pH တူ မြေကွာရင် ထွက်နှုန်းကွာလားနဲ့ တစ်ပတ်အတွင်း စိတ်ဝင်စားစရာ အမေးအဖြေများ

မင်္ဂလာပါရှင့်

စိတ်ဝင်စားစရာ အမေးအဖြေတွေကို လေ့လာရမယ့် စနေနေ့လေးကနေ ကြိုဆိုလိုက်ပါတယ်ရှင့်

ဒီတစ်ပတ်မှာလည်း ဦးကြီးတို့အတွက် လေ့လာမှတ်သားစရာကောင်းတဲ့ အမေးအဖြေလေးတွေကို စုစည်းပြီးဖော်ပြပေးလိုက်ပါတယ်။

ပထမဦးဆုံးမေးခွန်းကတော့

၁။ မေး (Ye Kyaw) - မြေကြီးရဲ့ PH Levelတွေတူညီပြီး မြေအမျိုးအစားမတူရင် ထွက်နှုန်းကွာပါသလား။

ဖြေ ( ဒို့ဦးလေး) - မြေကြီးထဲမှာ ရှိနေတဲ့အာဟာရချင်း မတူရင် အထွက်နှုန်းကွာနိုင်ပါတယ်။ (မြေသြဇာပံ့ပိုးနိုင်ရင်တော့..တစ်မျိုးပေါ့)

(ဦးခင်မောင်လတ်) - ကွာမှာပါ ဘာလို့ဆို PH level တော့တူနေပါရဲ့ မြေဆီဩဇာထက်သန်တဲ့ မြေက ပိုအထွက်ကောင်းမှာပါ။ ပြီးတော့နောက်တစ်ခုက စိုက်မဲ့သီးနှံ ကြိုက်တဲ့မြေမဟုတ်နေရင်လည်း သီးနှံအထွက်နှုန်းကျနိုင်ပါတယ်။ pH က စိုက်တဲ့သီးနှံအာဟာရပိုစားနိုင်အောင်ပဲ ကူညီပေးပါတယ်။ သူ့ကြောင့်အထွက်နှုန်းပိုကောင်းတာမဟုတ်ပါ။

(Kyaw Kyaw Oo) - မြေအမျိုးစားမတူရင် ထွက်နှုန်းကွာနိုင်ပါတယ်။ မြေအမျိုးစားကြိုက်တဲ့ သီးနှံစိုက်မယ်ဆိုရင် ထွက်နှုန်းလဲ မလျော့နိုင်ပါ။

နွားချေးမြေဆွေးကို အသုံးပြုချင်ပါရဲ့ ဘယ်လိုပြုရမလဲ သိချင်တဲ့ မိတ်ဆွေတွေအတွက်ပါ။

၂။ မေး (Aung Chan) - ဘောင်ပေါ် နွားချေးမြေဆွေးဖြူးလို့အဆင်ပြေမလားဗျ။ ဖြူးပြီးဘာလုပ်သင့်လဲအကြံပေးပါဦး။

ဖြေ (Ye Thura) – အပင်ခြေမကပ်ပဲ ဖြူးပေးနိုင်ပါတယ်။

(ဆုမြတ်နိုး) - ဆွေးနေတဲ့နွားမြေဆွေးဖြစ်ဖို့လိုပါတယ် ပြီးရင်တော့ မြေလေးနဲ့ သမပေးပါ ပြီးရင်ရေသင့်တင့်ရုံလောက်ဖျန်းလို့ရပါတယ်။

(ဦးမောင်မောင်ထွေး) - မြေဆွေးဖြူးပြီးမြေနဲ့ ပြန်ဖုံးပေးပါ။ ဒါမှမြေဆွေးခြောက်မသွားဘဲ အကျိုးပြု အဏုဇီဝများ ရှင်သန်ပြီးအစိုဓာတ်ကိုလဲထိန်းပေးပါမှ ဆွေးမြေ့ပြီးအာဟာရများလည်းဖြစ်စေမယ်။ မြေနဲပြန်မဖုံးရင်ခြောက်သွေ့လေလွင့်ပြီး အလဟသဖြစ်သွားမယ်။

ကွမ်းစစိုက်ဖို့ ဘာတွေပြင်ဆင်ရမလဲ သိချင်တဲ့ဦးကြီးတို့အတွက်လည်း ဖော်ပြပေးလိုက်ပါတယ်ရှင့်။

၃။ မေး (Hein Ko Ko) - ဆရာ ကွမ်းစစိုက်မလို့ပါ ကွမ်းပင်တွေ မြေအောင်းပိုးကြောင့်လား ရောဂါကြောင့်လား (မနှစ်က ကွမ်းစိုက်တောင်သူ ကြုံခဲ့ရလို့) ကွမ်းပင်မသေအောင် ၊ ဆီစွန်းရောဂါ မကျအောင် မစိုက်ခင် မြေကို ဘယ်လို ပြုပြင်သင့်သလဲ။ ကျနော်တို့ဆီက အပူပိုင်း မိုးခေါင်ဒေသမှာ ဘယ်လသည် ကွမ်းစိုက်ရန် သင့်လျော်ပါသလဲ။

ဖြေ (ဒို့ဦးလေး) - အဓိက,သတိပြုရမယ့်အချက်တွေကတော့.. မြေသန့်/မျိုးသန့်/ရေသန့်/အကိုင်သန့်ဖို့ လိုပါတယ်၊ ၁ချက်ချင်းကို ပိုင်အောင်လုပ်ပါ။ ဥပမာ.. မြေကြီးကို ထုံးပက်တာ/ဂျစ်ဆန်ထည့်တာ/ဘောင်ဆွဲပြီးရင် ရေနုတ်မြောင်းလုပ်တာ/စိုက်ကျင်းနေရာကို မှိုသတ်ဆေးဖျန်းတာ/မြေအောင်းပိုးဆေးဖျန်းတာ စသဖြင့်လုပ်ခဲ့မယ်ဆိုရင်. ကွမ်းခြံ သန့်သန့်တစ်ခြံရရှိမှာဖြစ်ပါတယ်။ နောက်ပိုင်းကတော့.. ပြုစုမှုအပိုင်း ကို ဆက်လေ့လာပါ.. ကွမ်းမစိုက်ဖူးသေးတဲ့နေရာ/ရောဂါကျထားတဲ့နေရာ/ရေဆိုးထုတ်မြောင်းနေရာ/အရိပ်ကျရောက်တဲ့နေရာ/ တွေကလွဲပြီး..ကျန်နေရာ.ရွေးပါ။ ထုံးပက်ပေးပါ/ဂျစ်ဆန်/ထရိုင်ကိုဒါးမားထည့်ပေးပါ။

အကျိုးတစ်စုံတစ်ရာ ဖြစ်ထွန်းမယ်လို့ မျှော်လင့်မိပါတယ်နော်

စိုက်မွေးပြဿနာတစ်စုံတစ်ခုရှိလာပြီဆို အစိမ်းရောင်လမ်းဆော့ဝဲရဲ့ အမေးအဖြေကဏ္ဍမှာ စိုက်ကြိုက်ဆွေးနွေးနိုင်ပါကြောင်း သတင်းကောင်းပါးရင်း ဒီတစ်ပတ်အတွက် ဒီလောက်နဲ့ပဲ နှုတ်ဆက်လိုက်ပါဦးမယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

pH တူ မြေကွာရင် ထွက်နှုန်းကွာလားနဲ့ တစ်ပတ်အတွင်း စိတ်ဝင်စားစရာ အမေးအဖြေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

pH တူ မြေကွာရင် ထွက်နှုန်းကွာလားနဲ့ တစ်ပတ်အတွင်း စိတ်ဝင်စားစရာ အမေးအဖြေများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဒေသထွက်ဇီဝထွက်ကုန်များ ကုန်သွယ်ခြင်းဆိုသည်မှာ

ICT (အိုင်စီတီ) ဆိုတာ ဘာလဲ ?

အင်တာနက်ဆိုတာ ဘာလဲဗျ?

{{ post.title }}