စပါးမှို့ကပ်ချိန်တွက်နည်းနှင့် တစ်ပတ်အတွင်း စိတ်ဝင်စားစရာအမေးအဖြေများ

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့ကို ပြန်လည်လို့ရောက်ရှိလာခဲ့ပါပြီ။

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်နော်။

၁။ မေး (Sai Htet) - Lamba cyhalothrin 2.5%EC ဆေးအဆိပ်ပါဝင်မူက ပန်းပွင့်ချိန်မှာ အသုံးပြုလို့ရလားဗျ။ ဘယ်လောက်နှုန်းထားတွေထည့်ရမလဲဆရာတို့ ဖြေပေးပါဦး။

ဖြေ ( ဒို့ဦးလေး) - EC formula ပိုးသတ်ဆေးတွေကို ရေနံထွက်ဓာတုပစ္စည်းတစ်မျိုးနဲ့ ရောနှော ထုတ်လုပ်ရတယ်လို့ဆိုပါတယ်။ Inert လို့ခေါ်ပါတယ်။ ထုတ်လုပ်တဲ့နိုင်ငံရဲ့ ပစ္စည်းအရည်အသွေးကို မူတည်ပြီး Inert ကောင်းခြင်း/ညံ့ခြင်း ကွာခြားတာမို့..ပန်းပွင့်ပွင့်ချိန်မှာ..အဆိုပါ အီးစီ(ဆေးပူ/ဆေးပြင်း)ကြောင့် အပွင့်ထိခိုက်မှု နည်းခြင်း၊ များခြင်းကွာခြားနိုင်ပါတယ်။ ဒါကြောင့် ဖြစ်နိုင်မယ်ဆိုရင်.. အီးစီဆေးတွေကို ပန်းဝတ်မှုံ ကူးချိန်မှာ မဖျန်းကြဖို့၊ မဖြစ်မနေဖျန်းမယ်ဆိုရင်ညနေချိန်ဖျန်းကြဖို့ တိုက်တွန်းရခြင်းဖြစ်ပါတယ်။ ဆေးနှုန်းထားက ရေတဂါလံ=ဆေး၁၀စီစီ။

(ဦးမောင်မောင်ထွေး) - ပန်းပွင့်ချိန်တွင် ဘာဆေးမှမဖျန်းသင့်ပါ ။ ဆေးများကအနဲနဲ့ အများဝတ်ဆံနဲ့ ဝတ်မှုံခံတိုင်တို့ကို ထိခိုက်ပျက်စီးစေနိုင်တယ် ဆေးများကိုကာကွယ်ရန်ကြိုတင်ဖျန်းထားပါ။

၂။ မေး (Paing)- စပါးအတွက် သဘာဝအပင်အားဆေးလုပ်နည်းလေးကိုပြောပြပေးပါ။

ဖြေ (ဒို့ဦးလေး) - စပါး၊ ပြောင်းစတဲ့ နှံစားသီးနှံတွေက နိုက်ထရိုဂျင်များစွာ လိုအပ်ပါတယ်။ ဒါကြောင့် သဘာဝမြေသြဇာများများ ကောင်းကောင်းကို ကြိုက်ပါတယ်။ အမြစ်မွှေးများမှတဆင့် မြေကြီးထဲက အာဟာရ စုပ်ယူမှု ဖြစ်စဥ်က အရွက်ကတစ်ဆင့် ပက်ဖျန်းကျွေးတဲ့ အာဟာရထက် ပိုထိရောက်ပါတယ်။ စပါးပင်အတွက် သဘာဝအပင်အားဆေးအနေနဲ့ ငါးအမိုင်နို /ခရုအမိုင်နို ပြုလုပ်သုံးစွဲနိုင်ပါတယ်။ ပြုလုပ်နည်းကို အစိမ်းရောင်လမ်း ဆော့ဖ်ဝဲမှာ ဖတ်ရှုနိုင်ပါတယ်ခင်ဗျာ..

၃။ မေး ( မောင်အောင်ကိုဝင်း) - မုန်လာဥဖြူ ခေါင်ပိုးကြနေလို့ ဘယ်ဆေးအသုံးပြုရမလဲဆရာတို့။

ဖြေ (ဖုန်းမဏ်တိုး) - ပိုးတွေ့လားရှာကြည့်ပေးပါခင်ဗျ ကျွန်တော်အထင်တော့ ရောဂါကြောင့် လိုတော့ထင်ပါတယ် ကော့ပါး နဲ့ ကာဆူဂါမိုက်ဆင် အေအိုင်တွေကို ဆိုင်မှာရှာဝယ်ပြီးဖျန်းပေးပါခင်ဗျ

(ဦးမောင်မောင်ထွေး) - မုံလာပင်ကဥရခါနီးနေပြီ ဆေးအာနိသင်သက်တန်းတိုတဲ့ ဥပမာမာလာသီယွန်ကဲ့သို့ရေပျော်ဆေးဖျန်းပါ။

၄။ မေး (kut) - တစ်လသားစပါးရေကြီးပြီးရွက်ဖျားဝါတာဘယ်လိုကြောင့်လဲဗျ။

(ဒို့ဦးလေး) - ရေမလှောင်ပါနဲ့ဦး။ ရေစပ်စပ်ထားပြီး သဘာဝမြေသြဇာ+ဂျစ်ဆန်+ဓါတ်မြေသြဇာ ကျွေးပါ။ အဟာရချို့နေတာပါ။

(toetoe) - ရေနာမိပြီးမြစ်မပုတ်တာပါဘာမှမဖြစ်ပါဘူးရေပြောင်လွှတ်ပီးမြေဆီပုလဲပက်ပေးပါ။

အဲလိုအရေပျော့ဖြစ်သွားရင် မဖျက်စီးနိုင်တော့ဘူးပေါ့။ ပညာရှင်မဟုတ်ပါ။

၅။ မေး (ဦးသက်နိုင်ဦး) - စပါးမှို့ကပ်ချိန်ဘယ်လိုတွက်ရလဲဗျ။

(မြင့်ချို) - စပါးမှို့ကပ်ချိန်သိချင်ရင် ဦးသက်နိုင်ဦးအနေနဲ့ ကိုယ်စိုက်တဲ့စပါးမျိုးရဲ့ အပင်သက်တန်းတော့ သိဖို့လိုအပ်ပါတယ်။ ဥပမာ အပင်သက်တန်း 125 ရက်ရှိတဲ့ မှော်ဘီဆန်းစပါးမျိုးဆိုကြပါစို့ အနှံကြီးထွားချိန် 35 ရက်နဲ့ သီးပွင့်ရင့်မှည့်ချိန် ရက် 30 ကိုပေါင်း 65 ရက် အပင်သက်တန်း 125 ရက်က 65 ရက်နှတ်လိုက်ရင် စိုက်ပြီးရက် 60 ပြည့်တဲ့အချိန်ဟာ မှို့ကပ်ချိန်ပါပဲ။

(ဆုမြတ်နိုး) - ကြဲခင်းလား ပျိုးခင်းလားလည်း သိဖို့လိုပါသေးတယ်ရှင့် ကြဲခင်း = (စပါးမျိုးရက် - ၆၅) ပျိုးခင်း = (စပါးမျိုးရက် -(၆၅+ ပျိုးရက်) )

မေးခွန်းတွေအကုန်လုံးကလည်း အခုချိန်တောင်သူတိုင်းကြုံတွေ့နေရတဲ့ ပြဿနာတွေကြီးကို စုစည်းထားတာမို့ ဗဟုသုတရမယ်လို့ မျှော်လင့်ပါတယ်ရှင့်။

တခြားမိတ်ဆွေတောင်သူတွေလည်း ဒီလိုမျိုးအကြံဉာဏ်တွေရယူချင်တယ်ဆို အမေးအဖြေကဏ္ဍမှာ ပို့စ်တင်မေးလို့ရနေပါပြီနော်။ ဘယ်လိုတွေမေးရမှန်းမသိရင် ပုံလေးသာတင်ပြီး မေးလိုက်။ ဆရာတို့က သေချာကြည့်ပြီး ဖြေပေးနေပါပြီရှင့်။ အမေးအဖြေကဏ္ဍမှာ အားမနာတမ်း ပို့စ်တင်မေးနိုင်ပါကြောင်း သတင်းကောင်းပေးရင်း ဒီတစ်ပတ်တော့ ဒီလောက်နဲ့ပဲ အဆုံးသတ်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...