တစ်ပတ်အတွင်း စိတ်ဝင်စားစရာအမေးအဖြေများ

စိတ်ဝင်စားစရာ အမေးအဖြေကို စုစည်းပြီးဖော်ပြပေးနေတဲ့ စနေနေ့လေးကနေ ကြိုဆိုလိုက်ပါတယ်ရှင့်။

မေးခွန်းနဲ့ အဖြေတွေကတော့ ဆော့ဝဲထဲမှာရှိတဲ့ အမေးအဖြေကဏ္ဍကနေ ရယူထားခြင်းဖြစ်ပါတယ်။ တခြားမေးမြန်းလိုသူတွေလည်း စိုက်ပျိုး/မွေးမြူရေးနဲ့ ပတ်သက်တဲ့ မေးခွန်းတွေကို စိတ်ကြိုက်မေးမြန်းလို့ရပါတယ်ရှင့်။ ချိတ်ဆက်ထားတဲ့ ပညာရှင်တွေနဲ့ အတွေ့အကြုံရှိတောင်သူတွေ ဝိုင်းဝန်းပြီး ဆွေးနွေးနေကြပါပြီနော်...

ဒီတစ်ပတ်ရဲ့ စိတ်ဝင်စားစရာ မေးခွန်းတွေကတော့.....

၁။ မေး (ဦးကိုကိုမောင်) - ပဲပင်ကအရွက်တွေဝါပြီးခြောက်နေတယ်ဆရာ။ ဒီနှစ်အတွက်မမှီတော့ရင်တောင် နောက်နှစ်အတွက်အသိပညာရအောင်လို့ အကြံပြုပေးပါဦးခင်ဗျ။

ဖြေ (ဒို့ဦးလေး) – ရောဂါဒဏ်ခံတဲ့မျိုး(ရေဆင်း၁၅/၁၆) ပြောင်းစိုက်ပါ။ မျိုးစေ့ကို ဆေးလူးပြီးမှစိုက်ပါ။ စိုက်ချိန်စောစိုက်ခြင်း ရှောင်ပါ။ ယင်ဖြူ/စုပ်စားပိုး ဆေး ကြိုတင်ကာကွယ်ပါ။

၂။ မေး (Pyae Phyoe Aung) - ကြက်သွန်ဖြူပင်လေးတွေ ပုံပါအတိုင်း ဖြစ်နေလို့ပါခင်ဗျာ ရောဂါအနေအထားနဲ့အသုံးပြုရမယ့်ဆေးကို ညွှန်းပေးစေချင်ပါတယ်။

ဖြေ (ဒို့ဦးလေး) - ဂျိုလိမ်ရောဂါက အမြစ်မှာ မှိုရောဂါရရင်လည်း ဖြစ်တတ်တယ်။ အရွက်ကြားထဲမှာ လှေးရှိရင်လည်း ဖြစ်တတ်တယ်။ ဇင့်ချို့တဲ့ရင်လည်း ဖြစ်တတ်ပါတယ်။ အခုဖော်ပြပါ အချက်ထဲက ဘာဖြစ်နိုင်မလဲ ဆိုတာ ကွင်းထဲမှာ ကြည့်မှ သိမှာပါ။

(ဦးသက်လွင်) - အခြားပိုးမွားရောဂါနှင့် အာဟာရချို့တဲ့မှုကြောင့်မဟုတ်ပါက ပရိုပီနာဇိုး၊ အဇိုစတိုဘင်+ ဒိုင်ဖီနိူကိုနာဇိုး၊ Hymexazol တစ်မျိုးမျိုး ပက်ဖြန်းပါ။

၃။ မေး (ရှိုင်းထက်အောင်) - အုတ်ဖုတ်ထားတဲ့ စပါးခွံပြာကိုလယ်ထဲထည့်လို့ရလား ဘာကောင်းကျိုးရလဲဗျ။

ဖြေ (ဦးသက်လွင်) - ထည့်၍ ရသော်လည်း ဆန်စက်မှ ထွက်သော စပါးခွံဖွဲပြာနှင့် နှိုင်းယှဉ်ပါက အာနိသင်လျော့ပါတယ်။ ပိုတက်စီယမ်(ပြာဓာတ်)ရရှိပြီး ရောဂါဒဏ်ခံနိုင်ခြင်း၊ အပင်တောင့်တင်း ခိုင်မာခြင်း၊ အစေ့အဆံအောင်ခြင်း စသည့်အကျိုးကျေးဇူးများ ရရှိနိူင်ပါတယ်။

၄။ မေး (ထက်နိုင်လင်း) - စိုက်ပျိုးရေးဆေးဆိုင်ဖွင့်ရန် လိုအပ်ချက်များ သိချင်ပါတယ်။

ဖြေ (ဦးသက်လွင်) - ၁။ CPA သင်တန်းဆင်းလက်မှတ်ရရှိရန် သင်တန်းတက်ပါ။ ၂။ ပိုးသတ်ဆေး ရောင်းချခွင်လိုင်စင် လျှောက်ပါ။ ၃။ မြေဩဇာရောင်းချခွင့် လိုင်စင်လျှောက်ပါ။

၅။ မေး (နေထက်) - မြေဆွေးလုပ်ပြီး၂ရက်ကြာတော့ပြန်ဖော်ကြည့်တာ ဘာအကောင်လေးတွေတုန်း မသိလို့ပြောပြပေးပါ။

ဖြေ (ဒို့ဦးလေ) - သဘာဝမြေဆွေး ဆိုတာ.. သက်ရှိတွေ၊ပိုးမွှားတွေ ပျော်ကြ၊ ပွားကြတဲ့ နေရာပါ။ အောင်မြင်ပါတယ်။

အစိမ်းရောင်လမ်းရဲ့ အမေးအဖြေကဏ္ဍမှာ ပညာရှင်တွေနဲ့ အပြန်အလှန်ဆွေးနွေးလို့ရနေပြီဆိုတော့ ဝင်ရောက်ဆွေးနွေးဖို့ဖိတ်ခေါ်ပါတယ်နော်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...