဲ့ တောင်သူတွေလည်း ဝင်ဆွေးနွေးနေတာကို မြင်ရတော့ မြန်မာတို့ရဲ့ ချစ်စရာကောင်းတဲ့ ကူညီပေးတတ်တဲ့ စိတ်လေးကို ကြည်နူးမိပါတယ်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်